Dzekarya 8:3 - Deduamiti

³ Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Dzekarya 8:3 ပူးပေါင်းရင်းမြစ်များ

Mitiyegec 2:6

“Foracngoc, ni ngictauna neac Tsion tiki kpetiacfu bic faiba tacde.”

Mitiyegec 48:1

Kebu ye engena, ye oyang boyang memibesonga. Yeac tiki kpetiacfu, Anutuninaac amatoau, ye dengerebesonga.

Makekeng 29:45

Anu ni Isracel medacfora yeneac botucnginau kecma Anutungina kecduae nga kecbesandua.

Danicel 9:16

Neneac kopocsic nga bangecfocninaac singyoac kpekpefakanginaac amma bangecareng sasawa yerecnunuma tacyac andae yeneng Yerusalaim nga ngicngacfocga neneac negenggec wiac mangana yombong andimbe. O Kebu, ge dindingacfakaga sasawa modacmana ngabaga nga herebugango geac kpetiac tikiga Yerusalaim amatoa wama kembeso.

Yoele 3:17

Ifi fingecmanu ngeneng Ni Kebu Anutungina kpetiac tikina Tsionnu kecduae, imoc negenggecde. Ammanu Yerusalaimngo kpetiac anude. Anu kuricngic yeneng ihai susuferecge monggoc mi anggecde.

Yoele 3:21

Yeni hania kpacfu sac kpakegec, imocac ni turunga kpouyemmebade. Kebu neng Tsionnu nasoya kpac kecduae!”

Mika 4:1

Naso wisic wisickeau Kebuac womonggac tikingo engena amma tiki sasawa yeneac botucfu feracyunuma nanu, ngiha ngiha yeneng yearu kembesandae.

Tsefanya 3:13

Ifi anu yeni sing mi ferahebesandae nga ikocyoac mong mi debesandae amma enacbibicnginango faitobangyoac mong mi debesandae. Yeni yaka nekecma mama fenegembesandae. Fenegemmagec mongngo kengec mi meficgeyemmebesande.

Dzekarya 1:16

Meficgeyemmegec ni Yerusalaimgac ubamangangtoa negemma monggoc dzigeneduae. Dzigeneba womonna monggoc heigborima megecde amma Yerusalaim taongtoa monggoc miacma gununggegec nanudeac yeni kpetememe witicnginagoc bangec yerecgema bangecac kpetea megecde.’ ”

Dzekarya 12:6

Kecma naso debadeu faka meba Yehuda enara yeni gerec dzedzeango gerecguruac manau borangtiande isoc me ahakifango wit dedecac manau borangtide ifi isoc ambesandae. Amma kanaubigeng nga foiubigeng ngic habuya habuya noboc noboc kecdae, yeni memanganeyunudacbesandae. Memanganeyunudacma Yerusalaim mingina yeni Yerusalaim imohainoc monggoc kecbesandae.” Kebungo ifi dede.

Dzekarya 14:10

Amma Yerusalaim taong imoc nortbigengau Gewa taonnunac kengkecma Rimmon taonnu wisickebesande bangec imocngo tumiatoa fingecma febesande amma bumau tatahaungoc tacbesande. Amma imocac kpetea yofi febesande. Wenac ere ereaubigeng Benyaminggac hocodaac nagutoaunac kengkecma warac warac nagu ferecgema tuturunggaac naguu wenac keme kemeaubigennu kemma wisickebesande amma notfubigeng imoc Hananecelac amaherecfunac kengkecma sautfubigeng ngictauac waing tidzoc tidzohoac teng memea ihai wisickebesande.

Dzekarya 8:16

Imocac ngeni faka yofi ambisia, yoac forau edeemebisia nga yoacfu faiemegecdeu ruaeac sinnu ising ising forasac mebisia.

Dzekarya 8:19

“Yakasegekekecac naso afo kpete fo, kpete faef nga kpete sewen amma kpete ten wenac imohai yakasegekekecac nasongina angkecde imocac naso imocngoc yehudahabu ngeneac sogac sogai nasotoangina angkecbeso. Ammanu ngeni yoac fora nga ruaegoc kekec imocac songotoa negembisia.”

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Yohane 14:23

Ifi deu Yesungo yofi meremmiec, “Ngic mong ye heregoc neac songo negendeu ye enacyoacna modarude. Modaru Mannango yeac songo negenu nereng yeac hereu amatatacnira mema kecdede.

2 Korinti 6:16

Negenggec, Anutuac womong nga nemuonga botucngirau yoac dedzege naric mi feude. Imoc yofiac, nenang Anutu kekehagoc, yeac womong. Anutungo imocac yofi deec, “Ni amagerecna yenearu mema yenigoc kecbade. Kecma yeneac Anutu amba yeneng ngicngacfocna anggecde.” (Sese 26:12; Yer 32:38; Edz 37:27)

Kolosai 2:9

Imoc yofiac, Kristo yengena sebiu Anutu yengena kekeha hafoangoc fekecde.

Yohaneac kpefing 21:10

Ifi deu Asungo nearu ua meu tiki kuneng nga herea, imocac bumau menu emma kpetiac taongtoa Yerusaleng, kurumennunac Anutuarunac maecmoc, imoc edzacnuec.

Yohaneac kpefing 21:27

Amma wiac mong wonongagoc nga ngicngac angammemengina mangac manganea amma ikocnginagoc, yeneng taongtoa imocac manau naric mi enggecde, kpac. Ngicngac kpacngina ramamedahaac kekecac kibiu fede, yenengsac embesandae.

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.