Firipi 2:25 - Deduamiti

²⁵ Anu tosona Epafodito sueba ye ngenearu monggoc haudeac negenduae. Ye nigoc ua mekecde amma nigoc kecma Kebuac wasaingic ande. Nga ngeneng ye suegec hama nanggekufung anenu wiac monggac mi obohobade.

Yoak kekehagocac Dzadzahac gboria nga Mitiyegec

²⁵ Anu tosona Epafodito sueba ye ngenearu monggoc haudeac negenduae. Ye nigoc ua mekecde amma nigoc kecma Kebuac wasai ngic ande. Nga ngeneng ye suegec hama nanggekufung anenu wiac monggac mi obohobade.

Firipi 2:25 ပူးပေါင်းရင်းမြစ်များ

Yohane 13:16

Foracngoc, wanacngicngo mingina mi feraheude nga sue sueango ngic sueec, ye mi feraheude, imoc edengunuduae.

Yohane 17:18

Nga geng ni bangectoa bangec yomohai suenunec, ifi isocngoc neng yeni bangecfu sueyunuduae.

Roma 16:3

Prisika nga Akpira yeri nga ni, neni Yesu Kristogoc kpeketahema kecma ua nenahafoc meandimbe. Wenacngerecna yerearu faiba hade.

Roma 16:9

Amma Urbanogoc Kristoac ua meing, yearu wenacngerecna nga songo tosona Sitaki yerearu wenacngerecna faiba hau edeyurubisia.

1 Korinti 3:9

Neri Anutugoc ua mekecdipe nga ngeni Anutuac semengua nga yeac ama.

2 Korinti 2:13

Anu hama Tito hoforaiac ongaasunango ruae mi meficgeu ine dekenec amma faiyunuma Makedonia bangecfu kenai.

Firipi 2:26

Ye hafei ammiu siduha negenggec, imocac ye ngeneac fagung amma hereango ngeneac sasawa ammikecde.

Firipi 4:18

Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.

Firipi 4:3

Nga ogona geng yoac modackecnec amma nigoc ua mekecnecac desambic amma yofi edeguduae, ngac yohockang yomoc meficyurubesena. Nocac yeri nga Kremento amma ngicngac tosea goa kpacngina kekecac kibiu fede, yeneng nigoc kecma siduc gombunggac ua arennu uatoa mema kecgec.

Kolosai 1:7

Asungo ngenearu ua meu heresongogoc hoangemedae, songo tosonina Epafarango siduc imoc anemmeec. Epafara ye Anutuac wosoefacac siriha kpoungemmeec amma ye yofinenggac meficngunuma Kristoac kingangkpekpe kecde.

Kolosai 4:11

Amma Yesu, kpara mong Yusto, ye wenacngerec deu hade. Ngic harebec imoc yenengsac sebi tosangina herec herecgeaac arennunacngo meficnuma Anutuac eucererenggac ua nenahafoc mekecdimbe. Yeneng meserinuma kecgec amma kecdaengoc.

Firemong 1:24

Ngic nigoc kecma ua nenahafoc meandimbe Mareko, Aristako, Dema nga Ruka yeneng ifingoc wenacngerecngina degec hade.

Hebiraio 3:1

Kpetiac tosofocna, kurumenggac kpakpacngo ngenearu ifingoc haec. Imocac ngeni negen negengngina Yesuaru faibisia. Yenoc aposoro nga womonggarengtoanina nga nenang yeac kpara deficgekecdimbe.