Firipi 4:20 - Deduamiti

²⁰ Anutu ye Mannina. Yearu dedengerec nga dedengerec fekengkecbeso, imoc fora.

Yoak kekehagocac Dzadzahac gboria nga Mitiyegec

²⁰ Anutu ye Mannina. Yearu dedengerec nga dedengerec fekengkecbeso, imoc fora.

Firipi 4:20 ပူးပေါင်းရင်းမြစ်များ

Mitiyegec 115:1

O Kebu, ge neneac kpac mi miacbesena, kpac. Geng yoac dedzege amma imoc modackecnec nga ge yoac modac modac Kebu, imocac geac kpac kuneng imoc eweheiheigoc kpacbesonga.

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”

Mataio 6:9

Ifi anu ngeni yofi numubisia, ‘Kurumeng Mannina, geac kpac kpetiac febeso.

Roma 11:36

Anutu ye yengenaoc wiac sasawa meficgedarec. Imoc yengena kucfu fedacde amma yengena songo fingerudeac faifaia. Yearu dedengerec nga dedengerec fekengkecbeso, imoc fora.

Roma 16:27

Anutu mocgungo negen negentegec mingina. Nga nenang Yesu Kristogoc kpeketahema dedengerec nga dedengerec Anutuaru faini fekengkecbeso, imoc fora.

Efeso 3:21

Kristo Yesu kpebungfora kpeturanggema kecma keceregecde, ngeneac botucfu dedengerecngina yearu fekengkecbesande. Imoc fora.

Firipi 1:11

Nammagec dindingac kekecac fora Yesu Kristoac kpacfu mewakengunuude. Imocngo Anutuac kibikperagi nga dedengerec meficgebesande.

Firipi 4:23

Kebunina Yesu Kristoac wosoefacngo ubaonganginagoc febeso.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.

Yuda 1:25

Memengerecnina Anutu mocgungo kecde. Kebunina Yesu Kristo yeac amma eweheimima dengereni, yeng engenatoanina nga kuc mingina amma wiac sasawa fede, imocac buma ande. Ye wiac mi fingecmanu kefec nga yaguc kecde amma kecbesande, imoc fora.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 14:7

enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”

Yohaneac kpefing 5:12

Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”

Yohaneac kpefing 7:12

Afehema yofi degec, “Fora, kenec nga kibikperagi, negen negentegec nga ubangerec, eweheihei nga kpac kuneng nga kuc imoc Anutunina ammini nasoya nasoya feengkecbeso, imoc foranoc.”