Dzekarya 9:13 - Deduamiti

¹³ Ni Yehuda tebenaac gurutu isoc tiba kemebesande nga Efrayimngo tebemedaha isoc ambesande. Ni Tsionggac medacfora demeefai ayemmeba yeni wasaibeang isoc ammagec fenggeyunuba grikngic medacfocngina yunubesandae.

Dzekarya 9:13 ပူးပေါင်းရင်းမြစ်များ

Mitiyegec 144:1

Kebu ye neac hoc peperandzi seria, ye keneheni. Yeng marina dzikacac mengerekecma dzikac kpebadeac gbonna meefaiude.

Mitiyegec 149:6

Ngeni bangec monnunac ngicngac yenearu dzikacac turungngina kpouyemmebisia. Ngeni ngiha ngiha kopocsicnginaac turunga momoc kpouyemmebisia. Ngeni seng mema imocngo ngictaufocngina witicyunuma ngickunengfocngina aiennu mendangyunubisia. Yoac bic oho ohoya fede, yeneac yoac imoc modacma yoacngina isinggema desibesonga. Ifi fingerudeac ngeni enacnginango dendzerenggema Anutu dengerema maringinau soe mana ngadea enaragoc mema kecbisia. Imocngo Anutuac ngicngac yeac yoac modacma kecdae, yeneac kuc kibikperagiagoc anude. Kebu eriendzong memini, hallelu Yac.

Mitiyegec 45:3

O Firangngic kucgagoc, ge ngictauac kuc nga kibikperagigagoc kecnec. Ge dzikacac soega kebanggau dzegema dzikacac efaina.

Amosi 2:11

“Amma Ni nambaracfocngina yenearunac profeteac edekpou ayemmeai nga sebigborifocngina yenearunac Nadziriareng ifingoc edekpou ayemmeai. Isracel ngicngacfocna yoac sasawa deduae, imoc fora me?” Kebungo ifi dekperagide.

Owadya 1:21

Amma Isracelngicngac ngabaunac mesiyunugec yeneng Tsiontikiu emma ihai tacma Edombangecac sifec garenggebesandae. Garenggegec ngictau ua imocngo Kebuac ambeso.

Dzekarya 1:21

Edzacnuu yofi kpesimiai, “Yeni noc ua megecdeac hama nandae?” deba yeng yofi deec, “Baic neackpac imoc yeni ngaba, yeneng yehudahabu kpetotieyunugec sinsararang kpema kucmama amma orucngina miacma yacgecdeac ambibiegec. Imocac aiengmemengic neackpac yeneng, bangec goango yehudahabu baicngo yeneregec singsararang kpegec, yeni kengec meficgeyemmema yeneac baic imoc kpetackegecdeac hagec.”

Efeso 6:17

Amma aieng opoc kpara “Anutuac memengerec.” imoc heigec kemebeso. Amma Tiri Asuarunac dzikacac beang kpara “Anutuac yoac.” ngeni imoc mekecbisia.

2 Timoteo 4:7

Dzikac gombunga kpema bic mesiai. Amma ngic firang anggecdeac nedziandae, ifi isoc hafoa nedzima bic mesiai nga negen negensinna seria mekecma mi ukuba kpeec.

Hebiraio 4:12

Anutuac yoac imoc kekehagoc nga uaya nasosoc mema kecdengoc. Imoc wasaibeang sasawa enara noboc noboc imoc feracyunuma enara santac yombong ande. Imocngo wiac sasawa nendzicma noboc nesariande. Imoc ongaasu nga ubaonganina hendzicyuruma sic gbotoc gbotoc nga sic manau kereha nendzicyuruude. Amma ubahereninau negen nengeng nga faka sufuma mekecdimbe, imoc isinggema foraya mekperaginemmeude.

Yohaneac kpefing 1:16

Ye marifoiau asomeng 7 menanec nga enaraunac wasai beang mana ngadea enaragocngo ereec. Kicmesuya imoc wenackiwa kuhagoc neraranggeande, ifi isoc anec.

Yohaneac kpefing 17:14

Amma yeni ramamedahagoc ewemagec yeng firang anude. Imoc yofiac, ramamedaha ye kebu yeneac Kebu nga ngictau yeneac Ngictau. Nga ngicngac kpacyunuyunuya nga segec segereyunuya amma ngicngac ramamedaha negensinggema kecdae, yeni yegoc firang anggecde.”

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 19:21

Nga becosic witiau tarec, yeac enaraunac wasai beang ereec, imocngo tosea yunuu homegec. Homegec neng sasawango sebifusingina negec gebecyunuec.

Yohaneac kpefing 2:12

“Ge Pegamong kpebung yeneac angeroaru kibi yomoc ohoma faina kenu.” “Ngic wasai beang mana ngadea enara santac metacde, yeng ngeneac yofi dede,