Dzekarya 7:12 - Deduamiti

¹² Kurumenggac wasaiareng habuya habuya yeneac Kebu yeng profete warac keceregec yeneac enacfu Asuya fau yeac kucfu yoara dekperagigec, yoac imoc nga dedeseriyoara imoc esangabo nga bangecfocngina yeneng yoara imoc mi negenggecdeac ubaherengina dzegegec harongang isoc seriec, imocac Kebuac herebungo witinginau enec.

Dzekarya 7:12 ပူးပေါင်းရင်းမြစ်များ

Mitiyegec 50:17

Ngeni neac dederecgeyoacac modzongina tiu yoacna ngadehema waandae.

Makekeng 7:13

Anu Kebungo deec, faka ifi yombong fingerec. Pareco ye ubaseri amma mi negengyecmeec.

Dzekarya 1:2

Kebungo bangecfocngina warac keceregec yeneac herebutoa negenec.

Dzekarya 7:7

Anu warac Yerusalaim taong nga imocac taong wegenac yerecgema tackenec imoc ngicngac yeneng wakema kecgec amma dzofinactoanginagoc kecgec. Amma sautfubigeng nga wenac keme kemeaac buririhau imoc ngicngac yeneng sokodacgec, naso imohai Kebungo profete warac keceregec yeneac enacfu fau yeneng angammemengina mangana imoc deficgeyemmegec. Anu yaguc ifingoc Kebungo manganangina imoc monggoc deficgengemmede.’ ”

Mataio 13:15

Ngicngacareng yomoc yeni herengina tondzera nga kedzacnginango yoac negenggecdeac ebiridae amma kicnginango wiac henggecdeac mepisickegec. Yeni kicnginango wiac mong hembauac nga kedzacnginango negembauac amma negen negengnginango wiac mong negentegecbauac, imoc yeni ubangina dafiu dzigeneu mengereyunubade.’ (Yes 6:9-10)

Mareko 4:12

Ifi anu ‘Yeni kicnginango hemma wiac mong ine mi henggecde nga kedzacnginango negemma wiac mong sifu mi negentegecgecde. Imocac yeni ubangina dzigenebacac Anutungo kopocsicngina mi wayemmeude.’ ” (Yes 6:9-10)

Ruka 8:12

Nga gbome sinnu heiec, imoc ngicngac goa yeni yoara negenggec. Nga mangana minginango hama yoac imoc ubanginaunac meickeu yeni negensinggebeso obohoma komoc mi kpegecde.

Aposoro 28:27

Imoc yofiac, ngicngacareng yomoc yeni herengina tondzera nga kedzacnginango yoac negenggecdeac ebiridae amma kicnginango wiac henggecdeac mepisickegec. Yeni kicnginango wiac mong hembauac nga kedzacnginango negembauac amma negen negengnginango wiac mong negentegecbauac, imoc yeni ubangina dafiu dzigeneu mengereyunubade.’ (Yes 6:9-10) Ngeni yeni isocngoc.

2 Petoro 1:21

Imoc yofiac, profeteyoac imoc ngic songou fingeru mi degec, imoc Anutuarunac nga Tiri Asungo imoc mehama enacnginau faiu degec.