Firipi 3:7 - Deduamiti

⁷ Nga warac wiac mekecma negemba memeficna anec, imoc ine yaguc Kristoac amma negemba memefiha kpac ande.

Yoak kekehagocac Dzadzahac gboria nga Mitiyegec

⁷ Nga warac wiac mekecma negemba memeficna anec, imoc ine yaguc Kristoac amma negemba memefiha kpac ande.

Firipi 3:7 ပူးပေါင်းရင်းမြစ်များ

Fingec fingec 19:17

Faiyunuma angero mongngo yofi dema edeec, “Ge homebanggacsoc imocac amma kengworabesena. Nga dzigenefi mi ambesena nga tumiatoau mi tacnegembesena. Ebicngo meicgubacac tikiu bic worama kendacbesena.”

Fingec fingec 19:26

Anu Lot enema ye ewea modacma kemma dzigene fiu kenu imohaingoc sebia seriu kondunghoc yombong anec.

Mataio 16:26

Imocac amma ngic mong ye bangectoa bangec yomocac finac sasawa meficgema yengena kekeha ukuu sufuude, wiac imocngo memefihagoc naric mi anude. Amma mong ye kekeha monggoc meudeac negenside, ye imoc bummemeac osiude.

Mareko 10:50

Ifi degec ngic ye ngakpihereha ukuma futucke yacma Yesuaru kenec.

Ruka 14:26

“Ngic mong ye hama modacnubeso negenside, ye yengena nonggomama nga eneng nambaracfora amma dacmunac nga yengena kekeha ifingoc mi ngadeheudeu ua medacna naric mi anude.

Ruka 14:33

Imocac ngenearunac mongngo yengena wiac sasawa mi ngadehedarudeu ua medacna naric mi anude.

Ruka 16:8

Anu dzogareng mangana ye negengising amma anecac dzofinac minginango dengereec. Nocac bangectoa bangec yomocac medacfora yeni kperagiaac medacfora ferahema ebiriangoc meficemeandae.

Aposoro 27:38

Anu yaka negec gebecyunuu wage efaiudeac wit homac wageu feec, imoc kondunnu ukugec kemeu wage efaiec.

Hebiraio 11:26

Amma ye Aigita bangecac dzofinac imocac negenu mamea anec. Kristoac amma game meudeac negenu engena anec, imocngo Aigitaac dzofinac ferahede. Ye imoc negensima Anutuarunac bung meudeac kic fiec.