Firipi 2:6 - Deduamiti

⁶ Yeng Anutugoc siricngira mocgu kefoc nga ye Anutu kekeha kefec imoc segereudeac mi negenec.

Yoak kekehagocac Dzadzahac gboria nga Mitiyegec

⁶ Yeng Anutugoc siricngira mocgu kefoc nga ye Anutu kekeha kefec imoc segereudeac mi negenec.

Firipi 2:6 ပူးပေါင်းရင်းမြစ်များ

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Mataio 1:23

“Negenggec, ngacnaroangngo medac mong kpenanggema meu yeac kpara Imanuere degecde.” (Yes 7:14) Imocac titiha yofi, Anutungo nenanggoc kecde.

Yohane 1:18

Ngic mongngo Anutu mong mi henec, kpac. Medaha mocgusac Mamaac hoannu kecande, ye Anutungoc. Yeng Manggac dekperaginemmeec.

Yohane 10:30

Ni nga Manggac neri mocgu.”

Yohane 10:33

Ifi deu yudangic yeneng merenggec, “Ua gombungaac amma hocngo gerebeso mi andimbe. Ge bangecngicngo geangaac Anutu dema Anutu emminec, imocac amma ine hocngo gerebeso andimbe.”

Yohane 10:38

Nga Mannaac ua mebadeu ngeneng ine mi negensinnuma sifu faka kuhagoc mekecduae, imoc negensinggebisia. Ifi amma Mannango nearu kecde nga neng yearu kecduae, imoc negemma negentegecgecde.”

Yohane 14:28

Ni Manggacaru kemma monggoc ngenearu dzigene habade, ifi deba negendau. Amma ngeni heregoc neac songo negendae isoc sogaibau nocac Manggac yennoc neac engena.

Yohane 14:9

Ifi deu Yesungo yofi edeec, “Firipo, ni naso herea ngeneac botucfu kecbare ge mi negennunec. Ngic mong ye nenec, yeng Manna henec. Nga dafiac Manggac edzacngunuba henggecdeac denec?

Yohane 17:5

Manggac, bangec nga kurumeng mi fingecmaecngoc ni geac kicfu kuc nga kibikperaginagoc kefai, ge kuc nga kibikperagina imoc nenna.

Yohane 20:28

Ifi deu Tomango deec, “Ge Kebuna amma Anutuna.”

Yohane 5:18

Ifi amma Yesungo sabatanasoac singyoac memanganeec nga torokpema Anutuac Manna dema ye isocngoc anec, imocac amma yudangic herengina monggoc yaru Yesu kpehomebeso anggec.

Roma 9:5

Nga yeni kisicbangecfocngina negendae, yeneac fingecsaheunac Kristongo ngicsiric amma fingerec. Ye Anutunoc, wiac sasawaac engena. Yearu dedengerec nga dedengerec fekengkecbeso, imoc fora.

2 Korinti 4:4

Kristo ye Anutuac onga nga yeac siric. Anu bangec yomocac nemu Satang, ye ngicngac mekundungkpeyunuu negen negensingngina kpac kecdae nga yeni Kristoac siduc gombungngo ngicngac mekperagiyemmeande, imoc mi henggecdeac kicpisic anggec.

2 Korinti 8:9

Ngeni Kebunina Yesu Kristoac wosoefac negendae. Ye kurumennu finactoayagoc kecma ngeneac amma finaha wadacma makpekpea amma kefec. Yeng makpekpea anecac ngeni kurumenggac finactoanginagoc anggec.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.

1 Timoteo 3:16

Negen negensinninaac hania imoc sufu sufuyau feec: Ye kuneng nga engena yombong, imoc fora. Ye sebiu fingectegerec nga Asungo haniaya dindingac imoc nonongkac mekperagiec. Angero yeneng ye henggec. Ngicngac yeni yeac siduc bangec monnunac ngicngac, yenearu dekperagigec bangec noboc noboc kenu negensinggegec. Ye Anutuac kuc nga kibikperagiau monggoc meemma ihai kecde.

Hebiraio 1:3

Anu Medac ye yengenaoc Anutuac kperagia amma yeri siricngira mocgu andape. Nga Medac ye yoara kucgoc amma imocngo wiac sasawa bangecfu nga sawau amma kurumennu fekendacde, imoc nanggedaru fede. Amma ye ngicngac sasawa nenanggac kopocsic heidzuac ua mesima kurumennu Ngictau kuhagoc yeac foiau enec tacde.

Hebiraio 1:6

Amma ye waracmedaha bangectoa bangecfu kefudeac hesicke haec, naso imohai yofi deec, “Anutuac angero sasawa yeneng ye ngonducnemima afehebisia.” (Dser 32:43; Septuaginta mitikibiunac.)

Hebiraio 1:8

Amma Medahaac negemma yofi deec, “Anutu, geac ngictau tatac imoc wisic wisickea kpac amma feengkecbesande. Amma ge eucererenggaac ngictauyasuga mena yoacga imoc dindingac.

Hebiraio 13:8

Yesu Kristo ye worang nga yaguc amma nasosoc siric mocgungoc kecengkefude nga kecbesande.

Yohaneac kpefing 21:6

Dema monggoc edenuec, “Imoc bic fingecdac. Ni A nga Y, hanac hanahea nga wisic wisickea. Ngicngac mongngo dokuac ammide, ye dokukiwaunac kekecac doku eng neudeac mibade.