Garata 3:17 - Deduamiti

¹⁷ Ni imocac amma yofi deduae, Anutungo Abrahanggoc dzadzahac deseriec nga kecma kifa 430 wisickemanu Mosegoc dedeseriyoac fingerec, imocngo dzadzahac esea naric mi kpeude me meickeude.

Yoak kekehagocac Dzadzahac gboria nga Mitiyegec

¹⁷ Ni imocac amma yofi deduae, Anutungo Abrahanggoc dzadzahac deseriec nga kecma kifa 430 wisickemanu Mosegoc dedeseriyoac fingerec, imocngo dzadzahac esea naric mi kpeude me meickeude.

Garata 3:17 ပူးပေါင်းရင်းမြစ်များ

Fingec fingec 15:13

Kengec kpeu Kebungo Awram yofi dema edeec, “Yomoc foracngoc negennec, bangecfocga yeni bangec mong yeneac mi dedea imohai kuric kecma bangec mingina kifa 400 enacngina tofohomagec yeneng ngaba ayemmema ebic hania hania meficgeyemmebesandae.

Fingec fingec 15:18

Wenac imohai Kebuac yofi dema Awranggoc dzadzahac anec, “Aigita doku imohacnac hanahema kengkecma Perat dokutoauwisickede bangec imoc bangecfocga yemmebesanduaeac deseriduae.

Fingec fingec 17:19

Ifi deu Anutungo yofi dema meremmiec, “Foracngoc, enengga Sara ye ine medacga mong meude ge yeac kpara Itsak kpacbesena. Nga neng yegoc dzadzahac meba imocngo bangecfora yenigoc fefeseri fekecbesande.

Mitiyegec 105:9

Ye Awrahamgoc dzadzahac imoc mema Isakaac yoac deserimima edema

Mitiyegec 33:10

Bangec monnunac ngicngac Anutu mi negemmidae, yeneng negen negengngina arenggegec Kebungo imoc meu kemma kpac anude. Nga ngiha ngiha yeneng ua mong mebesonga arenggegec yeng singngina hedzickeu imoc naric mi megecde.

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Bangec kisiu 30:8

Me eweango wenac imohaingoc dedeseriyoara sasawa imoc negemma kpetarimiudeu ine ye mi negentegecma enacbibihangosac dedeseriyoac imoc deu yoac deseriecac yoara imoc mi seriude anu Kebungo ngac imocac kopocsiha waude.

Aposoro 7:6

Amma Anutungo yoac mong yofi deec, ‘Esangaboga nga bangecfocga yeni kifa 400 ngic mong yeneac bangecfu kuric kecma wanacua memagec bangec mingina ngaba ayemmema ebic hania hania meficgeyemmebesandae.’

Roma 3:25

Anutungo Yesu hensima nonongkac faiu nanu ngicngac nenang imoc negensinggedimbe, Yesungo kopocsicninaac turung kpou kpouac bung amma sawango kopocsicnina dzuackecde. Sing imohai Anutu ye yengena dindingac, imoc edzacnunuudeac negenu ngereec. Imoc yofiac, ye warac ngicngac faka yumea ayemmema kopocsicnginaac turunga bic mi kpouyemmema

Roma 3:3

Anutungo yoac dedea modackecde. Anu goa yeni negen negensingngina kpac kecgec, fakangina imocngo Anutuac faka mi meickeec.

1 Korinti 1:12

Ngenearunac ngic goango deandae, “Ni Pauroac ngic.” imoc deandae. Nga goango deandae, “Ni Aporoac ngic.” amma goango deandae, “Ni Kefaac ngic.” nga goango deandae, “Ni Kristoac ngic.” ngeni tembuc tembuc ifia dekecdae.

1 Korinti 1:17

Kristongo doku nadzicyemmebadeac mi suenuec, kpac. Yeng ngicngac siduc gombung edekpou angemmebadeac suenuu hayai. Nga Kristoac mariponggac yoac imoc kucmama ambacac yoac imoc ngicac kucfu nga negen negentegecgoc mi debade.

