Efeso 6:9 - Deduamiti

⁹ Ngic ngeni wanacngic yeneac minging kecdae, ngeni ifingoc wanacngicfocngina yumea ayemmema ngaba mi ayemmebisia. Ngeni yofi negembisia, kurumennu Kebu urecngina mocgu kecde. Yearu monde monde mi fede.

Yoak kekehagocac Dzadzahac gboria nga Mitiyegec

⁹ Ngic ngeni wanac ngic yeneac minging kecdae, ngeni ifingoc wanac ngicfocngina yumea ayemmema ngaba mi ayemmebisia. Ngeni yofi negembisia, kurumennu Kebu urecngina mocgu kecde. Yearu monde monde mi fede.

Efeso 6:9 ပူးပေါင်းရင်းမြစ်များ

Nehemia 5:5

Anu yeni ine nenang ngicdaramunafocnina nga sactosofocnina nenang bangec areng mocgungoc andimbe nga nenang nambaracfocnina imoc yeneac isocngoc. Nga nenang kucnina kpacac amma heikpenec bangec nga waing uaninango yeneac anec. Amma faka ifiau nenaoc naroang nga medacfocnina wanac bic meyunuing nga naroangfocnina sueyununi sebinginango hiedzo kirecgeec.

Mitiyegec 140:12

Ngicngac ebic witiau kecgec Kebungo yeneac yoac henggareng amma nanggeyunuude. Ngicngac iwaiac obohoma kecandae, yeni sing dindingac modacgec yeng isingyunuma yoacngina desiude, imoc negenduae.

Danicel 3:15

Imocac ngeni yaguc efaima kecmagec trampet nga kungac fifigecde nga gita witicngina homac kpegecde nga aieng wiac nga gita kpegecde nga kungac gurugoc memea fifigecde amma musi sasawa goaac udumeng hania hania fingeru negenggecde naso imohai bangecfu ngonducnema onga medua imoc eweheimima numumibisia! Nga eweheimima mi numumigecdeu imohaingoc mengunuma ukungunugec gerecamatoa manau gerec dzekecde imohai kemegec negemba anutu mongngo marinaunac onggongngunuma naric mi mesingunuude!”

Danicel 3:6

Nga mong ye naso imohai bangecfu hetutuckema wiac imoc mi numumiudeu ye ukugec gerecamatoa manau gerec dzekecde imohai kemebeso.”

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 22:10

Ifi deu wanacngic yeni sinnu kemma ngic meficyunugecsoc gombunga nga mangana momoc hesicyunudacma hama memeturanggac yakaama imoc mewakegec.

Mataio 22:8

Amma wanacngicfora yofi edeyunuec, ‘Memeturanggac yaka imoc bic mengec mengerea nga ngic heitaiyunudua, yeni areng mangana ifiango nearu hagecdeacsoc mi ande.

Mataio 24:48

Nga wanacngic mangana, ye ine yengenaoc negensiude, ‘Ni minginna naso herea kecmaguc haude.’

Mataio 24:51

Hama wanacngic imoc kpema herec kperecge heima ngic ikoha yenigoc faiude. Nga yeni ihai kiacma enacngina kisaranggema kecgecde.”

Mataio 7:12

Nga ngic yeneng noc faka angemmegecdeac negensiandae, ngeni faka siriha imocngoc ayemmebisia. Imocnoc dedeseriyoac nga profeteyoacac hania.

Ruka 6:31

Ngic yeneng noc faka angemmegecdeac negensiandae, ngeni faka siriha imocngoc ayemmebisia.

Yohane 13:13

Ngeni neac kpoukpou nga Kebu kpacnuandae, imoc naric deandae, nocac ni imocnoc.

Aposoro 10:34

Ifi deu Petorongo enacefac amma yofi edeyunuec, “Anutungo ngicngac isinnunuma monggac songo negemma mong mi waude, imoc foracngoc negentegecyombonggeduae.

Roma 2:11

Anutu ye monde mondea mi femide.

1 Korinti 1:2

Anutungo Korinti taonnu yeac kpebung kecdae, ngeni kpacngunuma Yesuac amma kpetiac mengunuec, ngeneac kibi yomoc faingemmedipe. Amma ngicngac sasawango Kebunina Yesu Kristoac kpac kpacandae, kibi yomoc ngenearu momoc faidipe. Kebu Yesu ye ngeni nga neni, nenanggac Kebu momoc.

1 Korinti 7:22

Ngic mong ye minginaac wanacngic kecmanu Kebungo kpacma heitaiecfu, yeng naso imohai sifu Kebuac ngic witiha kpac ande. Amma ngic mong witiha kpac kecmanu kparu, yeng sing ifiangoc Kristoac wanacngic anu Kristongo yeac mingina anude.

Kolosai 3:25

Kebu ye monde mondea kpac. Imocac ngic mongngo faka angammeme mangana mekefu Kebungo imocac sirihau turunga miude.

Kolosai 4:1

Ngeni yofi bic negendae, ngeneac ngic kunengngo wi kurumennu kecde. Imocac ngic ngeni wanacareng mingina kecdae, ngeni ua arengfocngina faka dindingacfu nga sirihau ayemmekecbisia.

Yakobo 2:13

Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang ambesande.

Yakobo 2:8

Anu dedeseriyoac mitikibiu yofi oho ohoya fede, “Ge geangga anggengande, siriha imocngoc gegoc wegenac kecdae, yeni heresongogoc hoangyunubesena.” (Sese 19:18) Ngeni eucererenggac yoac imoc foracngoc modacgecdeu faka gombunga anggecde.

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.