Esta 5:2 - Deduamiti

² Fima Ngactau Esta ama manaac sobenu nanu hemma negeng ngereemima kapong golngo memea imoc mema Esta gbong kpeec. Anu Estango ifi hemma wegenac kemma kapong dumbengau kpesereec.

Esta 5:2 ပူးပေါင်းရင်းမြစ်များ

Fingec fingec 32:28

Ifi deu yofi dema edeec, “Ge Anutu nga ngic yenigoc momoc dzikac kpema firang andanggac geac kpacga Yacakow monggoc mi kpacbesonga. Geac kpacga imoc Isracel ifi debesonga.”

Nehemia 1:11

O Kebu, ge kedzac gombunga kpema uangicfocga geac kpac eweheiheigoc negensinggeandae yeneac nunumu negenna. Amma uangicga neac nunumungo foragoc anudeac negemma meficnumana garengngo wosoefac anembeso, ifi numugenduae.” Ni naso imohai ngictauac waing kpakenecfu mekemma mikefai.

Esta 2:9

Anu ngickuneng Hegaingo Esta henu wedzuyau heiu imohaingoc sebiaac kerec homuna gombunga nga nenesemeng mengereec. Amma ngictauac amagerec ihai ngac amaac amamana mong gombungau Esta garenggegecdeac ngac seweng meisingyunuma yegoc imohai faiyunuec.

Esta 4:11

Ammima yofi edeec, “Ngictaungo ngic me ngac mong mi heitaimanu engpekac ngictauac amamanaac sobennu emmeude ye homebeso nga emmanu ngictaungo gol kaponga mema gbong kpeudeu ye onggonggegecde. Dedeseri imoc ngickiwa nga ngictauac prowinsu ngicngac kecdae yeni sasawango negendae. Ammanu ngictaungo ine mi kpacnuma kecmanungoc uameme 30 wisickede.”

Esta 8:4

Ammiu ngictaungo gol kapongango Esta gbongkpeu yacma hoangau namma yofi deec.

Mitiyegec 116:1

Ni kebuaru kpesi kpesi faiba yeng ubaudumenna negenecac ye songogoc hoanggebade.

Aposoro 10:4

Ifi deu kpidohoma kengec kpeu kiwango gbong henserimanu deec, “Kebu noc wiac?” deu yeng deec, “Nunumuga nga ubangerecgaac wiac makpekpea yemmeannec, imoc sese isoc Anutuaru enu ye imocac negengngereekecde.

Aposoro 7:10

kpendzennunac meickema ubangerecgoc kekec heficgemiec. Yeng Yosefe wosoefac ammima negen negentegec miu Aigita ngictau Faraongo negen negenga imoc hengngereema yengena amagerec nga aigitangicfora momoc garengyunuma kefudeac ngickuneng faiec.