Fingec fingec 26:3 - Deduamiti

³ Bangec yomoc sasawa ge nga bangecfocga ngemmebesanduaeac ge bangec yomohai kecna ni gegoc kecma kenecgubade. Imoc mangga Awraham deserimiai imocac fora fingerudeac ambade.

Fingec fingec 26:3 ပူးပေါင်းရင်းမြစ်များ

Fingec fingec 12:7

Imohai Kebungo Awram fingecmima yofi dema edeec, “Ni bangec yomoc geac bangecga mibeso anduae.” Amma Awram ye imohai Kebu fingecmiecfu yeac arata mong meec.

Fingec fingec 13:15

Imoc yofiac, bangectoa hendacnec imoc ge nga bangecga ngereac bangectoa fefeseri feudeac ngemecbade.

Fingec fingec 13:17

Ni bangec imoc ge gembadeac ge yacma wihanac made nga emuhacnac erede amma noboc noboc fekende imohai yerecgema kemma imoc sasawa hendacna.”

Fingec fingec 15:18

Wenac imohai Kebuac yofi dema Awranggoc dzadzahac anec, “Aigita doku imohacnac hanahema kengkecma Perat dokutoauwisickede bangec imoc bangecfocga yemmebesanduaeac deseriduae.

Fingec fingec 17:19

Ifi deu Anutungo yofi dema meremmiec, “Foracngoc, enengga Sara ye ine medacga mong meude ge yeac kpara Itsak kpacbesena. Nga neng yegoc dzadzahac meba imocngo bangecfora yenigoc fefeseri fekecbesande.

Fingec fingec 17:8

Anu Kenacan bangectoau yaguc kuric kecnec imoc hafoangoc ge nga bangecfocga ngemmeba mema mingina anggec ngeneac feengkecbesande nga ni Anutungina amma kecbesandua.”

Fingec fingec 20:1

Anu Awraham ye imohacnac yacma Negew bangecfu Kades nga Sur botucngirau Gerar taong tarec imohai kemma kuric kefec.

Fingec fingec 25:11

Awraham homeec imocac ngadeau Anutungo medaha Itsak keneheec. Nga Itsak ye Becer Lahai Roi imohai tacyac angkefec.

Fingec fingec 26:12

Anu Itsak ye bangec imohai kecma ua heihomec anu Kebungo keneheu kifa imohai semengtoagoc yombong anu witgbomea mocguarunac handred fingerec.

Fingec fingec 26:14

Anu ye ramaburumaka habuya habuya mekefecac amma enac tofoc tofohofora homacngoc meyunuma kefec. Imocac amma pelistingic yeni hemma keracmangang ammima

Fingec fingec 26:24

Kenu tofocnac imohaingoc Kebungo Itsak fingecmima yofi deec, “Ni gegoc kecduaeac ge kengec mi guu. Ni mangga Awrahamgac Anutu nga ni ge kenecguma bangecfocga yeni enac tofoc tofohongicna Awrahamgac amma mesaheyunubesandua.”

Fingec fingec 28:13

Yenemmanu Kebungo imohai namma yofi dema edeec, “Ni Kebu, mangesaga Awraham nga Itsak yereac Anutu. Bangec fenec imoc ge nga bangecfocga ngemmebesandua.

Fingec fingec 28:15

Negennec, ni mi wagubade. Ge bangec kecnadesoc gegoc kecma garenggubade amma wiac deserigendua imoc fora fingerudeac merengguba bangec yomohai monggoc dzigenema habesannec.”

Fingec fingec 31:3

Anu Kebungo Yacakow yofi dema edeec, “Mangfocga nga arengfocga yeneac bangecfu monggoc dzigenena. Ni gegoc kecbade.”

Fingec fingec 35:12

Anu Awraham nga Itsak bangec yemerai imoc ge nga esamedacfocga yeni momoc yemmebesandua.”

Fingec fingec 39:2

Anu Kebungo Yosefgoc kefecac amma yeng wiac sasawa anec imoc naric anu aigitangic mongngo Yosefac ngickunenga anec anu ye yeac amau kefec.

Fingec fingec 39:21

Ammanu Kebungo Yosefgoc kecma danggunuha kuneng yearu fau witicamagarengyeneac kaptengngo Yosef hengngereudeac ammiec.

Fingec fingec 48:21

Isracel ye ifi dema Yosef yofi dema edeec, “Negennec, ni yaguc homebeso anduae nga Anutungo ine ngenigoc kecma wangecngunuu esangabobangecfocngina yeneac bangecfu monggoc dzigenebesandae.

Fingec fingec 50:24

Anu Yosefngo dacfora yoac yofi dema edeyunuec, “Ni homebeso anduae. Foracngoc, Anutungo yugucngunuma bangec yomohanac wangecngunuu kengkecma bangec imoc Awraham, Itsak nga Yacakow yemmeudeac deseriec imohai faingunuude.”

Mitiyegec 105:8

Ye dzadzahac meec, imoc nasosoc negensima dedeseriyoac edengunuec, imoc ngicngac fingecsahengina fekefude, imoc andenga tauseng feenude, imocacsoc negensima kefude.

Mitiyegec 105:9

Ye Awrahamgoc dzadzahac imoc mema Isakaac yoac deserimima edema

Mitiyegec 32:8

Kebungo deec, “Ge singga tinade, imoc edekpou anggemba, imoc modacbesena. Kicnango modacguma dederecgeyoac anggembade.

Mitiyegec 39:12

“O Kebu, ge nunumuna negenna memeficac kiacba ge kedzac faima negenna. Ni kickumana madeac ihoc bahoc mi anna. Ni kuricngic amma hama naso wegenanecsac kecbade. Ni esangabofocna isoc kuricngicsac anduae.”

Makekeng 2:24

Enu Anutungo kiacubamangangina negemma Awraham, nga Itsak amma Yacakow yenigoc dzadzahac meec, imoc negensima

Makekeng 3:12

Ifi deu Kebungo yofi edeec, “Ni gegoc kecbade. Nga neng sueguduae, imocac kpete yofi fingeru hennade, Ge ngicngac Aigitabangecfunac hesicyununa hama tiki yomohai neac enactofoc tofoho ua mema ni eweheihei anemma numunembisia.”

Makekeng 6:4

Nga yeni Kenacan bangecfu kuric kecgec naso imohai ni yenigoc dzadzahac mema imoc yemmebadeac deai.

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Makekeng 6:8

Nga ni marina miacma Awraham, Itsak nga Yacakow bangec yemmebeso deseriyemmeai, ihainoc hesicngunuma emma ngemmeba imocac mingina anggecde. Nennoc Kebu.’ ”

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Firipi 4:9

Nga neng negen negeng sasawa kpoungemmeba negenggec nga wiac nearunac kedzacnginango negenggec amma kicnginango henggec, ngeni ua imoc medacbisia. Ngeni ifi anggec Anutungo ruaea ngemmema ngenigoc kefude.

Hebiraio 11:9

Anutungo bangec miudeac dedzege ammiec, ye ihai kemma kuric isoc kefec. Kecma Anutuac yoac negensinggema kporucbedzoya faiu nanu Isaka nga Yakobo ihai yerigoc kecgec. Yereng Abrahanggoc bangecac dzadzahac imoc mekecgec imocngo bangecngina anec.

Hebiraio 6:17

Anu Anutungo ifingoc yoara deseriec. Nga Abrahanggac bangecfora yenearu yoara monde monde mi anec, yeni imoc negemma dzadzahac kuha momoc negentegecyombonggegecdeac ifi deec.