Efeso 5:3 - Deduamiti

³ Amma ngenang botucfu kaiserofaka nga sicsauc kekec wonongagoc hania hania amma kichodung, ngeni faka imoc hafoangoc wama mi yombong debisia, kpac. Ngeni kpetiac kecdaeac faka ifia ngenearu angana mi ande.

Yoak kekehagocac Dzadzahac gboria nga Mitiyegec

³ Amma ngenang botucfu kaisero faka nga sicsauc kekec wonongagoc hania hania amma kichodung, ngeni faka imoc hafoangoc wama mi yombong debisia, kpac. Ngeni kpetiac kecdaeac faka ifia ngenearu angana mi ande.

Efeso 5:3 ပူးပေါင်းရင်းမြစ်များ

Mitiyegec 10:3

Ngic Anutu ngadehema mangana meudeac ammiande, ye hereau negensongo mangana fede, imocac negenu engena anu yoac homac osoude. Ye iwaiac kichodung amma wiac homac mekpedzuc amma mekefudeac ammiude amma Kebu ngadehema yeac sowecyoac deude.

Mitiyegec 119:36

Ge herenaunac bangecac songo meickena geac dedekperagiyoacngo seria febeso.

Makekeng 18:21

Nga mong yofi, ge ngicngac sasawa yeneac botucfunac ngic yofia segereyunuma meisingyununa, ngic negen negentegec nga angammemengina gombunga feyemmede amma Anutuac damuyunude. Yoac edeyunugec imoc modacyombonggegecde nga goa yeneng wiac ikoc amma megec yeni imocac modzongina tiande. Ngic ifia meisingyunuma ngicngac yeneac enarafocngina faiyunubesena. Goa yeni ngicngac tauseng dafiguc garengyunubisia, goa yeni handred dafiguc yeneac gareng kecbisia nga goa yeni fifti dafiguc garengyunubisia amma goa yeni ten dafiguc yeneac enara kecbisia.

Makekeng 20:17

Ge yeac ama hemma imoc hensongo mi ambesena. Ge ngic yeac enema hemma ye hensongo mi ammibesena, me yeac enactofoc tofohongiha me enactofoc tofohongaha hensongo mi ammibesena. Amma ge burumakangiwa me donggi me wiara hania hania yenemma imoc hensongo mong mi ambesena.”

Makekeng 23:13

Ngeni sasawa gombunga garengemema yoac edengunuai imoc mekecma sasawa modacdacbisia. Nemuonga nga anutu hania hania yeneac kpac mi kpacma debisia nga yeneac kpacngina mong enacnginaunac mi erebeso.

Mika 2:2

Ngeni keracmangang amma ngic yeneac heikpenec nadung nga amagerecngina imoc engsac kucgoc wangecyunuma mingina angandae. Amma ngeni ikocfu kerereyunuma amabangecngina nga maridzomingngina hamangec mema tigec engande.

Bangec kisiu 25:1

Isracel yeni Sittim imohai kecma ngic yeni hanahema Mocaw yeneac naroangfocngina yenigoc serofaka angkecgec.

Mataio 15:19

Ubahereunac wiac yofia ereande, negen negeng magana nga ewekpekpe amma kaiserofaka nga eweeneng mewa amma hamangec faka nga ikoc yoacfu faifaiyunu amma desureyoac.

Ruka 12:15

Ifi dema torokpema yeneac yofi deec, “Ngeni dzofinactoaac kichodung ambauac garengngina mebisia. Ngic monggac dzofinactoa, imocngo yengena kekehaac siriha mi heficgeude.”

Ruka 16:14

Yesungo yoac imoc deu farisaio yeni hiedzoac songo kuneng feyemmeecac amma imoc negemma detenic ammigec.

Aposoro 15:20

Yofisac deserima kibi ohoyemmebisina, ngicngac yeneng nemunginaac sese dema wiac heiyemmekecdae, wiac wonongagoc ifia wabisia. Yeni serima kecma kaisero mi ambisia nga yamberec fusia sawagoc amma sacac segekecbisia.

Aposoro 20:33

Anu ni ngenigoc kecma hiedzoac dewaidzoc mi angemmema

Roma 1:29

Nga yeneac hereu faka mangana hania hania wake wakea fede, imoc yofi, yeni ngicngac dindingac kpac. Yeni ngabagoc nga kichodunggoc kecma faka mangana amma keracmanganggoc kecandae. Yeni herengina yaru ngic yunukpebuc anggecdeac ayemmeu ngabau eweandae. Yeni ikoc nga ngaba arennu ngic memanganeyunugecdeac ayemmeande amma gubekisang kecandae.

