Efeso 1:5 - Deduamiti

⁵ Nga medacfora annideac ye songoya nga negen negenga modacma Yesu Kristoac amma meisinnunuec

Yoak kekehagocac Dzadzahac gboria nga Mitiyegec

⁵ Nga medacfora annideac ye songoya nga negen negenga modacma Yesu Kristoac amma meisinnunuec

Efeso 1:5 ပူးပေါင်းရင်းမြစ်များ

Danicel 4:35

Ngicngac bangeha bangeha kecdae yeni sasawa sendungsac, ifi isoc negende. Ye kurumenggac wasaiareng negenu naric ande ifi isoc ayemmeude. Ye bangecfu kecdae yeni ifi isocngoc ayemmeude. Mongngo yeac maria naric mi hedzickeude nga mongngo yofi naric mi kpesimiude, ‘Ge nocac faka ifi andang?’ ”

Mataio 1:25

Enu yeri eweeneng kekec bic mi kecmaecngoc medac fingeru kpara Yesu kparoc.

Mataio 11:26

Oc Manggac, ge imoc hemma ubaga ngereede.

Ruka 10:21

Naso imohaingoc Tiri Asungo Yesu ammiu sogac sogai songongo mewakemiu yoac yofi deec, “Manggac, kurumeng nga bangec mingina, geng wiacga sasawa yomoc mesufuyemmenecac ngicareng negen negentegecnginagoc nga fitira kecdae, yeni imoc mi hennegeng andae. Amma nambaracbisic bisic, yeni wiac yomoc mekperagiyemmenec, imocac dengereguduae. Manggac, ge imoc hemma ubaga ngereede, imoc fora.

Ruka 11:32

Niniwe taonggac ngic yeni Yonaac dedekperagiyoac negemma ubamereng anggecac amma yeneng ising ising nasou ngicngac yomoc yenigoc yacma nammagec yeneac fakangina isinggema yeneac mangana deyemmegecde. Negenggec, yomocngo Yonaac faka ferahade.

Ruka 12:32

“Habubisic, ngeni mi ebiribisia. Mangngina ye eucererenga ngemmeudeac negenu ngereede.

Yohane 1:12

Nga ngicngac ama heimima kpara negensinggegec, yeni Anutuac nambaracfora anggecdeac deyemmeec.

Yohane 11:52

Ye yeneacsac homeudeac mi maec. Ye Anutuac nambaracfora sinsararang kpegec kecdae, yeni kpedzucyunuu areng mocgu anggecdeac ifi deec.

Yohane 20:17

Nga Yesungo yofi edeec, “Mannaaru mi enduangoc, imocac mi kpeserenuna. Ge kemma tosofocna yofi edeyununa, ‘Ni Manna nga ngeneac Manggac amma neac Anutuna nga ngeneac Anutu, yearunoc embade.’ ”

Aposoro 13:48

Ifi degec bangec monnunac ngicngac, yeneng imoc negemma ubangina ngereeu Kebuac yoacac dedengerec anggec. Nga kekec wisic wisickea kpac, imocac areng anggecdeac Anutungo negengyemmeecsoc, yeni Kebu negensinggegec.

Roma 8:23

Nga imocsac kpac. Anutungo hanahema Tiri Asu nemmeec. Ifi nemmeu nenang ifingoc sebininagoc bangec yomoc wama medacforaac tatacfu bic ennideac herekiki anemmeu nasoyaac tomai kecdimbe.

1 Korinti 1:1

Anutungo Pauro negennenu Yesu Kristoac aposoro anai. Ni nga negen negensinggoc tosonina Sostene, nereng kibi yomoc faide hade.

1 Korinti 1:21

Nga ngicngac yeni bangecac negen negentegecgoc kecma Anutu negemmigecdeac obohogecde. Obohoma siduc gombung denggbaringgema imocac ubasufuyoac deandae. Ubasufuyoac imocac yofi dekperagidimbe: Anutungo ngicngac ebicfunac mesiyunuu komoc kpegecde, ye faka imocac negenu ngereeude.

2 Korinti 6:18

Amma ni ngeneac Mangngina nga ngeneng neac naroang medacfocna anggecde, Kebu Kuctoa Minginango ifi dede.’ ” (2Sm 7:14)

Garata 3:26

Ngeni sasawango negen negensinnu Yesu Kristogoc kpeketahema kecma Anutuac medacfora andae.

Efeso 1:11

Ye areng imoc bicngoc negensima yeac amma eucererenga menideac negengising anemmeec. Ye wiac sasawa ubeau feec, imoc fora fingecbesandeac ifi arenggeec.

Efeso 1:9

Amma yeac ubau wosoefacac negen negeng sufu sufuya fede, imoc deserima yofi deireckenemmeec,

Firipi 2:13

Anutungo ua arenga gombunga fingerudeac ubaherenginau ua mekecde. Ifi mekefu ngeni efaigecde amma ua imoc megecdeac kuc ngemmekecde.

Kolosai 1:19

Anutungo yofi negensiu ngereec, “Yeac ubahereau hafoangoc tacbade.”

2 Tesaronike 1:11

Imocac amma ngeneac negensima nasosoc yofi numukecdimbe, Anutungo kpacngunuec, yeng ngenenu ubea ngereebeso. Nga ngeni ye negensinggema uaac songo meficgema faka gombunga mekecma uangina kucgoc mema mesigecde.

1 Yohane 3:1

Negenggec, Manggac ye nenanggac noc isoc ammiecac songogoc hoannunuma yengena nambaracfora denecdenemmea. Nga nenannoc nambaracfora kecdimbe. Anu bangectoa bangecac ngicngac yeni Manggac mi negemmidaeac nenang ifingoc mi negennunugecde.

Yohaneac kpefing 21:7

Firang anude, yeng eucererenggac wiac sasawa yomoc meu neng yeac Anutu amba yeng medacna anude.