Garata 3:16 - Deduamiti

¹⁶ Anutungo Abrahang nga bangeha yeri wiac goa yemerudeac yoac dedzege anec, imoc ye bangecfora homac yeneac mi deec. Ye ine ngic mocguacsac yofi deec, “bangecga.” Nga ngic imocnoc Kristo.

Yoak kekehagocac Dzadzahac gboria nga Mitiyegec

¹⁶ Anutungo Abrahang nga bangeha yeri wiac goa yemerudeac yoac dedzege anec, imoc ye bangecfora homac yeneac mi deec. Ye ine ngic mocguacsac yofi deec, “bangecga.” Nga ngic imocnoc Kristo. (Fingec fingec 12:7, 13:15, 24:7)

Garata 3:16 ပူးပေါင်းရင်းမြစ်များ

Fingec fingec 12:3

Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”

Fingec fingec 12:7

Imohai Kebungo Awram fingecmima yofi dema edeec, “Ni bangec yomoc geac bangecga mibeso anduae.” Amma Awram ye imohai Kebu fingecmiecfu yeac arata mong meec.

Fingec fingec 15:5

Ifi dema Kebungo bangecfu hesickema kemema yofi edeec, “Ge kicga fina sawau enu asomeng yenenna, naric osoyunudacnadeu bangecfocga ifingoc naric osoyunudacnade.” Ifi dema yofi deec, “Geac bangecga ye ifi isoc fingecsahe ambesande.”

Fingec fingec 21:12

Manganeu ine Anutungo Awraham yofi dema edeec, “Itsakacarusing geac bangecfocga yombong debesandaeac ge wanacngac nga medacga yereac ubamangang mi anna. Sarango yoac sasawa edeguude imoc modacbesena.

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mataio 1:1

Yesu Kristoarunac fingecsahe amma fingeceregec, imocac yofi ohogec. Yesu ye Dawidiarunac nga Dawidi ye Abrahanggarunac.

Aposoro 3:25

Anutungo kisicfocngina yenigoc dzadzahac mema Abrahang yofi edeec, ‘Bangecga yeac arennu ngicngac bangeha bangeha keneheyunudacbesandua.’ (Fing 22:18; 26:4) Ngeni dzadzahac imoc nga profete yeneac ubamarac imoc mekecdae.

Roma 12:5

Ifi isocngoc nenang homac amma Kristoac manau sebi mocgu andacdimbe nga neni tembuc tembuc sasawa yeneac tosea.

Roma 4:13

Anutungo Abrahang nga bangecfora yenigoc yoac yofi dedzege anec, bangec nga kurumeng imoc ngeneac anudeac desingemmebade. Nga imoc Abrahangngo dedeseriyoac modarecac mi deec, kpac. Yeni negensinggegec nga Anutungo negengyemmema dindingac deyemmeec, imocac witiau yoac dedzege anec.

Roma 4:16

Abrahang ye ngicngac dedeseriyoac mekecdae, yeneac mangngina. Amma ye ngicngac negen negensing yeac isoc feyemmede, ye ngic ifia, yeneac manggac. Nga Abrahanggac bangecfora sasawa yeni dedzegeac yoac naric megecdeac imoc wosoefacac bageau feu negen negensingnginaac amma megecde.

Roma 9:4

Nga yeni Isracel areng, yeni manggacac medacyombong kuc nga kibikperaginginagoc kecdae. Yeni dzadzahac nga dedeseriyoacgoc kecma Anutuac womong garenggekecdae. Amma Anutungo wiac yemmeudeac deseriyemmeec, imoc yenearu fedengoc.

1 Korinti 12:12

Sebinina imoc mocgu nga imocac tosea homac fekende. Imocac tosea sasawa kpeturanggegec sebi mocgu anude. Nga Kristoaru siriha ifi isocngoc fede.

1 Korinti 12:27

Anu ngeneng ine yofinenggac Kristoac sebi amma tembuc tembuc sebiaac tosea andae.

2 Korinti 11:22

Yeni hebiraiongic, fora. Nga ni ifingoc hebiraiongic. Yeni israengic nga neng ifingoc israengic. Yeni Abarahanggac bangecfora amma ni ifingoc yeac bangec anduaengoc.

Garata 3:19

Ifi anudeu dedeseriyoac nocac faifaia fede? Imoc yoackpekpeac amma faifaia fede. Abrahanggac bangeha ye mi fingecmanu Moseac dedeseriyoacngo kuhagoc feec. Bangeha yeacnoc dedzegeac yoac oho ohoya feec. Anu angero yeneng ine dedeseriyoac mema uba mocgu fingerudeac hengising ngicngina Mose migec.

Garata 3:8

Nga Anutungo bangec monnunac ngicngac, yeni negen negensingnginaac amma dindingac deyemmeude. Ye imocac siduc gombung warac Abarahang edeec nga imoc mitikibiu yofi oho ohoya fede, “Ngicngacareng bangeha bangeha kecgecde yeni geac amma kenecyunudacbesandua.” (Fing 12:3; 18:18; 22:18)

Efeso 5:32

Anu negen negeng sufu sufuya yomoc kpeu keme kemea ande. Imoc Kristo nga kpebungfora ngeneac negemma deduae.

Kolosai 2:19

Areng ifia yeni kpebunggac oruha Kristo wama kecandae. Yearunac sic ginonnina mama sebinina kpeturanggema nanggeande. Ifi anu Anutuarunac yadi yadi mekecdimbe.

Kolosai 3:11

Ifi heigboringunuu ngeni grikngic me yudangic andae, imocac dede kpac ande. Nga ngeni sebi tosangina herec herecgea me sebi tosangina mi herec herecgea nga ngeni grikngic arennu mi torokpedae me bangec hereaunac ifi yombong kecdae me ngeni ngicngac wanaha mingingnginagoc kecdae me witiha kpac kecdae, imocac mi dedimbe, Kristongo ngicngac ngeneac ubahereu hafoangoc kefudeu, imocngo wiac fora ande.