Firipi 3:10 - Deduamiti

¹⁰ Amma Kristo yengena nga Anutuac kuc yengenaoc Kristo homecfunac megboriec, imoc negemmibadeac anende. Amma yegoc kecma kpendzeng kpema yeng homeec, ifi isoc homema ye isoc ambadeac negenduae.

Yoak kekehagocac Dzadzahac gboria nga Mitiyegec

¹⁰ Amma Kristo yengena nga Anutuac kuc yengenaoc Kristo homecfunac megboriec, imoc negemmibadeac anende. Amma yegoc kecma kpendzeng kpema yeng homeec, ifi isoc homema ye isoc ambadeac negenduae.

Firipi 3:10 ပူးပေါင်းရင်းမြစ်များ

Mataio 20:23

Yeri ifi deec Yesungo yofi edeyuruec, “Ni kpendzenggac kpakenecfu nebade, ngeri imocngoc neecde. Nga ngic merang foinau me kananau tarude, imocac fora ine neng naric mi desibade. Mannango ngic tatac imohai tarecdeac bic mengereec, yereng ihai naric tarecde.”

Yohane 10:18

Ngic mongngo nearunac kekecna naric mi meickeu ni neannaoc kekecna wabade. Amma kekecna wama monggoc mebade, imocac uayoac nga kuc nearu fede. Imoc Mannango deserinenec.”

Yohane 17:3

Anu yeni Anutu mocgungo fora kecde amma yeng Yesu Kristo sueu maec negennurugecde, imocngo kekecseriac hania.

Roma 8:17

Nga yeac nambaracfora kecdimbeu ye iwaiya hendzima nemmeude. Amma Kristogoc areng mocgu kecma urecwiacnina menide. Neni nenahafoc kuc nga kibikperagininagoc annideac yegoc ifingoc kpendzeng kpeni Anutungo fora nemmeude.

Roma 8:29

Imoc yofiac, Anutungo ngicngac bic negengyunuec, yeni meisingyunuu yadiseri amma yengena Medaha isoc anggecdeac desiyunuec. Medahango munafora homac yeneac waracdacngina anudeac ifi arenggeec.

Roma 8:36

Yoac yomoc bic oho ohoya fede, “Geac areng andimbeac amma yeni asoacnac kemma marai homecfu fainunukecdae. Yeneng nenemma yofi negenggec, ‘Neni rama kpebucyunuandae, yeni isoc andimbe.’ ” (Myeg 44:22)

2 Korinti 1:10

Yeng homecac arennunac mesinunuec amma ye ngade ifingoc homecac arennunac mesinunuude amma mesinunubesande, neni yeac ifi negensinggema kecdimbe.

2 Korinti 1:5

Kristongo kpendzeng kpeec, nenang kpendzeng ifia ebirangoc kpeandimbe, imocac Anutungo Kristoac amma ebirangoc meserinunuude.

2 Korinti 13:4

Ngic yeneng ye gagabuu mariponnu kpegec homeec. Homeu Anutungo ye nanggeu yacma yaguc yeac kucfu kecde. Neni yegoc torokpema kucmama kecma yearu kpeketaheni Anutungo nanggenunuu yeac kucfu ngenearu ua menide.

Garata 2:20

Imocac amma ni neannaoc monggoc mi kecduae. Kristongo neac ubahere manau kecde. Imocac yofinenggac sebiugeng kecma Anutuac Medac negensinggeba yeng kekecnau mewakenude. Yennoc heresongogoc hoannuma neac amma yengena kekeha waec.

Garata 6:17

Amma yofi desiduae, ngic mongngo ni ubaebic monggoc mi nembeso nocac Yesuac kubehaac ebic sebinau mekecduae.

Efeso 4:13

Nenang nambarac kekec monggoc mi kecbisina, kpac. Anutu medahango uayoac denemmeec, imoc negensima hania negen negeng keme kemea mekecma yoara negensinggema uba mocgu amma kecbisina. Nenang sasawa ifi kecma mitiu yadiserima Kristoac kpeteusoc, imohainoc kensikemina Yesu yengenaoc mewakenunuude. Ikocngic yeneng firang isoc ikocyoacfu sing segema sebiu faifaiyoac hania hania kpounemmegec daracburuc kpema kengkpe hakpe mi ambisina.

Firipi 3:8

Ni Kebuna Yesu Kristo ye negemmiba, imocngo memefiha engenatoa ande. Imocac amma warac kecma anai meai, imocac negemba memefiha kpac angkecde. Kekecnau Kristo mekecbadeac amma wiac sasawa negemba seuha andarec, imoc bic wayai.

Kolosai 1:24

Anutungo ua arenga nenec imocac siriha yofi, neng yeac yoac hafoangoc ngenearu dekperagibadeac ua arenga nenec. Nenu yoac imocac kingangkpekpe anai. Nga ngeni Kristoac kpebung yengena forakebanga. Ngeni yeac amma kpendzeng soha mi kpegec. Nga neng meficngunuma ngeneac amma neanna sebiu kpendzeng kpeduae. Ifi kpema ubangerec negenduae.

Kolosai 2:13

Anu ngeni warac homemea kecma uba eseangina mi herec herecgea Anutuac yoac kpekecma singa ferahegec. Nga yeng Kristogoc megboringunuma yoackpekpengina sasawa wangemmedacma monggoc mi negensiec.

Kolosai 3:1

Ngeni Yesugoc homecfunac momoc gborima yacgec, ifi dema wiac wi fede, imocac angemmebeso. Kristongo imohai Anutuac foiau tacde.

1 Petoro 1:3

Nenang Kebunina Yesu Kristo, yeac Anutu Manggac kenehebisina. Yeng wosoefactoa kpenemmema Yesu homecfunac megboriec. Sing imohai nenang kekec meficgenemmeu fingec fingec gboria fingering. Ifi fingecma yeac wiac kekehagoc fingecnemmebesande, imoc negensinggema kecdimbe.

2 Petoro 1:13

Amma sebinaac bedzo yomoc hesibadeac nasoya wegenede, Kebunina Yesu Kristongo imoc bic dekperaginenec. Imocac sebinaac bedzogoc kecbade, imohai yoac goa heigboringemmema midingunubadeac negemba naric ande.

1 Yohane 2:3

Anu nenang Anutuac singyoac modacnide, imocngo ye negemmima negentegecnide.

1 Yohane 2:5

Nga mong ye Anutuac yoac mekefude, yeac heresongongo ubahereau hafoangoc fingerude. Sing imohainoc Anutuac hereu kecdimbe, imoc negentegecnide.

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.