1 Korinti 10:19

Ngicngac nemu sesengina dema wiac heiyemmegec, imocngo wiac engena mi ande, ngeni yoacna imoc negentegecgec. Nga nemu yengena ifingoc wiac engena mi ande.

1 Korinti 7:29

Tosofocna, naso wegenanecsac fede, ifi deduae. Ifiac amma ngic enenggoc kecdae, ngeni enengfocngina kpac, ifi isoc kecbisia.

2 Korinti 1:20

Anutungo wiac nemmeudeac deseriec, ye medahaac negensima “Oc” deec. Ifi deu Medahaac amma dedeseria fora fingerec nga fingeckenude. Fingeckenu Anutungo nenanggac amma kpac kuneng meude.

2 Korinti 9:6

Ngic mong ye yaka efeanec semeng uau homerude, yeng fora efeanecsac meficgeude. Nga mong ye yaka ebira homerude, yeng fora ebirangoc meficgeude, ngeni imoc negensibisia.

Garata 3:15

Tosofocna, ni ngic fakanina fede imocac sirihau edengunuba negenggec. Ngic mongngo homebeso amma dederecgeyoac deu ngic mongngo imoc naric mi kpeude nga yoac mong imocac witiau mi torokpeude.

Garata 3:21

Anutungo Abrahanggoc yoac dzegeec, imoc dedeseriyoacngo mi kpede, imoc kpac yombong. Anutungo dedeseriyoac nemmeec, imocngo kekecseri meficgenemmebac dede ye dedeseriyoacac amma ngicngac dindingac denemmebac, amma ifi mi fingerec.

Garata 5:16

Ni yofi deduae, ngeni Tiri Asugoc heirima kengkecbisia. Amma ngeni uba eseaac negensongo wama imoc mi modacbisia.

Garata 5:4

Nga ngic Anutuac kicfu dindingac nanggecdeac dedeseriyoac modacgecdeac negendae, ngeni Kristoarunac kperecgeemema yegoc monggoc mi kpeketahama Anutuac wosoefac wama ngadeau kecgecde.

Efeso 2:12

Naso imohai ngeni Kristoa kpac kecma israengic yeneac arennu torokpema mi kecgec. Nga Anutungo dzadzahacac yoac dedzege israengicngac kpeyemmeec, imocac ngadeau kecgec. Ngeni bangectoa bangec yomohai Anutua kpac kecgec nga kekec gombunga mong fingecbesande, imoc mi negensinggegec.

Efeso 4:17

Ni Kebuac kicfu gorongina kpema edengunuba negenggec: Ngeni, bangec monnunac ngicngac Anutu mi negemmidae, yeni isoc monggoc mi kecbisia. Yeni negen negengngina kpekeng kpehaac amma sing obohoma kecdae.

Kolosai 2:4

Nga ngic mongngo ikocyoac dema tobangngunuma uba mesufu angemmebauac kibi yomoc ohongemmeduae.

Hebiraio 11:13

Yenennoc Anutuac yoac negensinggema homegec. Nga Anutungo bangec yomohai bangecngina deec, imoc mong mi meficgeyemmeec. Yeni ine wiac hereaungoc feu kpedzima hemma yofi deficgegec, “Neni bangecfu kuric amma naso wegenanecsac yei kecdimbe.” (Fing 23:4; 1Ngts 29:15)

Hebiraio 7:18

Dedeseriyoac kucmama nga memefiha kpac warac hau yoac imocngo faka warac feec, imoc meickeu kpac andarec.

1 Petoro 1:20

Bangec nga kurumeng mi fingecmaec Anutungo Kristo bic meisinggeec. Meisinggeu yeng yaguc naso wisic wisickeau nenanggac amma fingectegerec.