Efeso 1:7 - Deduamiti

⁷ Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Yoak kekehagocac Dzadzahac gboria nga Mitiyegec

⁷ Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Efeso 1:7 ပူးပေါင်းရင်းမြစ်များ

Mitiyegec 130:4

Nga gearu sifu kopocsic wawa fedeac eweheiheigoc hoanggubesonga.

Mitiyegec 130:7

Kebungo yoac dedzege amma imoc modarude. O Isracel, ge Kebu negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Danicel 9:19

O Anutuna, taontoaga nga ngicngacfocga neni geac kpacga mekecdimbe, imocac ge kedzac kpema kopocsicnina wanemmena. Ge naso mi ukuna, faka mema meficnununa. O Kebu, imoc geanggaac amma ifi fingecbeso.”

Danicel 9:9

Kebu Anutunina geng neneac ubaga manganeu kopocsicnina wanadeac numugenduae. Neni geac yoacga nga ubaga kpekefing.

Yona 4:2

Kebu yofi numumiec, “O Kebu ni bangecnau kecmangoc yofi deai, ‘Faka imocnoc fingerude.’ Ni ifi negenaiac amma bic worama Tarsis imohai kembadeac negenai. Anu Anutu, ge wosoefacgagoc nga ngicngac yeneac ubaga manganeande, ge ngaba bic mi annade nga yoac dedzege amma imoc modacyombonggeannec amma memanganeyunubeso negengannec imoc waannec, ni imocnoc negenai.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Dzekarya 9:11

Anu ni gegoc kecma sacgoc dzadzahac anai. Dzadzahac imocac amma ngicngacfocga witicamau teng dokuya kpacfu kecgec ihacnac yungecyunuba erema komoc kpebesandae.

Mataio 6:12

Nga neni ngic yeneac kopocsic waandimbe, siriha ifingoc kopocsicninaac turunga wanemmena.

Mareko 14:24

Negec yofi edeyunuec, “Yomoc neac sac, imocngo dzadzahac amma imoc ngicngac homac yeneac amma kpetic kpetinggea.

Ruka 1:77

Ge yeac ngicngacfora kopocsicngina wawaya anudeac kpouyemmenade nga yeni ebicfunac mesi mesi nga komoc kpegecdeac sing, imoc naric negentegecgecde.

Ruka 24:47

Yaru ngicngac yeni yeac kpacfu ubamereng nga kopocsic wawaac sing imoc Yerusaleng taonnusing hanahema bangeha bangeha ngicngac sasawa yenearu yoac dekperagigec kenude.

Yohane 20:23

Ngeni ngic yeneac kopocsic wayemmegecdeu kopocsicngina wawaya anude. Nga ngeni kopocsicngina witickegecdeu kopocsicnginaac witicfu kecgecdengoc.

Aposoro 10:43

Anu profete sasawa yeneng yeacnoc hepuc amma yoac yofi degec, ‘Ye negensinggegecde, yeni yeac kpacfu kopocsicngina wawaya anude.’ ”

Aposoro 2:38

Ifi degec Petorongo yofi edeyunuec, “Anutungo kopocsicngina waudeac ngeni ubangina dzigeneu tembuc tembuc Yesu Kristoac kpacfu doku nadzicgec. Ifi anggec Anutungo wosoefahaac Tiri Asuya ngemmeude.

Aposoro 20:28

Ngeni ngenang garengemema Anutuac kpebung gombunga garengyunudacbisia. Ye yengena sacngo bummengunuec nga Tiri Asungo kpebung yeneac enarafocngina kecgecdeac meisingngunuecac ngeni ramagareng isoc Kebuac kpebungfora yenenggareng ambisia.

Aposoro 3:19

Imocac ngeni kopocsicngina meicmeickea anudeac ubangina dzigeneu Anutu hoanggebisia.

Roma 2:4

Anutungo faka yumea yombong anggemma modzotitia kpac tomaiga naso herea kecande, imoc ngadehenadeu naric mi ande. Nga ubaga merennadeac Anutungo yumea anggende, ge sifu imoc negentegecbesena.

Roma 3:24

Obohomina Yesu Kristongo witicfunac yungecnunuec. Yungecnunuma Anutungo wosoefac anemmeandeac amma dindingac denemmeude. Imoc fingecnemmeudeac nenaoc ua mong mi meing.

Roma 3:25

Anutungo Yesu hensima nonongkac faiu nanu ngicngac nenang imoc negensinggedimbe, Yesungo kopocsicninaac turung kpou kpouac bung amma sawango kopocsicnina dzuackecde. Sing imohai Anutu ye yengena dindingac, imoc edzacnunuudeac negenu ngereec. Imoc yofiac, ye warac ngicngac faka yumea ayemmema kopocsicnginaac turunga bic mi kpouyemmema

1 Korinti 1:30

Anutungo negengngemmeecac ngeni Yesu Kristogoc kpeketahema kecdae. Yeng Yesu sueu Anutuac negen negentegec botucninau mehaec. Mehau nenang Anutuac kicfu dindingac nga kpetiac annideac yeng kopocsicac witicfunac mesinunuec.

2 Korinti 8:9

Ngeni Kebunina Yesu Kristoac wosoefac negendae. Ye kurumennu finactoayagoc kecma ngeneac amma finaha wadacma makpekpea amma kefec. Yeng makpekpea anecac ngeni kurumenggac finactoanginagoc anggec.