Roma 16:2

Ngeni Kebugoc kpeketahema ye hoanggema yeng wiac monggac obohou ngeni imoc meficgema mibisia. Ngeni kpetiac arenggac fakanina modacma ifi ammibisia. Ye ngicngac homac meficyunukecma ni ifingoc meficnuec.

Roma 6:13

Amma oruc kickedzac nga hanimaringina imocngo kopocsicac kingangkpekpe mi ambeso, kpac. Ngeni warac homecfu kecgec, yofinenggac ine kekec forau kecdae, imocac ngenaoc efaima kemma Anutuaru oruc kickedzac nga hanimaringina desigec imocngo yeac kingangkpekpe ambeso.

1 Korinti 10:8

Anu mong deba, nenang ifingoc serofaka mi ambisina. Yenearunac ngicngac goa yeni serofaka angkecgecac ngicngac 23 tauseng yeni uameme mocguac manau makpema homedacgec.

1 Korinti 5:1

Ngenearu kaiserofaka fede, yoac ifi degec negening. Kaiserofaka mong bangec monnunac ngicngac Anutu mi negemmidae, yeneac botucfu mi feande, imocnoc ngeneac botucfu fede. Imoc ngic mongngo mamaac enemagoc feyac angandape.

1 Korinti 6:13

Yaka imoc hereninaac amma fede nga hereninango yakaac amma fede. Nga kecma Anutungo meicyuruu kpac anecde. Sebininango Kebuac amma fede, imoc serofaka anudeac amma mi fede nga Kebu ye sebininaac amma kecde.

1 Korinti 6:18

Ngeni kaiserofaka woramima meickebisia! Nga mong ye faka nga angammeme mangana goa angande, imoc yengena sebiac ngadeu angkefude. Nga sero angande, ye ine yengena sebia kopocsic meficgemima memanganeemeude.

2 Korinti 12:21

Nga haba ngicngac homac ngenearunac kopocsic meficgema faka wonongagoc nga serofaka mekecma sicsauc kekec mong mi wagec, imoc hemma kiac ubamangang amba Anutungo ngeneac kicfu memanubacac kengecnude.

Efeso 5:12

Nocac yeneng fakangina sufu sufu angkecdae, imoc sasawa naric mi debade. Imoc deba gameagoc anude.

Efeso 5:5

Amma kaisero me ngic ubawonongnginagoc areng ifia yeni Kristo nga Anutuac eucerereng manau naric mi enggecde amma imohai mingina naric mi anggecde. Nga kichodunggac faka imoc nemu afec afehe faka. Nga ngicngac faka imoc meandae, yeneng eucerereng manau naric mi enggecde nga embesandae, ngeni imoc negenghomebisia.

Firipi 1:27

Ni hama ngenembade me hereau kecma ngeneac yoacsiduc yofi negembeso anduae, ngeni ongaasu mocgu nga ubahere mocgu kecma ngabafocngina yeneac mong mi kengecngunumanu serima namma yeni siduc gombung negensinggegecdeac ewema kpendzenggoc uatoa mekecdae. Imoc fingerudeac ngeni Kristoac siduc gombung imocac sirihau kecbisia. Faka imocngo ngabafocngina yofi edzacyunuude: Yeni manganema kpac anggecde nga ngeni ine komoc kpegecde.

Kolosai 3:5

Imocac ngeni bangecac songo hania hania herenginau fengemmede, imoc wagec homebeso. Faka imoc yofia, kaisero nga songo ikoha amma faka seuhagoc nga faka mangana amma kichodung. Kichodung imocngonoc nemuac afec afehe faka ande.

1 Tesaronike 4:3

Imoc yofiac, Anutuac negen negeng nga songo yofi fede, ngeni kaisero wama kpetiac yombong ambisia.

1 Tesaronike 4:7

Anutungo kpetiac kecnideac kpacnunuec. Sebiac songogoc kecnideac mi edenunuec, kpac.

1 Timoteo 2:10

Ngac mong ye faka gombunga mekecma Anutu eweheihei ammiande, faka imocngo kibikerengngina ambeso.

1 Timoteo 3:3

Ye waing doku nema ubasufu ngic mi kecbeso amma ye herebungic kecdeu mi ngereeude. Ye ngic yumea amma ruaegoc kecbeso nga hiedzoac songou negen negenga mi febeso.

