Dzekarya 7:10 - Deduamiti

¹⁰ Amma hotsecbegingfocngina nga ngic kuriha amma makpekpeafocngina yeneac amatatac gombunga imoc mi wangecyunubisia. Amma ngenaocngoc memanganeemegecdeac negengareng mi angemebisia.’ ”

Dzekarya 7:10 ပူးပေါင်းရင်းမြစ်များ

Mitiyegec 140:2

Yeni herenginau yarefaka hania hania arenggema nasosoc dzikac kpegecdeac sing meficgekecdae.

Mitiyegec 21:11

Yeni mangana arenggema gubeso amma ge tobanggugecdeac sing mengeregecdeu uangina imoc naric mi fingerude.

Mitiyegec 36:4

Nga ye fefeau fema ogofora tobangyunuudeac mangana arenggema sing manganasac modackefudeac negenude. Ye faka angammeme mangana mong mi ngadehema waude.

Mitiyegec 72:4

Ngictauac ngicngacfora tosea makpekpea kecdae, yeni yoacfu nanggeyunuma yoacngina deu firang ambisia. Nga ngicngac iwaiac obohoma eng kecdae, yeni meficyunuma wiac yemmebeso. Ngic mongngo ngicngac ogofora ebicfu faiyunuu ubaebicgoc kecgec ngictaungo hemma kpedzameu kuha kpac ambeso.

Makekeng 23:9

Ge ngicngac kuric kecdae yeni mong mi merandziyunubesena. Ngeni ngenang Aigitabangecfu kuric kecgecac amma kuric kekecac hania naric negentegecdae.

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Dzekarya 8:17

Ngeni ngicngac memanganeyunugecdeac arenggema negengareng mi ambisia. Amma yoac ikoha deserigecdeac songo mi negembisia. Faka ifia sasawa imoc ubaherenango waanduae.”

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 23:13

Mitiac negen negengngic nga farisaio, ngeni kurumeng eucererenggac nagu kpebung yeneac kicnginau heiandae. Ngeneng imohai enggecdeac segeandae nga kpebung yeneng embesonga ammagec kpae ifingoc heiyemmekecdae. Ngeni ikocfakangina ifia mekecdaeac ngeni sowecnginagoc.

1 Korinti 6:10

hamangecmeme me ngicngac kichodungnginagoc me doku seria nema ubasufu angandae me enacfu faifai yoac deandae me ikoc amma hiedzo wangecyunuandae, areng ifia yeni sasawango Anutuac eucererenggac mingina naric mi anggecde nga ambesandae.

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.

1 Yohane 3:15

Anu ngicngac tosofocngina ubango ukuyunuandae, yeni sasawa ngickpekpe andae. Nga ngic ifia yeneac hereu kekecseri mi fede, imoc negendae.