Firipi 1:6 - Deduamiti

⁶ Amma yofi negensinggeduae, Anutungo ua gombunga ubaherenginau hanahema imoc torokpema mekengkefu Yesu Kristoac nasotoa hau, imohai uaya imoc mesidacbesande.

Yoak kekehagocac Dzadzahac gboria nga Mitiyegec

⁶ Amma yofi negensinggeduae, Anutungo ua gombunga ubaherenginau hanahema imoc torokpema mekengkefu Yesu Kristoac nasotoa hau, imohai uaya imoc mesidarude.

Firipi 1:6 ပူးပေါင်းရင်းမြစ်များ

Mitiyegec 138:8

Kebungo efaima neac kekecareng uayagoc faima imoc sasawa nearu mesidarude. O Kebu, geng yoac dedzege amma imoc modackecnade, fakaga imocngo nasoya nasoya feengkecbesande. Ge marikibiga mi ngadehema wana.

Yohane 6:29

Ifi degec turunga yofi merengyemmeec, “Anutuac ua yomocnoc. Anutungo ngic sueu haec, ngeni ye negensinggegec.”

Aposoro 11:18

Petorongo ifi dema edeyunuu yeni negemma ubangina kuha mau Anutu afehema yofi degec, “Foracngoc, Anutungo bangec monnunac ngicngac ubangina meremma kekecseriac fora megecdeac ifinoc ande.”

Aposoro 16:14

Yeneac botucfunac ngac mong Tiatira taonnunac kpara Ridia, ye finacama mingina nga kporuc sacsac faikefec. Ye Anutu eweheimima kefu Kebungo ubea mekperagiu Pauroac yoac kedzac kpema negenec.

1 Korinti 1:8

Ye yengenaoc meseringunuu kechereemagec naso wisickeu ngeni Kebunina Yesu Kristoac nasotoau kopocsicngina kpac nanggec yoacfu naric mi faingunubesande.

2 Korinti 1:15

Ni imoc negensima yofi arenggeai, neng ngenearusing hama ferecgema Makedonia bangecfu kembade. Kemma monggoc ngenearu dzigenema habade. Haba ngeni Yudaia bangecfu suenugecde. Ni ifi ambai dede waraima ngenearu hama dzigeneba monggoc neac amma ubangerec negembau.

2 Korinti 2:3

Nga ngenearu haba goa ngeneng ubangerec meficgenengandae, imocac negemba ngereede. Ngeni ubaebic meficgenembauac kibi mong ohongemmeai. Ni ngeneac yofi negengyombonggeduae, sogac sogai nearu fedeu ngeni sasawango sogaigecde.

2 Korinti 7:16

Ngeni serima kecdaeac negengyohocna kpac ubangerec negemma kecduae.

2 Korinti 9:4

Anu kecma habeso deba Makedonia ngic goango nigoc hagec ngeni ua imohai mi efaigecdeu imoc ngenenggec neni nga ngeni momoc gamekpekpe ambinggac.

Garata 5:10

Nga Kebugoc kpeketahema ngeneac negemma yofi negensima kecduae, ngeni neac negen negeng imoc modacma kecma negen negeng goa wagecde. Nga ngic mong ye negengyohoc meficgengemmekecde, yeng kopocsicac turunga meficgeude.

Efeso 4:12

Ngicngac kpetiac nenang miti ua kuhagoc mema Kristoac hanimari nga forakebanga meyadini seriudeac ifi fainunuec.

Firipi 1:29

Ngeni Kristo meficgegecdeac areng yofi ngemme ngemmea fede: Ngeni ye negensinggema ifingoc yeac amma kpendzeng kpegecde.

Firipi 2:12

Imocac songoarengfocna, ngeneng warac nasosoc yoacna modacma kecgec, ngeneac wegenac kecbare enacna modacgec ifi isocngoc yaguc hereau kecbare ngeni yoacna modacmangoc wosokpidocfu nga fagung amma madzacgoc uatoa mema kecmagec nasoya hau komoc kpegecde.

Firipi 2:13

Anutungo ua arenga gombunga fingerudeac ubaherenginau ua mekecde. Ifi mekefu ngeni efaigecde amma ua imoc megecdeac kuc ngemmekecde.

Firipi 2:16

Ngeni ifi anggec, Kristoac nasotoau ngeneac negemba wiac kuneng anude nga neannaac yofi negembesandua, ni sicsauc mong mi nedziai me uatoa imoc sicsauc mi meai.

Kolosai 2:12

Ukuu Anutungo dokunadzicfu Kristogoc tonggongunuec. Nga Anutungo Kristo homecfunac megboriec. Anutungo ua kuhagoc meande, ngeneng imoc negensinggegec yeng sing imohai ngeni ifingoc Kristogoc megboringunuec.

2 Tesaronike 1:11

Imocac amma ngeneac negensima nasosoc yofi numukecdimbe, Anutungo kpacngunuec, yeng ngenenu ubea ngereebeso. Nga ngeni ye negensinggema uaac songo meficgema faka gombunga mekecma uangina kucgoc mema mesigecde.

2 Tesaronike 3:4

Neni Kebuac amma ngeneac yofi negensinggedimbe, Neni demeseri angemmema yoac edengununi ngeni imoc tofohoma kecdae amma kecgecde.

Firemong 1:21

Nga enac tofoc tofohoga fede, imoc negemma kibi yomoc ohogenduae. Nga wiac deduae, geng imoc torokpema monggoc annade, imoc negenduae.

Hebiraio 10:35

Imocac ngeni kengeha kpac kecbisia. Kecma faka imocac buma kuneng meficgegecde.

Hebiraio 12:2

Kemma kicnina Yesuaru fikecbisina. Yeng negen negensinnina hafoangoc mengerema kefude nga yennoc ua imocac hania. Ye sogac sogai ngade haude, imoc negensima mariponggac kpendzennu emma game kpekpe bageau kekec, imoc tofohoma imoc wiac efea ifi negenec. Ifi amma Anutuac tatacac foiau emma yaguc tacdenoc.

1 Petoro 5:10

Anutu danggunuc mingina, yeac kuc kibikperagiango fefeseri fede nga yeng ngeni ihai Yesu Kristogoc kecgecdeac kpacngunuec. Nga ngeni kpendzennu naso wegenanec kecekemmagec, yengenaoc mengerengunuma nonggo tacngemmeu seria nanggecde.

2 Petoro 3:10

Nga Kebuac hahanaso, imoc hamangec ngicngo haandae, ifi isoc haude. Naso imohai sawau wiac sasawa fedacde, imoc gerecngo yonohodarude nga sawango udumengtoagoc aockema kpac andarude. Amma bangec nga wiac sasawa maringo memea imocac witiau fede, imoc monggoc mi feude.