Dzekarya 7:9 - Deduamiti

⁹ “Kurumenggac wasaiareng habuya habuya yeneac Kebu yeng yofi dede, ‘Ngeni demengereac sing imoc gombunga modacma ubamangang angemema wosoefacgoc kecbisia.

Dzekarya 7:9 ပူးပေါင်းရင်းမြစ်များ

Amosi 5:24

Imocac ngeni wagec desidesiac yoacforango ine doku isoc nedzibeso nga dindingac kekecngo doku sike sikea isoc febeso.”

Mika 6:8

Ngicfunac fingec fingera, nocwiacngo gombunga ande nga Kebungo geac damoc deec, imoc bic edzacguec. Imocac ge fakafora, ubamanganggoc kekecac songo negennegeng nga ruaegoc kekec amma memaemema kekec, imoc Anutugagoc kecma modacna ngereeude.

Dzekarya 7:7

Anu warac Yerusalaim taong nga imocac taong wegenac yerecgema tackenec imoc ngicngac yeneng wakema kecgec amma dzofinactoanginagoc kecgec. Amma sautfubigeng nga wenac keme kemeaac buririhau imoc ngicngac yeneng sokodacgec, naso imohai Kebungo profete warac keceregec yeneac enacfu fau yeneng angammemengina mangana imoc deficgeyemmegec. Anu yaguc ifingoc Kebungo manganangina imoc monggoc deficgengemmede.’ ”

Dzekarya 7:8

Anu Kebuac yoacngo Dzekarya yearu monggoc yofi hau negenec,

Mataio 23:23

Mitiac negen negengngic nga farisaio, ngeni sowecnginagoc. Ngeni singyoac kapiabisic modacma dedeseriyoac engena, imoc ine wagecde. Ngeni ikocfakangina ifia meandae. Ngeni wiac homuna gombunga nga yakaac nga ic sogonggac homuna gombunga fingerude, imocac gbomea kapiabisic 10, imohacnac mocgu hendzicma Anutu miandae. Amma faka dindingac nga ubamangang amma negen negensingngina hafoangoc mekekec, imoc ine ihoc bahoc amma wagecde. Ngeni faka gombungngina imoc naric modacbisia amma tosea deduae, imoc ifingoc mi wabisia.

Ruka 11:42

Farisaio, ngeni romboc nga gime amma mondzangngina sasawa imocac kpete mema 10 imohacnac mocgu hendzicma Anutu miandae. Nga faka dindingac nga heregoc Anutuac songo negembesonga, imoc ine ihoc bahoc amma waandae, imocac ngeni sowecnginagoc. Ngeni faka gombunga imoc modacbisia amma tosea mi wabisia.

Yohane 7:24

Ngeni kicnginango sebiu heheng imohai mi isinggema debisia. Ngeni ine yoac dindingac negengising amma debisia.”