Dzekarya 8:13 - Deduamiti

¹³ O Yehuda nga Isracel yofi negenggec, ‘Ngeni kengeha kpac serima nambisia. Anu bangeha bangeha yeneac botucfu sowecac onga anggec ifi isocngoc neng ebicfunac meicngunuba komoc kpema bangeha bangeha yeneac kenec ambesandae.’ ”

Dzekarya 8:13 ပူးပေါင်းရင်းမြစ်များ

Fingec fingec 26:4

Nga bangecfocga yeni negengyemmeba fingecsahe homac amma sawau asomeng tackendae ifi isoc ambesandae. Nga ni bangec yomoc sasawa bangecfocga yeni yemmebade. Anu bangecgaac arennu ngicngac bangeha bangeha kenecyunudacbesandua.

Mitiyegec 44:16

Nocac yeni deendema anemma demanganenugec yoacngina negenganduae. Ngabafocna nga ngic yeni turung kpougecdeac ayemmeande.

Mitiyegec 72:17

Ngictauac kpac kuneng imoc nasoya nasoya feengkecbeso. Wenacngo tatacseri takecde, ifi isoc yeac kpac kuneng deyadigec nasoya nasoya fekecbeso. Yeng bangec monnunac ngicngac sing meficgeyemmeu yeni kenecnginagoc amma yofi debisia, “Ye kenehagoc.”

Mitiyegec 79:4

Ngicngac nenigoc wegenac kecandae nga oronnunuma kecdae, yeneng deendema anemmema dzomorenemmedae.

Danicel 9:11

Isracel sasawa neni geac singyoac ferahema imoc wama monnu kening. Neni geac ubaudumenggac kedzac mi kpema kopocsic meficgeinggac amma enactofoc tofohongicga Mosengo sowecyoac deserima dedeseri kibiu ohoec, imocngo witininau hetinggegec enec.

Mika 5:7

Anu Yacakowareng tosea yeni ngiha ngiha yeneac botucfu Kebuarunac dzimbong nga kpindzingngo dzimbengagoc feande ifi isoc amma yeni mong me monggac tomai mi anggecde nga ngic monggaru mi heirigecde.

Tsefanya 3:16

Naso imohai Yerusalaim yofi edebesandae, “O Tsion, ge mi kengecgubeso amma mariga wana kuha kpac mi ambeso.

Tsefanya 3:20

Anu ni monggoc hesicngunuma bangecnginau kpedzucngunubade, naso imohai dzofinac monggoc kpengemmeba kicnginango imoc henggecde amma deba bangeha bangeha ngicngac yeneng ewengina heima dedengerengunugecde.”

Haggai 2:19

Bugereng nga tohongnginau wit nga balingina imoc kpac andarec. Waing nga fig ic amma pommegranat nga oliwa ic, imoc yeni fora kpac nangkenggec. Yaguc hanahema nang enggecde imohai ni kenecngunuba semengngina siriha mong anude.’ ”

Haggai 2:5

Ngeni Aigitabangec wama hagec, naso imohai yofi edengunuai: Ni ngenigoc kecduae. Yoac imocngonoc ngenigoc dzadzahac anai. Anu neac Asu imoc ngenigoc kecde. Imocac ngeni kengec mi ambisia.

Dzekarya 1:19

Anu angero nigoc yoacyoac anec ye baic neackpac yenenai yeneac hania edenuudeac kpesimiai. Kpesimiba yofi edenuec, “Baic neackpac imoc yenennoc Yehuda nga Isracel amma Yerusalaim kpetotieyunugec singsararang kpegec.”

Dzekarya 14:11

Anu imohai ngicngac yeni komoc kpema ruaegoc kecbesandae. Ammanu heihembarac monggoc mi ambesandae.

Dzekarya 8:15

Ifi isocngoc yaguc Yehuda nga Yerusalaim kenecngunubadeac tikengemmeduae. Imocac mi kengecngunuu.

Dzekarya 8:9

Kurumenggac wasaiareng habuya habuya yeneac Kebu neng yofi deduae, “Warac womong mebeso hoc heikenggec, naso ihai profete yeneng yoac degec negenggec yoac siriha imocngoc yaguc deba negendae. Ngeni seria nanggecdeac hafoangoc maringina meseriemema nanggeemebisia.

Dzekarya 9:13

Ni Yehuda tebenaac gurutu isoc tiba kemebesande nga Efrayimngo tebemedaha isoc ambesande. Ni Tsionggac medacfora demeefai ayemmeba yeni wasaibeang isoc ammagec fenggeyunuba grikngic medacfocngina yunubesandae.

1 Korinti 16:13

Ngeni garengemema efaima kecma negensinggema serima nambisia. Ngeni ngicsiric amma seserigoc kecbisia.

Garata 3:14

Anutungo kenec Abrahang miec, imocngo Yesuac amma bangec monnunac ngicngac, yenearu kendarudeac Yesungo bummenunuec. Ifi anu Anutungo yoac deseriec, imoc modaru nenang Yesu negensinggeni Asu nemmeec.