1 Timoteo 6:10

Imoc yofiac, hiedzoac songo negen negeng, imocngo mangana sasawaac hania. Ngicngac goa yeni hiedzoac songo kuneng mekecdae, yeni imocngo wangecyunuu negen negengsingngina wama kenggec yeng hereebic kuneng meficgeyemmeude.

2 Timoteo 3:2

Ngicngac yeni imohai yenanggac songo nga hiedzoac songo homac negenggecde. Yeni yenang wiacac negenggec engena anu sebiengenggoc kecma tenicfagoc amma nonggomangfocnginaac yoac kpegecde. Nga ngicngac wiac yemmegecde, yeneac ubangerec mong mi negenggecde. Amma mitiu kekec yenearu mi feude.

Tito 1:11

Ngic ifia yeneac enac medzickebesonga. Yenennoc dzofinactoa ikocfu meficgegecdeac yoac dedesifucgoc edekpou ayemmegecde. Ayemmegec ama areng goa hafoangoc tohoma manganegecde.

Tito 1:7

Imoc yofiac, kpebunggac enara ye Anutuac wiac garenggeude, imocac yeng ngic soronga kecbeso. Nga ye yengenaac negenu engena mi ambeso. Amma ye ngic gerea mi ambeso. Ye waing doku nema ubasufu ngic anu mi ngereeude. Ye yarengic mi ambeso amma kichodung faka mi mekecbeso.

Tito 2:3

Nga ngac yada yeni ifingoc faka nga angammemenginaac arennu ngicngac kpetiac siricfu kecbisia, imoc kpouyemmebesena. Nga yeneng enacfu faifai mi ambisia amma waing doku nene, imocac ebicfu mi kecbisia. Wiac gombunga fede, ngeni imoc ngicngac ogofocngina kpouyemmebisia.

Hebiraio 12:16

Amma ngeneac botucfunac mongngo kaiserofaka ambacac me Esau isoc Kebuac ihoc bahoc ambacac ngeni henghomema kecbisia. Esau ye naso mocguac yakango waracmedacac kenec muneagoc emekpesi anoc.

1 Petoro 5:2

Anutuac habungo ngeneac botucfu kecdae, ngeni yeni gombunga garengyunuma ubaebicfu ua mi mebisia, ngeni ubangerecgoc ua megec Anutungo negenu ngereeude. Amma ngeni hiedzonginagoc anggecdeac ua imoc mi mebisia. Ngeni uangina imoc mamangkima mekecbisia.

2 Petoro 2:10

Ngicngac yeni uba eseaac songo modacma faka seuhagoc hoanggeandae, ye yenearunoc ifi angkecde. Yeni Kebu ngadehema deendema amma yenang songo modacma kengeha kpac sawaac asu engena demanganeyunugecde.

2 Petoro 2:14

Ifi kecma kichodung faka homac amma ngac yeneac kickerec amma kopocsic gebeha kpac angkecdae. Amma ngicngac negen negensinggoc amma mi serigec, yeni faka manganau kerereyunuma wangecyunugecde. Areng imocfia yeni sowecac nambaracfora.

2 Petoro 2:3

Anu kpoukpou imoc yeni ngeneac dzofinac hensongo amma ikocyoac dema hodzinggema wangecngunugecde. Nga Anutungo faka ifia bicngoc ngadeheec amma yofinenggac yoacfu faiyunuma memanganeyunuude.

Yohaneac kpefing 2:14

“Faka goa gearu fede, imoc ine modzona tide. Ngicngac goa gegoc kecandae, yeneng Bireanggac kpoukpou hoanggeandae. Yeng Isracel nambaracfora mayunuudeac suba siriha dafi faiude, imoc Barake kpoumiec. Yeni nemuac seseyang nema seroua megecdeac ifi anec.

Yohaneac kpefing 2:21

Ye ubea merennudeac naso bic miba yeng ine ubea meremma kaiserofakaya waudeac mi ammide.”

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”

Yohaneac kpefing 22:15

Anu ngicngac kasi isoc kecdae nga mosocfaka mekecdae nga seroareng amma ngickpekpefaka mekecdae nga nemu numuyemmeandae amma sasawango ikocfakaac songo negemma ikoc angandae, yeneng ine ngadeau kecgecde.

Yohaneac kpefing 9:21

Nga ngicngac yeni ubangina mi dzigeneu yunukpebuc, dzinac nga mosoc faka amma kaiserofaka nga hamangecmeme, faka imoc sasawa hoanggema mekecma mong mi wagec.