Fingec fingec 4:2 - Deduamiti

² Anu ngac ye monggoc kpenanggema munia Hawel meec. Anu ye kecma yadima rama garengyunuma kefec. Kaingngo ine semenguamemeac ngic amma kefec.

Fingec fingec 4:2 ပူးပေါင်းရင်းမြစ်များ

Fingec fingec 3:23

Imocacamma yeri Eden uaunac meicyuruec. Amma yeri bangectehecngomemeaac sueyuruu kemma yeraoc bangecfu heihomecnec anoc.

Fingec fingec 37:13

Kecgec Isracelngo Yosef yofi dema edeec, “Dacfocga yeni Sehem amabangecfu rama yenenggareng amma kecdae. Imocac amma ge hana, ni yenearu sueguba kembesena.” Deu yofi deec, “Naric, ni efaiduae.”

Fingec fingec 4:1

Anu ngic ye enema Ewagoc feu medac mong kpenanggema meec. Mema yofi deec, “Kebungo meficnuu ngic mong medua,” ifi dema kpara Kain kparec.

Fingec fingec 4:3

Kecma Kaingngo Kebuac sese dema uayaunac semeng mema haec.

Fingec fingec 47:3

Nanggec Parecongo Yosef dacfora yofi dema kpesiyemmeec, “Ngeni noc ua mema kecandae?” Ifi deu yeni yofi dema meremmigec, “Enac tofoc tofohofocga mangesafocnina yeni ramagareng ua mekecgec neni ifingoc ua imoc meandimbe.”

Fingec fingec 9:20

Noa ye heikpenecngic amma ye waing ua homec homecac hanac hanaheangic.

Mitiyegec 127:3

Kebungo nambaracfocnina nemmeande, yeni yearunac danggunucnina andae. Amma ngac hereaunac fora fingecande, imoc uaninaac bung.

Makekeng 3:1

Mose ye yofea Yitro, midyanngic yeneac sesememe, yeac ramanoningfora garengyunuma kefec. Anu kecma naso monnu bangec kisi edibigeng wangecyunu kemma Anutuac tiki Horew, ihai kensikeec.

Amosi 7:15

Ammanu ni ramahabu yeneac gareng kecbare ine Kebungo ihacnac menuma yofi dema suenuec, ‘Ge Isracel ngicngacfocna yenearu kemma profeteyoac dena.’

Ruka 11:50

Imocac amma bangec hanac hanaheaunacngoc erekecma profete yunuhomegec sacngina maec, imocac turunga yagucac ngicngac kecdae, ngenearunacngo kpoudacgecde.

Ruka 11:51

Turung imoc Abeac sacfunac hanahema erekecma Dzekariaac sacfu erede. Yeni Dzekaria arata nga kpetiac ama botucngirau kpehomegec. Oc, ngicngacareng yomoc ngeneng turunga imoc kpoudacbisia, imoc edengunuduae.

Yohane 8:44

Nga mangana mingina, yennoc ngeneac mangngina nga faka yeac songou fede, ngeni imoc megecdeac angemmeude. Ye hanahemangoc ngic yunuhomeande nocac yeac ubahereau faka fora mi feu faka fora mi mema nangkecde. Ye ikocngic nga ye ikocac mama kecdenoc. Imocac amma ye yoac ikoc dema yengenaoc nanggeeme kefude.

1 Yohane 3:10

Anu ngicngac faka dindingac mi mekecdae me tosofocngina heregoc yeneac songo mi negengandae, yeni sasawa Anutuarunac kpac. Imohainoc Anutuac nambarac damoc nga mangana minginaac nambarac damoc, imoc fingectegerude.

1 Yohane 3:12

Ngeni Kaing isoc mi ambisia. Ye Satangngo minging ammiu munea kpehomeec. Amma ye yengena angammemea mangana femiec nga muneaac angammemengo dindingac anecac munea kpehomeec.

1 Yohane 3:15

Anu ngicngac tosofocngina ubango ukuyunuandae, yeni sasawa ngickpekpe andae. Nga ngic ifia yeneac hereu kekecseri mi fede, imoc negendae.