Fingec fingec 26:7 - Deduamiti

⁷ Nga bangec imocac ngic yeni enemaac dekpesi homac ammigec yofi dema edeyunuec, “Imoc nainna.” Ye enenna, ifi deudeac kengec kpeu negen negengango yofi negemma ifi deec. Riweka ye kicsiriha gombunga yombong. Imocac amma deficgebade isoc bangec mingina yeni yeac amma kecma kpebucnubauac.

Fingec fingec 26:7 ပူးပေါင်းရင်းမြစ်များ

Fingec fingec 12:11

Aigita bangecfu wegenac kemma enema Sarai yofi dema edeec, “Negennec, ge ngac kicsiricga gombunga yombong ni imoc negenduae.

Fingec fingec 12:13

Nga geac amma naric kecbade nga kekecna ongonggegecdeac ge yofi edeyunubesena, ‘Ni yeac naina.’ ”

Fingec fingec 12:15

Nga Parecoac bageu ngickuneng kecgec yeni ye hemma songo negemma kemma Parecoac kicfu ngac imocac dekerec amma siduc anggec. Amma ngac imoc wangecma Parecoac amau kenggec.

Fingec fingec 20:11

Ifi deu Awrahamngo yoac turunga yofi meremmiec, “Ni yofi negensima faka imoc andua. Bangec yomohai ngic sasawa yeni Anutuac kengec mi angandae imocac yeneng enennaac amma ni kpebucnubauac.

Fingec fingec 20:2

Amma amabangec imohai kemma enema Saraac yofi deec, “Ye nainna.” Ifi deu Gerar taonggac ngictau Awimelec yeng sueyunuu kemma Sara wangecma hagec.

Fingec fingec 20:5

Awraham ye ine yofi dema edenudac, ‘Ngac imoc nainna.’ Nga ngac ye ifingoc dedac, ‘Ngic imoc nainna.’ Imocac ni angammemena sufu sufuya mong mi andua nga marina kongaha yombong anu kopocsic mong mi meficgedua.”

Fingec fingec 24:16

Naroang imoc ye kicsiriha gombunga yombong anu ye ngic mongngo mong mi kpesereec. Ye dokuu kemema dokuenangau doku fima ereec.

Fingec fingec 26:6

Ifi deu Itsak ye Gerar taunnungoc kefec.

Fingec fingec 26:8

Anu imohai kecma naso monnu enema Riweka tofohoma titikokoc ammiec. Ammiu ngictau Awimelec ye firangnaguusing yerenec.

Fingec fingec 29:17

Lea ye kiwa gombunga nga Rahel ye ine kic nga siriha hafoangoc gombunga yombong.

Mataio 10:28

Ngicngac yeni sebingina kpehomema ubaongangina naric mi kpehomegecde, ngeni yeneac mi kengecngunubeso. Anutungo sebi nga ubaonga yerahafoc hofeu memanganeude, ngeni yeac ine damungunubeso.

Efeso 5:25

Kristongo kpebungfora nenang heresongo negemma hoannunuma donina mema sebia desiemeec, ifi isocngoc manggac ngeni enengfocngina heregoc yeneac songo negembisia.

Kolosai 3:9

Ngeni ikoc mi angemebisia nocac ngeni ubasebingina esea angammemeagoc bic hesima wagec.