Dzekarya 8:12 - Deduamiti

¹² Amma ngicngacfocna toseanec komoc kpema kecdae yenearu wiac sasawa yomoc fingerudeac faka yofi mebesandua, Yeni ruaegoc kecma ama uangina heihomec ambesandae. Ammagec asomenggac dzimbong titikucngo bangecnginau danggunuc meu waingnginango foragoc andacbesande nga bangecnginango ifingoc semengagoc ambesande.

Dzekarya 8:12 ပူးပေါင်းရင်းမြစ်များ

Fingec fingec 26:12

Anu Itsak ye bangec imohai kecma ua heihomec anu Kebungo keneheu kifa imohai semengtoagoc yombong anu witgbomea mocguarunac handred fingerec.

Fingec fingec 27:28

Anutungo sawaac dzimbong nga bangec kerec miu wit nga yagong nga waing gboria amma uagau wiac sasawa keneheu fora homac fingeru.

Mitiyegec 72:3

Tiki yeneng ngicngac ruae meficgeyemmebisia nga fagang yeneng dindingac kekecac fora meficgeyemmebisia.

Mitiyegec 85:12

Fora, Kebungo wiac gombunga nemmeu bangecninaac semeng uango semeng monggoc meficgeude.

Yoele 2:19

AmmaKebungo turunga yofi merengyemeec, “Ni wit nga bali, waing gboria amma oliwa kereha socngina ngemmeba mewakengunuude. Anu bangeha bangeha yeneng desusuic monggoc mi angemmegecde.

Yoele 2:22

Kpindzingngo bangec kisiu besaima urubeacbeac andae nga ic yeni foragoc andae amma fig ic nga waing witicngo fora kucgoc endziredeac amma kateyang ngeni kengec mi anggec.

Tsefanya 3:13

Ifi anu yeni sing mi ferahebesandae nga ikocyoac mong mi debesandae amma enacbibicnginango faitobangyoac mong mi debesandae. Yeni yaka nekecma mama fenegembesandae. Fenegemmagec mongngo kengec mi meficgeyemmebesande.

Haggai 1:10

Ifi anggecac amma sawaya sawayango asomenggac dzimbong kpae faimiec nga bangecngo nenesemenggac fora segerengemmeec.

Haggai 2:18

Anu ngeni afo nainggac uameme twentifo, naso imohaingoc Kebuac womonggac hoc hanahema arenggema heigec, ngeni naso imoc gombunga negensibisia. Naso imohacnac nang enggecde imohai faka dafi fingecngemmeude imoc hengising ambisia.

Haggai 2:19

Bugereng nga tohongnginau wit nga balingina imoc kpac andarec. Waing nga fig ic amma pommegranat nga oliwa ic, imoc yeni fora kpac nangkenggec. Yaguc hanahema nang enggecde imohai ni kenecngunuba semengngina siriha mong anude.’ ”

Dzekarya 8:6

Anu yehudahabu toseanec komoc kpema kecdae, yeneng yofi debesandae, “Faka imoc mi fingec fingecac siriha yombong.” Ifi demagec nearu ine imoc naric fingec fingecac siriha anude.

Malecaki 3:11

Ni gisicngo uanginau semengngina mi memanganeudeac kpae faima kisangyunubade. Ammanu waing ic uanginau nangkende imoc kpaudzakaranga mi anude.

Mataio 6:33

Imocac ngeni warac warac yombong Anutuac eucerereng nga yeac faka dindingac meficgegecdeac uatoa mebisia. Ngeni ifi anggec yeng wiac sasawa imocnoc ifingoc torokpeu torokpe ngemmeude.

1 Korinti 3:21

Ngeni ngic monggac kpara kpacma yegoc torokpema sebiengeng angandae, imoc mi ngereede. Imoc yofiac, wiac sasawa imoc ngeneac bic anec.

Yakobo 3:18

Ngicngac ruae kekecac ua meandae, yeni ruae komoha homecgec fora dindingac kekec fingecyemmeude.