Efeso 1:14

Kurumennu finacnina fede, imocac dzadzahacac dzic Tiri Asu ande. Imoc nenang nemmenemmea. Imoc mekecnideu Anutungo kuric bangecfunac nambaracfora mesinunuma menunuude. Imocac Anutuac kuc nga kibikperagia dengerebesonga.

Efeso 1:18

Yeng ubaac kicngina mekperagiu wiac kurumennu ngeneac tomai fede, imoc negentegecbisia. Anutungo ngeni imoc mebesandaeac kpacngunuec. Wiac imoc kuc nga kibikperagiagoc wake wakea fede. Ye ngicngacfora kpetiac wiara imoc ngemmeudeac faiec fede.

Efeso 1:6

Amma ye Medackerengaac amma ubangerec yombong anemmeecac nenang eweheimima dengerebisina.

Efeso 1:8

Imocac dzohongau negen negentegec nga negen negeng fora mengeredacma kpetinggenemmeec.

Efeso 2:4

Nenang Anutuac sing ferahema kecni ongaasunina homemea anec. Anu ye sifu negennemmema wosoefaha engena anemmema heresongogoc hoannunudeac amma Kristogoc homecfunac nenahafoc megborinunuec. Anutungo wosoefaha ngemmema kopocsicac ebicfunac mesingunuu komoc kpegecde.

Efeso 3:16

“Anutu, ge kuc nga kibikperagitoagango Asugaac dzohonnu kuc meficgeyemmeu ubaonganginango yadiseri ambeso.

Efeso 3:8

Anutungo ubangerec anenu Kristoaru semengtoa fefea fede, imocac siduha ngicngac bangec monnunac Anutu mi negemmidae, yenearu dekperagiyemmebadeac ua imoc denenec. Ni ngic kpetiac sasawa yenearunac mameanec nga yeng sifu ifi anenec.

Firipi 4:19

Neac Anutu ye kperagia nga finactoayagoc. Amma yeng ngeni wiac obohodae, imoc Yesu Kristoac amma naric ngemmedarude.

Kolosai 1:14

Medaha ye donina meu Anutungo kopocsicnina waec.

Kolosai 1:27

Anutungo yoac sufu sufuya feec, imoc kpetiac areng ngenearu dekperagiudeac negenec. Yoac sufu sufuya yofi feec, yeng bangec monnunac ngicngac, yenearu kuc nga kibikperagi homacngoc edzacyunuude. Imoc yofi, Kristongo ubaherenginau kecde nga yeac uaac amma Anutungo kurumennu ngeneac kuc nga kibikperagi faiu tomaingina fede.

Kolosai 2:13

Anu ngeni warac homemea kecma uba eseangina mi herec herecgea Anutuac yoac kpekecma singa ferahegec. Nga yeng Kristogoc megboringunuma yoackpekpengina sasawa wangemmedacma monggoc mi negensiec.

Kolosai 2:2

Ni kpebung ngeneac ubaherengina demeseri ambadeac uatoa mekecduae. Ifi amba ngeni ubango hoangemema hafoangoc negen negeng seria megecde. Imocngo finactoa isoc fengemmeu Anutuac yoac sufu sufuya negentegecyombonggegecde. Amma yeac yoac sufu sufuya imoc Kristonoc.

1 Timoteo 2:6

Ye yengenaoc ngicngac sasawa donina meudeac kekeha waec. Yoac imocac nasoya hau dekperagiu negenggec.

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

Tito 3:6

Anu yeng memengerecnina Yesu Kristo yeac amma Tiri Asu ebiriangoc kpakenemmeec.

Hebiraio 9:22

Ifi anu dedeseri fakau sacngo wiac meu kpetiac anude nga sac mong mi kpakeudeu kopocsic wawa mong mi fingerude.

1 Petoro 2:24

Ye yengena sebiango nenang kopocsic atickema icfu nanec. Nanu nenang kopocsicfunac homema sing dindingac modacnideac ifi anec. Nga yeac kubecngo ngeni hafeidzoicfunac ngerec ngeree meficgengemmeec.

1 Petoro 3:18

Kristongo Anutuac hoannu fainunuudeac atac mocgu donina mema kpendzengtoa kpeec. Ngic dindingacngo yoackpekpe areng nenanggac amma ifi anec. Ye sebiugeng kpegec homeec nga ongaasuugeng bic megboriu kefec.

1 Yohane 2:12

Nambaracfocna Anutungo Yesuac kpacac amma kopocsicngina waec, imocac kibi yoc ohongemmeduae.

1 Yohane 2:2

Ye nenang kopocsicac amma yengena sacfusiango bunnina bic meec. Amma nenangsac kpac, ngicngac bangectoa bangec yomohai kecdae, yeneac momoc.

1 Yohane 4:10

Nenang hanahema Anutu heresongogoc mi hoanggeing, kpac. Yeng ine nenang heresongogoc hoannunuma Medaha kopocsicninaac turung sacfusiango kpouudeac sueu maec. Imocngo songoac hania ande.

Yohaneac kpefing 14:4

Ngic imoc yeni ngac yenigoc mi kecma wonongngina kpac amma kongaha yombong kecgec ramamedahango ihai me ihai kengande, imohai ye modackecdae. Ramamedahango bangecac ngicngac yenearunac buma heima yeni bummeyunuu yeni Anutu nga yeac waracareng anggec.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.