Firipi 1:8 - Deduamiti

⁸ Anutungo hepucna kecde. Yesuac wosoefacfu heirima ngenigoc kecbadeac ubasongona fede, imoc fora deduae.

Yoak kekehagocac Dzadzahac gboria nga Mitiyegec

⁸ Anutungo hepucna kecde. Yesuac wosoefacfu heirima ngenigoc kecbadeac ubasongona fede, imoc fora deduae.

Firipi 1:8 ပူးပေါင်းရင်းမြစ်များ

Ruka 1:78

Nga Anutuninango songo nga wosoefac engena yombong anemmekecdeac ifi fingerude. Yeac songotoayaac kuc imoc wenac isoc erema nenanggaru mama ngicngac

Roma 1:9

Ni numuanduae, imohai nasosoc ngeneac negensima numukecduae. Anutungo imoc hemma hepucna ande. Nga ongaasunango uaya mekecma yengena Medahaac siduc gombung dekperagianduae. Amma ni nasosoc Anutu numumiba yeng negenu naric anu ngenearu bic habade.

Roma 9:1

Ni Kristogoc kpeketahema yoac fora deduae, ikoc mi anduae. Nga Tiri Asungo here negen negenna midiu imocngo hepucna anu yofi deduae.

2 Korinti 13:9

Neni kucmama kecmina ngeneng kucnginagoc kecgec ubangerec negendimbe. Nga ngeni Kristoac kpeteu yadiseri anggecdeac ifingoc numukecdimbe.

2 Korinti 6:12

Nga ngeneng neneac negemma herengina dzegegec neneng sifu ngeneac amma ubaherenina mi dzegenide, kpac.

2 Korinti 7:15

Yeng ngeneac negemma ubeango songotoagoc hoangngunuude. Ye ngenearu hau ngeni dafiu ama heimima kengecngunuu eweheimima yoara tofohogec, ye imoc mi nigeckpeec.

Garata 1:20

Yoac ohoduae imoc ikoc kpac, imoc Anutuac kicfu deduae.

Garata 3:26

Ngeni sasawango negen negensinnu Yesu Kristogoc kpeketahema kecma Anutuac medacfora andae.

Garata 4:19

Nambaracfocna, ni ngeneac amma monggoc kpendzeng gadze isoc nikecde, ifi angkecbare Kristongo ngeneac hereu fingectegecbeso.

Firipi 2:1

Kristongo meseringunuma heresongogoc hoangngunukecde. Nga Tiri Asungo hama kpeturangngunuu ngeni ubamangang negengemema wosoefac angemegecde. Imocngo botucnginau negen negeng mocgu nga uba mocgu amma heresongogoc hoangemegec ubangerec hafoa negembade.

Firipi 2:26

Ye hafei ammiu siduha negenggec, imocac ye ngeneac fagung amma hereango ngeneac sasawa ammikecde.

Firipi 4:1

Tosofocna, ngeni heresongogoc hoangngunuba herenango ngeneac ammikecde. Ngeneng sogac sogai meficgenemma neac irana andae. Nga songo tosofocna, ngeni imocac amma Kristoaru kpeketahama seria kecbisia.

Kolosai 2:1

Kolosai ngicngac ngeni nga Raodikea ngicngac amma sasawango kicmesuna mi negendae, ngeneac nga yeneac amma kpendzeng kpema uatoa mekecduae, ngeni imoc negenggecdeac negenduae.

Kolosai 3:12

Anutungo heresongogoc hoangngunuma meisingngunuu yeac kpataning areng kecdaeac ngeni ubaherenginango ngicngac yeneac ubamangang negemma wosoefac ayemmebisia. Amma memaemema yumea kecma ngicngac ogofocngina yeneac modzongina mi tibeso. Ngeni faka imoc sasawa wamba isoc heigec kemeu mekecbisia.

1 Tesaronike 2:5

Amma neni dekerecyoac mong mi edengunuing nga kichodung faka mong ifingoc mi aning, kpac. Imoc Anutungo hepucnina anemmede, imoc negendae.

1 Tesaronike 2:8

Amma ngenigoc kecma ngeneac heresongotoa negemma hoangngunuma songogoc Anutuac siduc gombung kpoungemmema mong mi merandziing. Nga imocsac kpac, neni ifingoc ngeneac amma kekecnina naric wanideac negening.

2 Timoteo 1:4

Kickumaga mau henai, imoc negensiba herenango geac ammiu monggoc gembadeac anende. Amma gemma sogac sogai hafoangoc meficgebadeac negensiduae.

Firemong 1:12

Ni neanna ubaherena suebai isoc ye sueba gearu dzigeneude.

Firemong 1:20

Ge foracngoc negen negensinggoc tosona, Kebunina Kristoac amma meficnuna ubaherenango ruae meficgeude.

1 Yohane 3:17

Ngic mongngo bangectoa bangec yomocac finacgoc kecma ogea henu sebiaac memeficfu makpekpea kefu ubahereau wosoefacgoc mi meficgeudeu Anutuac heresongongo yeac hereu mi feude.