Dzekarya 9:16 - Deduamiti

¹⁶ Naso imoc Kebu Anutunginango ngicngacfora komoc kpeyemmeudeac naso amma rama isoc yenenggareng ayemmebesande. Anu yeni ira witiau hoc buma kunengngo pirac pirac amma kperagiande, ifi isoc kperagima bangeha mekperagibesandae.

Dzekarya 9:16 ပူးပေါင်းရင်းမြစ်များ

Mitiyegec 100:3

Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

Makekeng 28:21

Nga hoc imoc Isracel medacfora twelf yeneac kpacnginasoc mendzicbesonga. Amma twelf anggec hoc tembuc tembucfu kisicfocngina twelf yeneac kpacngina sasawa minginaac kpac hocfu mendzicyunubesena. Hocfu kibi mendzicma kpacngina imocngo meseriandae, ifi fingecma tembuc tembuc tackembeso.

Makekeng 28:9

Ge oniks hoc yohockang mema imocac witiau Isracel medacfora yeneac kpacngina mendzicbesena.

Mika 5:4

Anu ye Kebuac kucfu namma habufora garengyunuude nga Kebu Anutuyaac kpackunengnga eweheiheiagoc didiu mekperagiyemmeude. Anu yeni kengeha kpac kecmagec kpackunengngango bangec tegiau kendacbesande.

Mika 7:14

Ramagareng ge maridzomingfocga kateu tembucngina kecgec yeni gareng kaponggango garengyununa. Amma bangec dokuyagoc nga kerehagocfu warac kecgec isoc, Basang nga Gilecad ihai ngicngacfocga faiyununa menec amma kecbisia.

Tsefanya 3:20

Anu ni monggoc hesicngunuma bangecnginau kpedzucngunubade, naso imohai dzofinac monggoc kpengemmeba kicnginango imoc henggecde amma deba bangeha bangeha ngicngac yeneng ewengina heima dedengerengunugecde.”

Haggai 2:23

Kurumenggac wasaiareng habuya habuya yeneac Kebu ye yofi dede, ‘Naso imohai ni uamedacna Dzerubawel Secalticelac medac ge meisingguba ngictauac ring ongeagoc isoc annade.’ ”

Dzekarya 10:6

Ni yehudahabu meseriyunubade. Amma Yosefac habu ebicfunac mesiyunuma bombangecnginau monggoc dzigenegecdeac wangecyunu hama amatatacngina mengerebesandua. Ni yeneac ubahodung negenganduaeac amma ni monggoc hoangyunuma yeni mi wayunuyai imocac sirihau kecbesandae. Ni Kebu Anutungina kecduaeac nunumungina negemma turunga merengngemmebade amma merengngemmebesandua.

Dzekarya 8:23

Kurumenggac wasaiareng habuya habuya yeneac Kebu yeng yofi dede, “Naso imohai ngic ten bangeha bangehaac yoacna yoacga yeneng yehudangic mocguaru hama ngakpia seria mendanggema yofi degecde, ‘Anutungo ngenigoc kecde imoc negening imocac wangecnununa gegoc kenni.’ ”

Ruka 12:32

“Habubisic, ngeni mi ebiribisia. Mangngina ye eucererenga ngemmeudeac negenu ngereede.

Yohane 10:27

Ramafocna yeni ubanaac kedzac faigec ni negengyunuba yeneng modacnugecde.