Efeso 1:8 - Deduamiti

⁸ Imocac dzohongau negen negentegec nga negen negeng fora mengeredacma kpetinggenemmeec.

Yoak kekehagocac Dzadzahac gboria nga Mitiyegec

⁸ Imocac dzohongau negen negentegec nga negen negeng fora mengeredacma kpetinggenemmeec.

Efeso 1:8 ပူးပေါင်းရင်းမြစ်များ

Mitiyegec 104:24

O Kebu, ge wiac hania hania medacnec, imocac kpetea engena yombong. Ge negen negentegecgango imoc sasawa mena wiac sasawa kekecnginagoc yeneng geac marikibiga amma bangec mewakedae.

Mataio 11:19

Nga Ngicac Medacngo hama nenedoku neu hemma deandae, ‘Henggec, ye nenedoku efea mi nekecde nga ye takesimeme ngic nga manganameme ngic yeneac ogongina.’ Anutuac negen negentegec, imoc gombunga ande, imoc uayango dede.”

Roma 11:33

O, Anutuac semeng dzohongagoc fede nga negen negenga imoc kuneng nga kpeukeme kemea. Anu yeac desi desiac hania nga fakaya amma angammemea, imoc negen negennina feraheude.

Roma 5:15

Sing ferac ferahea, imoc siriha mong ande nga danggunuc imoc siriha mong, imoc fora. Ngic mocgungo kopocsicfu makpeecac ngicngac ebiriango homedacgec. Nga Anutungo wosoefahaac nga ubangerehaac wiac ngicngac yemmeande, imoc ine homactoa anu yenearu ebiria yombong kpakeyemmeec. Imoc ngic mocguacsac, Yesu Kristoac wosoefacac amma ifi fingecma feec.

1 Korinti 2:7

Nga Anutuac kuc nga kibikperagingo fingectegecnemmeudeac ye bangec nga kurumeng mi fingecmaec negen negentegeha sufu sufuya imoc faiec fede, negen negentegec imocnoc dekperagidimbe.

Efeso 1:11

Ye areng imoc bicngoc negensima yeac amma eucererenga menideac negengising anemmeec. Ye wiac sasawa ubeau feec, imoc fora fingecbesandeac ifi arenggeec.

Efeso 1:7

Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Efeso 1:9

Amma yeac ubau wosoefacac negen negeng sufu sufuya fede, imoc deserima yofi deireckenemmeec,

Efeso 3:10

Ye negen negentegectoaya imocac hania imoc bicngoc Yesu Kristo Kebunina yearu arenggeu yaguc fora ande. Gareng areng nga areng kuctoanginagoc sawau kecdae, yeni imoc negentegecgecdeac Anutuac kpebungforango imoc dekperagiyemmebisia.

Kolosai 2:3

Yearunoc negen negentegec nga negen negenggac finactoa sasawa sufu sufuya fede.

Yuda 1:25

Memengerecnina Anutu mocgungo kecde. Kebunina Yesu Kristo yeac amma eweheimima dengereni, yeng engenatoanina nga kuc mingina amma wiac sasawa fede, imocac buma ande. Ye wiac mi fingecmanu kefec nga yaguc kecde amma kecbesande, imoc fora.

Yohaneac kpefing 5:12

Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”