Esta 7:4 - Deduamiti

⁴ Amma ngicngac sasawa wanac menunubau dede, ni imocac yoac mi debai nga kpendzeng ifiaac amma ngictau enacteteng mi ammibai. Imoc neanna nga ngicngacfocna neni memanganenunuma kpedzomangnunugecdeac bic bummenunugec.”

Esta 7:4 ပူးပေါင်းရင်းမြစ်များ

Nehemia 5:5

Anu yeni ine nenang ngicdaramunafocnina nga sactosofocnina nenang bangec areng mocgungoc andimbe nga nenang nambaracfocnina imoc yeneac isocngoc. Nga nenang kucnina kpacac amma heikpenec bangec nga waing uaninango yeneac anec. Amma faka ifiau nenaoc naroang nga medacfocnina wanac bic meyunuing nga naroangfocnina sueyununi sebinginango hiedzo kirecgeec.

Esta 3:13

Anu kibi mekemmeha ngic yeneng memanganeyunugecdeac dedeseri imocac kibiseria mederema ngictauac bageu prowins kecgec yenearu ficfuc mekenggec. Nga kibiu ine yofi oho ohoya, “Afo Adarac uameme 13 imohai Yehuda ngicngac yada kapia amma ngac nambaracfocngina uameme mocguac manau memanganeyunuma yenang kucmadzidzic kpedzongac kpebucyunudacgecde amma iwaingina sasawa tigecenude.

Esta 3:9

Ifiac amma ngictau geng negenna naric anudeu kpedzomangyununideac dedeseri mong dena kibiu faini kemeu imoc modacbisina. Amma neng 10 tauseng silwa dzo tohonggareng yenearu faiba dzo netohonggau faibisia.”

Esta 7:5

Ifi deu ngictau Dzeksingo ngactau Esta kpesimiec, “Imoc merac! Merang negengyohoha kpacngo wiac imoc ambesonga dede?”

Esta 7:6

Deu Estango deec, “Ngic mangacmangacnea Hamanngonoc ngaba anemmede!” Ifi deu Hamangngo ngictau nga ngactau yereac kicfu ngadea netackeu dzonoma fedeec.

Esta 8:11

Ngictauac dedeserikibi imohai yofi ohogec, “Yehudangic sasawa yeni kpedzucemema yenang agengngina tibisia. Amma bangec me prowins monggac dzikacac kiwafocngina yenang nga enemmedacfocngina memanganeyunuma, kpedzomangyunugecde amma ngabafocngina yeneac iwai megec yeneac andarudeac ifingoc deec.”

Esta 8:6

Ngicngacfocna yeneng ebic imohai enggecdeu ni yenemma dafi ambade? Nga sactosofocna memanganeyunugecdeu ni dafi kecbade?”

Esta 9:25

Anu ebic siduc imocngo ngictauaru kenu negemma yeng yoac sibia yofi derecgeu ohogec. “Hamang ye Yehuda ngic faka mangacmangacnea ayemmeudeac negensima arenggeec, imoc heimerenu yengena nga medacfora yeni wotung herea imohai gbedicyunugec ubasac negec.”

Danicel 6:2

Nga eucererenggac ngickuneng harebec meisingyunuma yeni satrap sasawa garengyunugecdeac faiyunuec, nga Danicel ye harebec yenearunac mong. Ngickuneng harebec yeneac uangina yofi anec, ngictauac wiac nganoc mong mi sufuude me manganeudeac satrap yeneng eucererenggac ngickuneng harebec dzoac nga uanginaac siduc hafoangoc ohoma yemmegecde. Ngic harebec yeneng imoc henggareng angkecgecdeac deec.

Yoele 3:6

Amma ngeni Yehuda nga Yerusalaim ngicngac meicyunuma Grik yenearu sueyunugec, yenang amabangecngina wama agac kenggec!

Amosi 2:6

Kebungo monggoc yofi dede, “Isracel yeni kopocsic homac meficgema silwaac amma ngic dindingac sueyunugec nga hanitabeac amma kpe-kpedadangnga ebicfu faiyunugec. Ifiac amma mi onggongyunubade.

Ruka 12:45

Anu wanacngic mong ye yengenaocngoc ine yofi negensiudeu, ‘Minginnango bic mi haude.’ Ifi dema uangicngac goa yunuma minginaac wiac nedacma doku seria nema ubea sufuude.