Garata 3:29 - Deduamiti

²⁹ Nga Kristogoc kpeketahedaeu Abrahanggac bangecfora kecma Anutuac yoac dedzegegoc kpeturanggema eucererenggac areng Kristogoc anggecde.

Yoak kekehagocac Dzadzahac gboria nga Mitiyegec

²⁹ Nga Kristogoc kpeketahedaeu Abrahanggac bangecfora kecma Anutuac yoac dedzegegoc kpeturanggema maridzominggac areng Kristogoc anggecde.

Garata 3:29 ပူးပေါင်းရင်းမြစ်များ

Mataio 3:9

Nga ge geanggaac yofi mi negengemebesena, ‘Abrahang ye bangecna.’ Anutungo hoc yomoc naric deu Abrahanggac bangecfora fingecgecdenoc, imoc edengunuduae.

Roma 8:17

Nga yeac nambaracfora kecdimbeu ye iwaiya hendzima nemmeude. Amma Kristogoc areng mocgu kecma urecwiacnina menide. Neni nenahafoc kuc nga kibikperagininagoc annideac yegoc ifingoc kpendzeng kpeni Anutungo fora nemmeude.

1 Korinti 15:23

Amma ngicngac nenang tembuc tembuc arenggoc yacnide. Kristongo waraima yarec amma yeng kecma monggoc haude, naso imohai yeac arengfora yeni gborima yacgecde.

2 Korinti 10:7

Anu ngic mongngo deudeu, “Ni Kristoac ngic.” Ye yengenaoc imoc negengemeu, neni ye isocngoc Kristoac ngic kecdimbe. Ye ifingoc yengenaoc negengemebeso. Mongngo ifi negemmanu fakanina imoc yearu ireckeude.

Garata 3:16

Anutungo Abrahang nga bangeha yeri wiac goa yemerudeac yoac dedzege anec, imoc ye bangecfora homac yeneac mi deec. Ye ine ngic mocguacsac yofi deec, “bangecga.” Nga ngic imocnoc Kristo.

Garata 3:18

Manggac mongngo eng homema dederecgeyoac mong mi deec isoc nambaracfora yeni dedeseriyoacac sing modacma bangec nga maridzomingngina mederegecde. Nga Anutungo Abrahang wiac miec imocngo dedzegeac yoac modarec.

Garata 3:28

Imoc yudangic me grikngic me wanacngic minginagoc me ngic witiha kpac, ngic me ngac, ngeni areng mong mong mi andae, ngeni sasawango Yesu Kristoaru kpeketahema areng mocgu andae.

Garata 3:7

Imocac amma ngicngac Anutu negensinggema kecdimbe, nenang Abarahanggac medacfora, ngeni imoc negentegecbisia.

Garata 4:1

Ni yofi negemma deduae, medac mongngo bangeha nga maridzominga yeac anudeac negemma medacbisic amma imocac tomai kecde, ye kpara kpac kecma wanacngic isoc kefude.

Garata 4:7

Imocac amma, ge monggoc wanacngic mi annade. Ge Anutuac medactatac mena yeng wiacga geac dedea, imoc genude.

Garata 5:24

Anu Yesu Kristoac ngicngac yeni uba eseangina imocac hereyacyac nga negensongogoc, imoc mariponnu bic kpegec homeec.

Garata 6:16

Nga ngicngac singyoac imoc kekecnginau modackecdae, yenearu ruae nga wosoefacngo witinginau febeso amma Anutuac Isracel yenearu ifingoc.

Efeso 3:6

Yoac sufu sufuya imoc yofi, nenang Yesu Kristogoc kpeturanggema kecdimbe amma Anutungo bicngoc nenanggac dedzege anec. Ngicngac bangec monnunac nga yudangic neni eucererenga imoc nenahafoc mekecnideac siduc gombung imocngo dekperaginemmeu forakebanga mocgu annide.

Tito 3:7

Kpakenemmema wosoefahaac amma dindingac denemmeu kecdimbe. Amma eucererengau emma kekec wisic wisickea kpac, imoc mebesandimbeac negensima tomai kecdimbe.

Hebiraio 1:14

Angero sasawa yeni asuareng amma ua mema kecdae nga ngicngac memengereac dedzege anec imoc megecdeac tomai kecdae yeni yeneac kingang kpegecdeac Anutungo sueyunuande.

Hebiraio 11:7

Ngicngac yeni dokutoa haudeac ebic mi hemmagec Anutungo Noa goroyoac edeu yeng yoara negensinggema eweheimima wagetoa mong meec. Ifi mema yengena arengfora ebicfunac onggongyunuec. Yeac negen negensingngo bangectoa bangecac faka mangana mekperagiu Anutuac yoacfu kenggec. Yeng ine Anutuac yoac negensinggeu Anutungo ye ngic dindingac demiu foraya henec.

Hebiraio 6:17

Anu Anutungo ifingoc yoara deseriec. Nga Abrahanggac bangecfora yenearu yoara monde monde mi anec, yeni imoc negemma dzadzahac kuha momoc negentegecyombonggegecdeac ifi deec.

Yakobo 2:5

Songo tosofocna, ngeni kedzac kpema negenggec, ngicngac bangectoa bangec yomohai makpekpea kecdae, yeni negen negensinggoc kuneng anggecde amma eucererenggac mingina ambesandae, Anutungo ifi negemma meisingyunuec. Ngicngac heregoc Anutuac songo negengandae, imoc yeneac anudeac deyemmeec.

Yohaneac kpefing 21:7

Firang anude, yeng eucererenggac wiac sasawa yomoc meu neng yeac Anutu amba yeng medacna anude.