Fingec fingec 10:9 - Deduamiti

⁹ Amma ye Kebuac kicfu kpenecmenecngic kuneng yombong amma kefec. Imocac yearu yoac heima yofi deandae, “Kebuac kicfu kpenecmenecngic kuneng yombong Nimerod isoc ande.”

Fingec fingec 10:9 ပူးပေါင်းရင်းမြစ်များ

Fingec fingec 10:10

Anu ye ngictau amma bangec yomoc garengyunuec, bangec hanac hanahea mekefec imoc Bawel, Erec nga Akkad amma Halene, imoc sasawa Sinecar bangectoau tackenggec.

Fingec fingec 10:8

Nga Kus medaha mong kpara Nimerod fingerec. Yeng bangecfu bangec areng ngictaugoc kekec imoc hanaheec.

Fingec fingec 13:13

Anu Sedom ama mingina yeni ine ngic mangana yombong nga yeni Kebuac kicfu kopocsic homac wiac engena yombong angkecgec.

Fingec fingec 25:27

Medac yeri kecma yadima Esawngo kpenecac ua mema imocac hania gombunga yombong negemma bangec tumiatoa imohai yerecgema kefec. Nga Yacakow ye ine ngic yumia amma ye kpeboronga kpac kporucbedzou tacyac amma uaya henggareng amma kefec.

Fingec fingec 27:30

Anu Itsak ye Yacakow keneheu wisickeu Yacakow ye mama wama maec imohaingoc dara Esaw ye kateyang kpema dzigenema haec.

Fingec fingec 6:11

Anu bangectoa bangec imoc Anutuac kicfu manganeyombonggeu imoc mengec mengereacsoc mi anec. Nga ewekpekpengo bangec sokodarec.

Fingec fingec 6:4

Anu yofi fingerec Anutuac medacfora yeni bangecngic yeneac naroangfocngina yenigoc fegec yenearunac nambaracfocngina fingecgec. Anu nefilingic yeni bangecfu naso imohai nga ngadeau ifingoc kecgec. Ngic imoc yeni warac kecgec nga yeni kucnginagoc nga kpac kunengnginagoc kecgec.

Mitiyegec 52:7

“Henggec, ngic imoc ye Anutuac hoannu kemma mi sufuec. Ye ine ngicngac ogofora memanganeyunuma yengena dzofinactoayaac negenserima kefu wiac imocngo sufu sufuamea anec.”

Mika 7:2

Bangecfu yoac modacmodac yeni sasawa kpac andacgec nga ngic mongngo dindingac mi kecdae. Yeni ikocfu sac kpakegecdeac tomai feandae amma yenaocngoc uficfu meemegedeac uficngina faiandae.