Efeso 2:12 - Deduamiti

¹² Naso imohai ngeni Kristoa kpac kecma israengic yeneac arennu torokpema mi kecgec. Nga Anutungo dzadzahacac yoac dedzege israengicngac kpeyemmeec, imocac ngadeau kecgec. Ngeni bangectoa bangec yomohai Anutua kpac kecgec nga kekec gombunga mong fingecbesande, imoc mi negensinggegec.

Yoak kekehagocac Dzadzahac gboria nga Mitiyegec

¹² Naso imohai ngeni Kristoa kpac kecma israengic yeneac arennu torokpema mi kecgec. Nga Anutungo dzadzahacac yoac dedzege israengicngac kpeyemmeec, imocac ngadeau kecgec. Ngeni bangectoa bangec yomohai Anutua kpac kecgec nga kekec gombunga mong fingecbesande, imoc mi negensinggegec.

Efeso 2:12 ပူးပေါင်းရင်းမြစ်များ

Fingec fingec 15:18

Wenac imohai Kebuac yofi dema Awranggoc dzadzahac anec, “Aigita doku imohacnac hanahema kengkecma Perat dokutoauwisickede bangec imoc bangecfocga yemmebesanduaeac deseriduae.

Makekeng 12:45

Nga kuricngic me ua megecdeac bummeyunugec yeni makekenggac ramamedaha mi nebisia.

Bangec kisiu 18:19

Nga Isracelngicngac yeni wiac sasawa Kebuac sese kpetiac dema faigecde imoc ge nga naroangmedacfocga ngeni ngemmeduae. Imoc desiba nasoya nasoya ngeneac wiac anude. Dzadzahac kondungagoc imocngo Kebu neac kicfu gearu nga geac fingecsahegau fefeseri feengkecbesande.”

Ruka 1:72

Nga Anutungo kisicnina Abrahanggoc yoac deserima deec, imoc negensima dzadzahac kpataninga modacma kisicfocnina wosoefac ayemmema

Yohane 10:16

Amma ramafocna goa kecdae, yeni oda yomohanac kpac. Nga neng hesicyunuba ubana negenggecde. Ifi anggec ramakpebung mocgu nga ramagareng mocgu anude.

Yohane 15:5

Ni neannaoc waing ic nga ngeni fawafocna. Ngic mong ye nearu kpeketahema kecde, neng yearu ifingoc kpeketahema kecba yeng fora homac anude. Ngeni nia kpacfu ua mong naric mi megecde.

Yohane 4:22

Ngeni wiac hania mi negentegecdae, imoc numumidae. Ebicfunac mesi mesi nga komoc kpegecdeac kuc, imoc yudangic nenearunac fingerec nga Anutu negengireckema numumima kecdimbe.

Aposoro 2:39

Nga dedeseriyoac imoc ngenang nga nambaracfocngina amma hereau kecdae, Kebu Anutuninango kpacngunuma heitaingunuudesoc, ngeni naric megecde.”

Aposoro 28:20

Ni imocacnoc negemma ngenigoc denegeng annideac kpacngunuba sikedau. Israengicngac nenang Anutu dedeseriyaac fora fingecbesandeac negensinggema kecdimbeac amma seng yomoc marinau witicnugec kecduae.”

Aposoro 3:25

Anutungo kisicfocngina yenigoc dzadzahac mema Abrahang yofi edeec, ‘Bangecga yeac arennu ngicngac bangeha bangeha keneheyunudacbesandua.’ (Fing 22:18; 26:4) Ngeni dzadzahac imoc nga profete yeneac ubamarac imoc mekecdae.

Roma 9:8

Sebiac arennu fingecdae, yeni Anutuac nambaracfora, ifi mi dede. Dedzegeac bageau fingecandae, yeni Abrahanggac bangecfora yombong andae.

Garata 4:8

Anu ngeni warac Anutu mi negemmigec nemu yeneng wanac mengunugec. Amma nemu imoc yeni Anutuac siric isoc kpac.

Efeso 2:19

Imocac naso yofinenggac kuriha monggoc mi kecdae. Ngeni Anutuac ngicngac kpetiacgoc kpeturanggema ama mingina anggec. Amma yofinenggac Anutuac arengfora kecdae.

