Firipi 3:1 - Deduamiti

¹ Yofi torokpema deduae. Tosofocna, ngeni Kebuaru kpeketahema sogac sogaigoc kecbisia. Ni yoac warac ohongemmeai imoc monggoc ohongemmebadeac modzona mi tide, kpac. Imocngo kasongina anude.

Yoak kekehagocac Dzadzahac gboria nga Mitiyegec

¹ Yofi torokpema deduae. Tosofocna, ngeni Kebuaru kpeketahema sogac sogaigoc kecbisia. Ni yoac warac ohongemmeai imoc monggoc ohongemmebadeac modzona mi tide, kpac. Imocngo kasongina anude.

Firipi 3:1 ပူးပေါင်းရင်းမြစ်များ

Nehemia 8:10

Anu Nehemiango yofi edeyunuec, “Uameme yomocngo Kebuac kicfu kpetiac andeac amma ngeni kemma semengngina nga waing songeagoc nesogai anggec. Amma ngicngac damoc yeneng semengngina memengere mi anggec, yeni yemmegec negec. Ngeni imocac ubamangang mi ambisia. Kebuac sogacsogai imoc ngeneac kucngina.”

Mitiyegec 149:2

Yeng Isracel meficngunuu ngeni yeac ubangerec negembisia. Tsionggac medacfora, ngeni ngictaunginaac sogaibisia.

Mitiyegec 32:11

O ngicngac dindingac, ngeni sasawango sogaima Kebu dengerebisia. Ngicwiac herenginau ikoc nga hamangec mong mi fede, ngeni sasawango sogaima dendzerenggema arohobisia.

Mitiyegec 33:1

O ngicngac dindingac, ngeni Kebuac amma sogaibisia. Ngicngac ngeni ikoc nga hamangecngina kpac kecdae, ngeni ye eriendzong memigec ngereede.

Mitiyegec 37:4

Ge Kebuac songo negembesena. Ge ifi anna yeng heregaac songo modacma wiac genude.

Mitiyegec 42:4

Ni onganaac negen negeng hafoangoc widicma edzacguma wiac yomoc negemba fede, ni warac ngicngac arengnginagoc kenggec waraiyemmeba Anutuac womonnu kening. Neni ngicngac habutoango hombang nasoninau sogac sogaigoc arohoma ubangerecac yegec heikefing.

Mitiyegec 5:11

Ngicngac hoanggau hama sufuma kecdae, yeni sogac sogai meficgeyemmema ubangerec ayemmena nasosoc ubangerecac yegec heikecma sogac sogaigoc kecbisia. Geng orongyunuma onggongyununa. Ge ifi anna ngicngac yeneng kpacgaac songo negemma geac negenggec engena anu sogaigecde.

Mitiyegec 97:1

Kebu ye ngictauac kuc minginango bangectoa bangec garenggema kecde. Imocac bangecngo sogaibeso nga kondung tegiau bangec fekendae, yeni ubangerecgoc kecbisia.

Yoele 2:23

Tsionggac ngicngac ngeni Kebu Anutungina yearu sogaibisia. Ye monde mondea mi fedeac amma kpeacac kiasisic ebiriangoc suede nga asomoronggac kia ngemmekecde kia imocac nasongirango warac fekefec, ifi isoc.

Tsefanya 3:14

Isracel ge sogaibesena nga Yerusalaim mingina ngeni ubangerectoa negembisia amma Tsionggac ngicngac ngeni onghoriangtoa ambisia.

Tsefanya 3:17

Kebu Anutuga gegoc kecde ye wasai kebu, yeng agengga tiu dzikac ferahenade. Ye geac ubangerectoa negemma sogaiande. Ye yumea kecma songo negenggengande. Ye geac amma sogaiyombonggede.”

Dzekarya 10:7

Anu Efrayimngic yeni wasaingic kuctoanginagoc amma kecbesandae. Ammanu waindoku nema sogaiandae ifi isoc herenginau ubangerec fingecbesande. Anu nambaracfocngina yeneng Kebungo faka meec imoc hemma sogaima Kebuac ubangerec negembesandae.

Mataio 5:12

Bungngina kunengngo kurumennu tomaingina fede. Ngeni imocac ubangerec negemma sogaibisia. Ngicngac yeneng warac profete yunukporac ayemmegec, yeni ifi isoc angemmegecdenoc.

Ruka 1:47

Anutu memengerecna, ongaasunango geac amma sogaide.

Roma 5:11

Amma imocsac kpac, Kebunina Yesu Kristongo kopocsicnina meickema Anutugoc ruae meficgenemmeu nenang yofinenggac Anutuac negenni wiac engena anu sogaima kecdimbe.

2 Korinti 13:11

Negen negensinggoc tosofocna, ni yoac desima yofi deduae, ngeni ubangerecgoc kecma mengereemema meseriemema ruae meficgema uba mocgu kecbisia. Ifi anggec Anutu, songo nga ruae minginango, ngenigoc kefude.

Efeso 6:10

Desima deba, ngeni Kebuaru heiserigec kuctoayango ngenearu ferecgema feu kucgoc kecbisia.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

Firipi 4:4

Ngeni nasosoc Kebuaru kpeketahema kecma sogac sogaigoc kecbisia, monggoc deduae, ngeni sogac sogaigoc kecbisia.

Firipi 4:8

Tosofocna, yoac mong yofi debesonga negensiduae, faka fora nga eweheiheiagoc nga dindingac amma kongaha, faka henni songea angande amma negenni gombunga ande nga angammeme gombunga dengerenideac siric ande, faka sasawa ifiango negen negengngina mewakedacbeso.

1 Tesaronike 4:1

Tosofocnina, neni Kebu Yesugoc kpeketahema negen negengngina miacnideac goroyoac yofi torokpema monggoc dedimbe. Anutungo ngenenu ngereeudeac ngeni yeac sing modacbisia. Ngeni yofinenggac ifi kecdae nga imocngo botucnginau yadiseri ambeso.

1 Tesaronike 5:16

Ngeni nasosoc sogac sogaigoc kecbisia.

Yakobo 1:2

Negen negensinggoc tosofocna, faitobang nga ebic hania hania fingecngemmeu imoc sasawa wiac sogac sogaigoc, ngeni ifi negembisia.

1 Petoro 3:8

Kpeturanggema deba, ngeni sasawa negen negengngina mocgu febeso. Ngeni wosoefac angemema heresongogoc hoangemema ubamangang negengemema memaemema kecbisia.

1 Petoro 4:13

Nga ifi fingecngemmeu imohai ngeni Kristogoc torokpema kpendzeng kpema imocac sirihau sogaibisia. Ifi anggec yeng kecma kuc kibikperagiagoc fingectegerude, imohai ngeneac sogac sogaitoa fingecbesande.

2 Petoro 3:1

Songo tosofocna, ngeneac kibi andenga yohockang yomoc ohongemmeduae. Kibi yohockang imocngo ubanegen negengngina heigboriu negentegecma kongaha kecbisia.