Dzekarya 7:11 - Deduamiti

¹¹ Amma esangabo nga bangecfocngina yeni yoac siriha ifia imoc bic negenggec ammaguc ubaseriyombong amma yoacna ngadehema yoacna negembauac kedzacngina kpefonggegec.

Dzekarya 7:11 ပူးပေါင်းရင်းမြစ်များ

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Nehemia 9:26

Anu yeneng ine ifi ammaguc yoacga kpema ngadegugec nga singyoacga uba ngadenginau faiandae. Amma faka wonongagoc eweheiheiya kpahac amma Profetefocga yeneng ubangina dzigeneudeac goroyoac edeyunugec, yeneng imoc kpebucyunudacgec.

Nehemia 9:29

Nga ge singyoacga ngadehebauac gorongina kpenec ammanu yeneng ine ubaseri amma dederecgeyoacga mi modacgec. Nga yeni dedeseriyoacga bic dedea feec, imohai kopocsic meficgegec. Amma yeneac botucfunac yoacga modacgec yenengsac kekec gombung meficgegec. Nga ubaseri amma ngadegugec, yeni dzingfong kpema geac yoacac kedzac mi kpegec.

Makekeng 10:3

Ifi deu Mose nga Aharon yeri Parecoaru kemma yofi edeoc, “Hebiraiongicngac neneac Kebu Anutunina yeng yofi dede, Ge nasoherec ubaseri annec nga neac kicfu mi memaemema kecnecngoc imoc mi ngereede. Ge fakaga imoc wana! Ngicngacfocna uaac ebicfunac yungecyununa yeni ni eweheinenggecdeac kembisia.

Danicel 9:5

Neni ine kopocsic meficgema faka dindingac mi modacma ubahereninau faka mangana arenggema imoc amma kecma ubakpekpe amma dederecgeyoacga nga desi desiyoacga ngadeheing.

Tsefanya 3:2

Ye yoac negen negenga kpac. Amma demetingyoac ngadeheande. Ye kebuaru mi heiriande. Amma Anutu mi hoanggeande.

Dzekarya 1:4

Ngeni bangecfocngina warac keceregec yeni isoc mi ambisia.’ Warac profete kecgec yeneng yoacna dekperagiyemmema yofi degec, ‘Ngeni kopocsicac sing nga faka manganangina sasawa wadacma monggoc dzigenema hadacbisia.’ Ammanu yeneng yoacnaac kedzac mi kpema yoacna ngadehegec.

Mataio 13:15

Ngicngacareng yomoc yeni herengina tondzera nga kedzacnginango yoac negenggecdeac ebiridae amma kicnginango wiac henggecdeac mepisickegec. Yeni kicnginango wiac mong hembauac nga kedzacnginango negembauac amma negen negengnginango wiac mong negentegecbauac, imoc yeni ubangina dafiu dzigeneu mengereyunubade.’ (Yes 6:9-10)

Aposoro 7:51

“Ngicngac gori goria, ngeni ubakedzacngina fonggo fonggoya, kisicfocngina yeni Tiri Asu deendema ammikecgec, ngeni ifingoc ifi andae.

Aposoro 7:57

Ifi deu yeni sasawango kpeborongtoa kpema kedzacngina kpefonggema yearu ururunggema kpefahe kpefahe kemma

Hebiraio 12:25

Imocac ngeni ngic yoac edengunukecde, ye ngadehebauac garengngina mema kecbisia. Imoc yofiac, Mosengo bangecfu kecma ngicngac goroyoac seria edeyunuu yeni yeac yoac negenggecdeac wama kecma kopocsicac turunga, imohacnac naric mi woragec. Nga yeng kurumenga kurumenga imohacnac mama goroyoac edenunumanu yoara ngadehenideu kopocsicac turung imohacnac ifingoc naric mi woranide.