Firipi 4:18 - Deduamiti

¹⁸ Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.

Yoak kekehagocac Dzadzahac gboria nga Mitiyegec

¹⁸ Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.

Firipi 4:18 ပူးပေါင်းရင်းမြစ်များ

Makekeng 29:18

Faima imoc hafoangoc aratau faina dzedacbeso. Imoc Kebuac sesegerec amma ye homuna gombunga yombong negenu ngereeudeac amma sese imoc gerecfu faina dzema Kebuaru kembeso.

Bangec kisiu 15:3

naso imohai dedeseringina meserigecdeac negembesandae me ubangerecac sese faigecdeac negembesandae me nasotoanginaac sese mong faigecdeac negembesandaeac gerecfu sese me sesegerec hafoangoc oho ohoya faibesandae imocngo homuna gombunga fiu Kebungo imoc hemma negenu ngereeudeac rama me burumakahabunginaunac yeac sese mong houma faigecdeac negendae imohai yofi ambisia.

Bangec kisiu 7:62

Amma ye sokoc mong golngo memea faiec, imocac ebiha shekelkpete ten anec nga imoc hosuc homuna gombungaac kerecngo wakema tarec.

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

Roma 12:1

Ifi anu negen negensinggoc tosofocna, Anutungo wosoefac kuneng angemmeecac dederecge angemmema yofi deduae. Ngeni Anutuac kicfu asuu ua fora mema sebingina desigec imocngo Anutuac sese kekehagoc nga kpetiac anu yeng negenu ngereebeso.

2 Korinti 11:8

Anu ni ngenearu kingang ua mebadeac kpebung goa yeni hiedzo nenggec meai, fora. Nga ngenearunac ine hiedzo mong mi meai, kpac.

2 Korinti 9:12

Ngeneng memefic ua imoc mema, imocngo kpetiac areng wiac monggac obohodae, yeni meficyunugecde. Imocngo sebinginasac mi meficgeude, kpac. Imoc ifingoc Anutuaru dedengerec ebirangoc meficgeude.

Efeso 5:2

Kristo ye ifingoc heresongogoc hoannunuma yengena sebia desiemema sese imoc Anutuaru mekemma nenanggac donina mema homeec. Sese imocngo homung kerengagoc amma Anutuaru enec. Nga ngeni onga imoc modacma heresongogoc hoangemema kecbisia.

Firipi 4:12

Nga makpekpea kekec nga finactoagoc kekec imoc tobanggema negenai. Amma yaka negebec kekec nga here home home kekec nga wiacna homac me efeanec kekec, Anutungo negen negeng imoc sasawa edzacnudarec.

2 Tesaronike 1:3

Tosofocnina, ngeni tembuc tembuc sasawango heregoc songo negengemekecdae amma imocngo botucnginau yadiseri ande. Nga ngeneac negen negensingngina homac yadide, imocac neni ngeneac amma nasosoc Anutu dangge edeni ngereeude.

Hebiraio 13:16

Nga ngicngac goa heimefic ayemmebesonga amma wiacngina fede, imoc hendzicma yemmebisia, faka imoc mi nigecngunubeso. Anutungo sese ifiaacnoc negenu ngereeude.

1 Petoro 2:5

Nga ngeni ifingoc hoc kekehagoc yeac siric andae. Nga Anutungo asu ama mengunuande. Mengunuu ngeni yengena womonggareng kpetiac amma Asuac sinnu sese faigecde, imoc Yesuac amma Anutungo henu ngereeude.