Fingec fingec 40:5 - Deduamiti

⁵ Ammanu naso monnu tofocnac mocgungoc Aigita ngictauac wainggareng nga icsogong oho oho gareng witicamau faiyurugec taroc yeri gaukpefing henoc. Mong ye gaukpefing siriha mong henec nga mong ye siriha mong henec nga gaukpefingngira imocac hania mong mong anec.

Fingec fingec 40:5 ပူးပေါင်းရင်းမြစ်များ

Fingec fingec 20:3

Hau Anutungo ine Awimelec tofocnac monnu gaukpefinnu fingecmima yofi dema edeec, “Ge ngac imoc medanggac homecac areng annec. Ngac imoc ye ngic monggac enema.”

Fingec fingec 40:1

Anu faka imoc fingerec imocac ngadeau Aigita ngictau Pareco yeac wainggareng nga icsogong oho ohogareng yeri kopocsic meficgema ngickunengngira Aigita ngictauac ngaba meficgemioc.

Fingec fingec 40:4

Anu wasaingic yeni Pareco garenggekecgec yeneac kaptengngina ye Yosefngo ngic yohockang imoc garengyuruudeac deu ye yereac enac tofoc tofoho kefec. Anu yeri witicamau naso herea isoc kefoc.

Fingec fingec 40:6

Hemmaec ama wereckenu Yosef ye yereac ama manau emma yerenu ubaebic siric taroc.

Fingec fingec 40:8

Ifi deu meremmioc, “Neri gaukpefing hendic nga imocac hania edenuruudeac ngic mong mi kecde.” Ifi deec Yosefngo yofi deec, “Gaukpefinggac hania dede imoc Anutuac wiac. Ngeri siduc naric anenec negembade.”

Fingec fingec 41:11

Witicamau kecma naso monnu tofocnac monnu neri nerahafoc gaukpefing henic nga gaukpefinniraac siriha imoc tembuc tembuc anec.

Esta 6:1

Anu tofocnac imohai ngictaungo gaufefea kpetereu yengena siduha siduckibiu ohoohoya feec, imoc mehama osomigecdeac edeyunuec.

Danicel 4:19

Anu Danicel kpara mong Beltesactsarngo negen negeng fingecmiec imocac kengectoa meficgema ubaebic meu sebiaac kuha maec. Ifi anu ngictaungo yofi deec, “Beltesactsar, gaukpefing me imocac haniango ubaebic mi meficgegembeso.” Ifi deu Beltesactsar ye yofi deec, “O kunenna gaukpefing imoc ngabafocga ge ngadegudae yeneac ambac imoc ngereebac!

Danicel 4:5

Kecma gaukpefing mong hemba kengecnuec. Ni kpefing henai imocac fefenau fema negen negennau negen negeng hania hania negemma imocac kengec amba ubaongana ebiriec.

Danicel 4:9

O Beltesactsar, mamocngic yeneac kunengngina! Ni negenduae, anutu kpetiac yeneac asungo geac ubaheregau kecde, nga wiac sufu sufu sasawa imoc naric dekperaginemmenadeacsoc annec. Imocac amma ge onga gaukpefinnu henaimoc imocac hania edenuna.

Bangec kisiu 12:6

Kenec yofi edeyuruec, “Ngeri yoacna negenec, botucnginau profete mong kefudeu ni neannaoc wiac kpefinnu edzahabade nga gaugau isoc yoacna edebade.