Dzekarya 9:11 - Deduamiti

¹¹ Anu ni gegoc kecma sacgoc dzadzahac anai. Dzadzahac imocac amma ngicngacfocga witicamau teng dokuya kpacfu kecgec ihacnac yungecyunuba erema komoc kpebesandae.

Dzekarya 9:11 ပူးပေါင်းရင်းမြစ်များ

Mitiyegec 30:3

O Kebu, ge homecamaunac menunec. Nga tennu keme kemeac arennu tacbareng geng menuma kekecna homecfu kemegecde, yeneac arennunac mesinunec.

Mitiyegec 40:2

Ye kpetotiekekecac tennunac kpedzinuma goteng yohoctaunac tainuma hoc peperandzi seria witiau fainuu namba hanina meseriu tiseriduae.

Mitiyegec 69:33

Kebungo ngicngac iwaiac obohokecandae, yeneac nunumu negengkecde, ye ngicngacfora witicamau kecdae, yeni naric mi wayunuude.

Makekeng 24:8

Ifi degec Mosengo sac mema ngicngachabu witinginau kpegima yoac yofi deec, “Negendae, Kebungo ngenigoc yoac sasawa dedzegeecmoc imocac dzadzahacac sac yomoc.”

Danicel 2:29

O ngictau, ge fefegau fema noc faka ngade fingerude negen negeng ua ifi menec. Anu Anutu wiac sufu sufuya dekperaginemmeande, yeng negen negeng genu ngade noc wiac fingecbesande, imoc hennec.

Mareko 14:24

Negec yofi edeyunuec, “Yomoc neac sac, imocngo dzadzahac amma imoc ngicngac homac yeneac amma kpetic kpetinggea.

Ruka 16:24

Ifi hemma kpacma deec, ‘Abrahang manna, ni yei gerec manau kpendzeng kuneng kpeduae, imocac amma ge ubaga neac manganeu Radzaro suena kemma gbonga susiango dokuu nemurucke hama nedzaranna menomaneu.’

Ruka 22:20

Yaka negec wisickeu ye kpakenec ifingoc mema deec, “Kpakenec yomoc sacnaac dzadzahac gboria, imoc ngeneac amma kpetic kpetinggea.

Ruka 4:18

“Kebuac Asungo nigoc kecde nga neng ngicngac makpekpea siduc gombung edeyunubadeac Kebungo dzimbonga nadzicnenec. Ngic witicfu kecdae, yeni witicngina kpac anude nga kicpisicngo kicfifi anggecde, imoc edeyunubadeac yeng suenuec. Suenuu hama ebicgoc kecdae, yeni ebicngina meickema wangecyunubade.

1 Korinti 11:25

Nga yaka negec wisickeu ye kpakenec mema yofi deec, “Kpakenec yomoc sacnaac dzadzahac gboria. Ngeni imoc negecdesoc neac negensima nekecbisia.”

Hebiraio 10:2

Dedeseringo hafoangoc mengereyunubacfu yeneac sese faifai imoc bic kpac ambac. Amma kopocsicngina bic dzuacdzuara yeni herenegen negengngina kpetiac kecma kopocsicnginaac gamegoc monggoc mi kecbau.

Hebiraio 10:29

Anu dzadzahacac sacngo ngic mong bic dzuarec, yeng ngade sac imoc ongea kpac dema Anutuac Medac witiau goteng tima Danggunucac Asu demanganeudeu, yearu turunga noc efea fingecmiude, imoc bic negendae.

Hebiraio 13:20

Ruaeac Anutungo dzadzahac fefeseriac sacngo, ramagarengtoa Kebunina Yesu homecfunac megborima miarec,

Yohaneac kpefing 20:3

Witickema ngicngac ikocfu monggoc mi wangecyunuudeac teng buya kpac, imohai ukuma nagu heimima kpae faiec. Faiu kecma kifa 1 tauseng wisickeu monggoc naso kapianec ye yungecgecde.