Garata 3:8 - Deduamiti

⁸ Nga Anutungo bangec monnunac ngicngac, yeni negen negensingnginaac amma dindingac deyemmeude. Ye imocac siduc gombung warac Abarahang edeec nga imoc mitikibiu yofi oho ohoya fede, “Ngicngacareng bangeha bangeha kecgecde yeni geac amma kenecyunudacbesandua.” (Fing 12:3; 18:18; 22:18)

Yoak kekehagocac Dzadzahac gboria nga Mitiyegec

⁸ Nga Anutungo bangec monnunac ngicngac, yeni negen negensingnginaac amma dindingac deyemmeude. Ye imocac siduc gombung warac Abarahang edeec nga imoc mitikibiu yofi oho ohoya fede, “Bangec monnunac ngicngac, yeni sasawango gearu hama kenecgoc anggecde.” (Fingec fingec 12:3, 18:18, 22:18)

Garata 3:8 ပူးပေါင်းရင်းမြစ်များ

Fingec fingec 12:3

Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”

Fingec fingec 18:18

“Foracngoc, Awraham ye ngicngacareng kuneng nga kuhagoc anude amma yeac amma bangeha bangeha ngicngac yeni kenecnginagoc anggecde. Imocac ni faka me wiac mong ambeso negenduae imoc Awraham naric mi hesonggemibade.

Fingec fingec 22:18

Nga geng yoacna tofohodang imocac amma geac bangecgaac arennu bangecfu ngicngacareng sasawa kenecnginagoc ambesandae.’ ”

Fingec fingec 26:4

Nga bangecfocga yeni negengyemmeba fingecsahe homac amma sawau asomeng tackendae ifi isoc ambesandae. Nga ni bangec yomoc sasawa bangecfocga yeni yemmebade. Anu bangecgaac arennu ngicngac bangeha bangeha kenecyunudacbesandua.

Fingec fingec 28:14

Ngemmeba bangecfocga yeni fingecsahe angengkecma bangecfu sendung fede ifi isoc ambesandae. Anu ge bangec wenac keme kemeaubigeng nga wenac ere ereaubigeng nga wi nga emu imohai sahedacma tohoma kemma kecnade. Anu bangecsoc ngicngachabu yeni ge nga bangecgaac arennu kenecgoc ambesandae.

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mitiyegec 72:7

Afo imoc nasosoc fekefude, ifi isocngoc ngictauac nasou faka dindingacngo sabayagoc amma ruae kunengtoa fefeseri fekecbeso.

Yohane 19:37

Mitikibiu yoac mong yofia fede, “Nembaracnugec, ngic imoc yeni kicnginango nembesandae.” (Dzek 12:10)

Yohane 7:38

Nga mongngo ni negensinnude, yeacnoc mitikibiu yofi oho ohoya fede, ‘Yeac hereunac kekecac dokukiwa tohoma kenude.’ ”

Yohane 7:42

Mitikibiu yoac yofi oho ohoya fede, “Ye Dawidiac dzominga Beterehennunac, imoc Dawidiac ama yombong.”

Aposoro 2:35

ngabafocga hanigaac bageau faiyunuba yeni hanigaac tatac ambesandae.” ’ (Myeg 110:1)

Roma 9:17

Mitikibiu yoac oho ohoya fede, imocngo Farao yofi edeec, “Ni gearu kucna bangeha bangeha edzacyunubade nga kpacna dekperagigec kenu negendacgecdeac amma miacguai.” (Mke 9:16)

Roma 9:30

Ni yofi torokpema deduae, bangec monnunac ngicngac, yeneng dindingac kecgecdeac seseriua mong mi mekecma kekec dindingac eng meficgegec. Yeni negensinggegec, imocac amma Anutungo dindingac kpacyunuec.

Garata 3:16

Anutungo Abrahang nga bangeha yeri wiac goa yemerudeac yoac dedzege anec, imoc ye bangecfora homac yeneac mi deec. Ye ine ngic mocguacsac yofi deec, “bangecga.” Nga ngic imocnoc Kristo.

Garata 3:22

Ngicngac Yesu Kristo negensinggema Abrahanggac dedzegeyoac hoanggekecdae, yeni dedzegeac foraya megecde. Imoc fingerudeac mitikibingo ngicngac sasawa angammemengingagoc kopocsicac bageu faiyunuec.

Garata 4:30

Nga mitikibingo imocac negensima yofi dede, “Ge wanacngac medahagoc kporacyuruna kenec, nocac wanacngac yeac medahango enengyombonga yeac medacgoc maridzoming naric mi mebesandape, kpac.” (Fing 21:10)

Hebiraio 4:2

Yeneng siduc gombung negenggec, nenang ifi isocngoc imoc negening. Nga yeni ine imoc negemma mi negensinggegec amma Yosua nga Karebe yerigoc uba mocgu mi anggecac amma yoac negenggec, imocngo yenearu memefiha kpac anec.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”