Dzekarya 8:9 - Deduamiti

⁹ Kurumenggac wasaiareng habuya habuya yeneac Kebu neng yofi deduae, “Warac womong mebeso hoc heikenggec, naso ihai profete yeneng yoac degec negenggec yoac siriha imocngoc yaguc deba negendae. Ngeni seria nanggecdeac hafoangoc maringina meseriemema nanggeemebisia.

Dzekarya 8:9 ပူးပေါင်းရင်းမြစ်များ

Haggai 1:1

Dareyawesngo Pares bangectoaac ngictau kefu kifaya yohockang nga afo siksac uameme mocgu kemmanu Kebungo Secalticelac medac Dzerubawel Yehuda yeneac gawana nga Yehotsadakac medac Yehosuac womonggarengtoa kefec, yereac yoac profete Haggai edeu yeng kemma yofi dekperagiyecmeec:

Haggai 1:12

Anu Secalticelac medac Dzerubawel nga Yehotsadakac medac womonggarengtoa Yehosuac amma yehudangicngac toseanec komoc kpegec yeneng Kebungina Anutu yeac yoara imoc negemma profete Haggaingo yoac deec, imoc modacgec. Nocac Kebungina Anutu yennoc profete Haggai yenearu sueec, ifi negenggec damuyunuu Kebu sesehegec.

Haggai 2:18

Anu ngeni afo nainggac uameme twentifo, naso imohaingoc Kebuac womonggac hoc hanahema arenggema heigec, ngeni naso imoc gombunga negensibisia. Naso imohacnac nang enggecde imohai faka dafi fingecngemmeude imoc hengising ambisia.

Haggai 2:21

“Ge yehudangicngac yeneac gawana Dzerubawel Secalticelac medac yofi edena, ‘Ni kurumenga kurumenga nga bangeha bangeha kpemindzaheyunudacba turic turic andacgecde.

Dzekarya 8:13

O Yehuda nga Isracel yofi negenggec, ‘Ngeni kengeha kpac serima nambisia. Anu bangeha bangeha yeneac botucfu sowecac onga anggec ifi isocngoc neng ebicfunac meicngunuba komoc kpema bangeha bangeha yeneac kenec ambesandae.’ ”

Dzekarya 8:18

Ammanu kurumenggac wasaiareng habuya habuya yeneac Kebu yeac yoacngo nearu monggoc hau negenai.

Efeso 6:10

Desima deba, ngeni Kebuaru heiserigec kuctoayango ngenearu ferecgema feu kucgoc kecbisia.

2 Timoteo 2:1

Medacna, Yesu Kristoac danggunucngo meseriguu kucgoc kecbesena.