Efeso 4:18

Amma yeni negen negentegecngina mi fedeac kundung manau dzingfong kpema ubaseringinaac amma Anutuac kekec ngadeau kecdae.

Kolosai 1:21

Anu ngeni warac ubanegen negengnginango Anutuaru kuric kecma yeac ngabafora amma angammemengina manganagoc kecgec.

Kolosai 1:27

Anutungo yoac sufu sufuya feec, imoc kpetiac areng ngenearu dekperagiudeac negenec. Yoac sufu sufuya yofi feec, yeng bangec monnunac ngicngac, yenearu kuc nga kibikperagi homacngoc edzacyunuude. Imoc yofi, Kristongo ubaherenginau kecde nga yeac uaac amma Anutungo kurumennu ngeneac kuc nga kibikperagi faiu tomaingina fede.

Kolosai 1:5

Ye wiac kurumennu faiu tomaingina fede imoc ngade mebesandaeac negensinggema kecdae, imocac heresongongina kuhagoc fede. Nga kurumenggac siduc gombunggac yoac fora

1 Tesaronike 4:13

Ngicngac yeni kurumenggac mi negemma, yeni homecnasou kiac songgong ebiria angandae. Tosofocnina, ngeni yeni isoc ubamangang mi negembisia. Ngeni, homegec yenearu noc wiac fingerude, imocac hania negenghomegecdeac songonina ande.

1 Tesaronike 4:5

Bangec monnunac ngicngac yeni Anutu mi negemmima sebiugenggac kekec, imoc songotoa negemma modacma kecdae, ngeni ifi isoc mi ambisia.

2 Tesaronike 2:16

Kebunina Yesu Kristo yengenaoc nga Anutu Mannina yeri yoac nga uangina imoc sasawaac manau negen negengngina midima herengina meseribesera. Yerennoc heresongogoc hoannunuma wosoefacngiraac amma ubaherenina nasosoc meserinemmekecdape. Yeri ifi anec nenang kecma wiac gombunga mebesandimbe, ifi negensikecdimbe.

1 Timoteo 1:1

Yesu Kristongo kurumenggac sing meficgenemmeec, ye nga memengerecnina Anutu yereng denenec, ni Pauro Yesu Kristoac aposoro anai.

Hebiraio 11:34

Yeni gerecyada kucngina menomanegec. Nga ngabafocngina yeneng wasaibeangngo yunuhomebeso anggec woragec. Yeni kucmama kecgec Anutungo kuc yemmeec. Yeni dzikac kucgoc kpema kuric wasaingic homac kporacyunugec.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

Hebiraio 8:6

Yesu ye dzadzahac gboriaac ngicbotuc, dzadzahac imoc dedzege yoac kuha monggoc mekecde, nocac dzadzahac gboriaac dedeseriyoacngo eseaac ferahede. Amma yeac womonggareng ua, imocngo bangecac womonggareng ua siriha ifi isoc ifingoc feraheude.

1 Petoro 1:21

Fingectegecma sing meficgenemmeu yofinenggac Anutu negensinggema kecdimbe. Ye medaha homecfunac megborima kuc nga kibikperagi miu nenang Anutu negensinggema yearu negen negennina naric fainide.

1 Petoro 1:3

Nenang Kebunina Yesu Kristo, yeac Anutu Manggac kenehebisina. Yeng wosoefactoa kpenemmema Yesu homecfunac megboriec. Sing imohai nenang kekec meficgenemmeu fingec fingec gboria fingering. Ifi fingecma yeac wiac kekehagoc fingecnemmebesande, imoc negensinggema kecdimbe.

1 Petoro 3:15

Kebu Kristo ye kpetiac, ngeni negen negeng imoc ubaherenginau mekecbisia. Amma gombungangina ngade haude, imocac hania goriangoc kpesingemmegec turunga merenggecdeac nasosoc efaima kecbisia.

1 Yohane 3:3

Ngicngac Yesugoc kpeketahema wiac gombunga fingerudeac negensinggema kecdae, yeni sasawango kekecngina dzuacemema ye kpetiac, ifi isoc kpetiac anggecde.