Fingec fingec 1:3 - Deduamiti

³ Anu Anutungo yofi deec, “Kperagi fingeru.” Ifi deu kperagi fingerec.

Fingec fingec 1:3 ပူးပေါင်းရင်းမြစ်များ

Fingec fingec 2:4

Kebu Anutungo bangec nga kurumenga kurumenga meficyunudarec, yomoc imocac siduha.

Mitiyegec 104:2

Ngicngac yeneng wamba heiandae, ge ifi isoc kperagiango kperacemema kecnec. Geng kurumenga kurumenga meficyunuma kporucama isoc kpedziyununa fekendae.

Mitiyegec 118:27

Kebu ye Anutu. Yeng kperagi nemmeu imocngo mekperaginunuec amma mekperaginunuude. Ngeni ic maria sabayagoc maringinau mema arennu hakecma hombanggac sese mehagec, imoc witicngo arata baihau dedeckebisia.

Mitiyegec 148:5

Yennoc yoac deu fingecgecac ngeni sasawango Kebuac kpac kuneng heiwayong memibisia.

Mitiyegec 33:6

Kebungo yoac dema kurumenga kurumenga meficyunuec. Ye enacasuyango wenac nga afo amma asomeng habutoanginagoc meficyunuec.

Mitiyegec 33:9

Yeng yoac enacngo deu wiac imoc fingerec. Nga fingecgec deu imohaingoc wiac sasawa fingecdacma seria feec.

Mitiyegec 97:11

Ngicngac dindingac kecandae, yenearu ama wereckenude. Nga ngicngac uba kongahagoc kecdae amma herenginau ikoc nga hamangec mong mi fede, yeni sogac sogai meficgegecde.

Mataio 8:3

Ifi deu Yesungo maria sinema ngic kpeserema yofi edeec, “Ge ngereenadeac songona fede.” Deu imohaingoc sebia ngereeu hafeia kpac anec.

Yohane 1:5

Nga kperagingo kundung mekperagiu kundungngo kperagi imoc semeudeac ambibiema waec.

Yohane 1:9

Anu kperagi fora yombong, yeng bangecfu ngicngac sasawa mekperagiyemmebeso haudeac anec.

Yohane 11:43

Ifi dema Yesungo kucgoc kpacma deec, “Radzaro, ge yacma ngadeau mana.”

Yohane 3:19

Yoacninaac desi desiac hania imoc yofi, kperagingo bangecfu hau ngicngac angammemengina manganaac amma kundunggac songo monggoc negemma kperagia wagec.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

Efeso 5:14

Imocac siriha yofi, wiac sasawa kperagiango henu meaiude. Imocacnoc yofi dedea, “O, ngic gau fema kecnec, ge gborima homecfunac yacna. Ifi anna Kristongo mekperagiguude.”

Efeso 5:8

Ngeni warac kundunggac areng kecgec nga yaguc ine Kebuaru kpeketahema kperagia areng andae.

1 Timoteo 6:16

Ye mocgungo dzonggo dzongoya kpac nga kperagia manau kecde. Nga kperagi imocac manau ngic mongngo naric mi enude, kpac. Amma kperagi imoc mongngo mi henec nga naric mi henude. Kuha nga eweheihei yearu feecngo fede nga nasoya kpac fekengkecbesande. Imoc fora.

1 Yohane 1:5

Neni yearunac yoac yomoc negemma ngenearu yofi dekperagidimbe, Anutu ye kperagi nga yearu kundung mong mi fede.

1 Yohane 2:8

Kundung meickemanu kperagi fora bic fingectegecdeac amma singyoac yomoc gboria monggoc ohongemmeduae. Imocngo Kebuaru nga ngenearu fora ande.