Garata 4:21 - Deduamiti

²¹ Anu dedeseriyoacac bageu kecbeso angemmedeu, ngeni kedzac faima yoac yomoc negembisia,

Yoak kekehagocac Dzadzahac gboria nga Mitiyegec

²¹ Anu dedeseriyoacac bageu kecbeso angemmedeu, ngeni kedzac faima yoac yomoc negembisia,

Garata 4:21 ပူးပေါင်းရင်းမြစ်များ

Mareko 10:3

ifi degec yofi merengyemmeec, “Mosengo imocac dedeseriyoac dafi ngemmeec?”

Ruka 16:29

Ifi deu Abrahangngo ine yofi deec, ‘Yeni Mose nga profete yeneac yoac mekecma negengkecbisia.’

Yohane 10:34

Ifi degec Yesungo yofi merenec, “Dedeseriyoacnginau yoac yofi oho ohoya fede, imoc mi negendae me? Anutu yengenaoc deec, ‘Ni deba, ngeni sasawango anutuareng.’ (Myeg 82:6)

Yohane 12:34

Ifi deu ngic habutoango meremmigec, “Dedeseriyoacfu yofi degec negengandimbe, ‘Messiango fingecma nasoya kpac, kechereema kecbesande.’ Anu ge dafi denec, ‘Ngic yeneng Ngicac Medac miacgec embeso.’ Nga Ngicac Medac imoc merac?”

Yohane 15:25

Anu yoac yomoc, ‘Yeni hania kpacfu ubango ukunugec.’ (Myeg 35:19; 69:4) imoc dedeseriyoacnginau oho ohoya fede nga imocngo hafoangoc fingerudeac ifi anggec.

Roma 3:19

Neni yofi negendimbe, dedeseriyoac imocngo ngicngac dedeseriyoacac bageau kecdae, imoc yeneac enacngina medzickeudeac nga bangeha bangeha ngicngac sasawa yeni Anutuarunac turunga megecdeac amma yoara dede.

Roma 6:14

Ngeni dedeseriyoacac bageau kekec, imoc bic wama danggunucac bageau kecdae, imocac amma kopocsingo kunengngina mi ambeso.

Garata 3:10

Ngicngac yeneng dedeseriyoac tobanggema tofohokecdae, yeni sasawango sowecac bageu kecdae. Mitikibiu imocac yoac mong yofi oho ohoya fede, “Ngicngac dedeseriyoacfu wiac oho ohoya fede, imoc wama mi modackecdae, yeni sowecac bageu kecdae.” (Dser 27:26)

Garata 4:9

Ngeni yofinenggac ireckema Anutu negemmidae me yofi naric deba, Anutungo ngeni bic negengngunuu kecdae. Nga ngeni monggoc dzigenema bangecac hadehade makpekpea nga kucngina kpac, yenearu monggoc kemma yeneac wanacareng anggecdeac negendae, fakangina imocngo obohode.