Esta 3:2 - Deduamiti

² Anu ngictau ye ngicngac sasawango Hamang fafoc heimima ngonducnemigecdeac deseriec. Anu enacdedefora oda naguyau gareng nanggec, yeneng yoac imoc modacgec. Ammanu Modekaingosac ine fafoc heimima ngonducnemiudeac wayombonggeec.

Esta 3:2 ပူးပေါင်းရင်းမြစ်များ

Fingec fingec 41:43

Amma Parecongo deu Yosefe ye Aigita bangecac ngic kuneng kpete yohockanggac keretac imohai emma kenec. Kenu ngic yeneng waraima kemma yofi dema kpacgec, “Fafoc heimigec!” Ifi amma Aigita bangectoa imocac enaratoa anudeac faima

Esta 2:19

Anu ngac ngicfu mi kengkena yeni monggoc kpedzucyunugec, naso imohai Modekaingo ngictauac oda naguu tarec.

Esta 2:21

Modekaingo ngictauac oda naguyau tarec naso imohai ngictauac nagu gareng yohockang Biktana nga Teres, yereng ngictau Dzeksiac herebu negemma kpebucgeecdeac dekiric anoc.

Esta 2:5

Anu Susa amaherec seriau Yehudaareng Binyamin kisicfunac ngic mong kefec, kpara Modekai. Ye Yaireac medac nga Yaire ye Simeiac medac nga Simeingo Kisiac medac.

Esta 3:1

Anu kecma naso monnu ngictau Dzeksingo Hamadataac medac Hamang Agagi arennunac, ngickiwa goa yenearunac ye sesehema yeneac enara faiec.

Esta 3:3

Ifi anu ngictauac enacdedefora oda naguyau nanggec yeneng Modekai kpesimigec, “Ge nocac ngictaungo yoac deseriec imoc mi modacnec?”

Esta 3:5

Anu Hamangngo Modekai henu fafoc mi heimima mi ngonducnemiu herebu kuneng negenec.

Esta 5:9

Anu Hamangngo naso imohai hereau ungerereng fingeru sogacsogaigoc kemma henu Modekaingo ngictauac oda naguyau tarec, ihacnac mi yarec nga kengec mi angang kpehengaima yacma eweheihei ammiudeac waec. Ifi anu Hamangngo Modekaiac herea kukueec.

Mitiyegec 15:4

Ngic mong ye ngic mangana, yeneac modzea tiande nga ngicngac Kebu eweheiheigoc hoanggeandae, yeneac ewengina heiude. Nga mong ye yoara deserima modaru imocngo ebic homac meficgemiudeu imoc sifu modarude nga ye imocac negenu wiac engena mi anude, ngic imocngo Kebuac tiki kpetiacfu naric kefude.

Makekeng 17:14

Anu Kebungo Mose yofi edeec, “Ngeni dzikac imocac negensima kecgecdeac ge yoac yomoc kibiu ohona febeso. Amma Yehosuac yofi edena yeng imoc negenu fekecbeso, ‘Ni kurumenga kurumenga bageau amelekngic yeneac kpacsiduc hafoangoc meickeba kpac andarude.’ ”

Makekeng 17:16

Ifi dema yofi deec, “Amalekngic yeni maringina Kebuac ngictautatacfubigeng sinegecac yeng fingecsahengina fingecembesandae yeni yegoc ewema kegecde ngakecbesande.”

Danicel 2:49

Anu Danicel ye ngictau kpesimiu yeng Sadrak, Mesak nga Awed-Nego yeni Bawel provinsiu bangecgareng ua megecdeac desiyunuma uayoac yemmeu Danicel ye ine ngictauac enactofoc tofohongic amma yegoc kefec.

Firipi 2:10

Anu yeni kurumennu nga bangecfu amma bangec bageau kecdae, yeneng Yesuac kpacfu fafoc heidacgecdeac ifi anec.