Dzekarya 6:12 - Deduamiti

¹² Anu yofi edebesena, ‘Kurumenggac wasaiareng habuya habuya yeneac Kebu yeng yofi dede, “Negennec, ngic mong kpara Icfawa ye sera kpema erema yadiseri amma Kebuac womong monggoc gununggebesande.

Dzekarya 6:12 ပူးပေါင်းရင်းမြစ်များ

Amosi 9:11

“Naso mong haude imohai, “Ni Dawidac eucererengnga makpeec imoc monggoc medzuacma me-mengere ambade. Amma hocoda dzamedzamea imocac sesuhau wiac sasawa manganedarec, imoc monggoc mengerema warac tarec ifi isocngoc faibade.

Mika 5:5

Ammanu Asiriangic yeneng bangecninau erema gbururucfu amagerecnina seriau kendacgecde. Ifi anggec neni gareng nga wasaiareng yeneac dederecgengicfocnina seria meisingyunumina Yengenaoc ruaenina anude.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Dzekarya 3:8

Womonggareng enara Yehosuac, yoac deduae imoc negentegecbesena. Ge nga womonggareng tosofocga geac bageau kecdae ngeni wiac gombung ngade fingecbesande imocac onga isoc andae. Ni ua medacna mong sueba habesande yeac kpara Icfawa.

Dzekarya 8:9

Kurumenggac wasaiareng habuya habuya yeneac Kebu neng yofi deduae, “Warac womong mebeso hoc heikenggec, naso ihai profete yeneng yoac degec negenggec yoac siriha imocngoc yaguc deba negendae. Ngeni seria nanggecdeac hafoangoc maringina meseriemema nanggeemebisia.

Mataio 16:18

Neng ifingoc edeguba negenna, ge Petoro, anu hoc yomocac witiau kpebungtoana faibade. Nga imocngo serima nanu homecamaac nagungo naric mi hepatanggeude.

Mataio 26:61

“Yesungo yofi deec, ‘Ni Anutuac womong hembarackema uameme harebec ammanu monggoc mebade, ni kucna imocacsoc fede.’ ”

Mareko 14:58

“Ye yoac mong yofi deu negening, ‘Ni womong yomoc ngicmaringo memea, imoc hembarackema uameme harebecac manau mong ngicmaringo mi memea mebade.’ ”

Mareko 15:29

Anu ngic ihai kengha anggec, yeni Yesu deendema ammima orucngina kpatitickema degec, “Ngeni ngic imoc henggec, yeng womong hembarackema wenac harebecac manau monggoc meudeac deec.

Mareko 15:39

Anu wasaigareng yeac kicfu nanec, yeng Yesungo kparec nga homeec, imoc hemma yofi deec, “Foracngoc, ngic yomoc ye Anutuac medacnoc.”

Ruka 1:78

Nga Anutuninango songo nga wosoefac engena yombong anemmekecdeac ifi fingerude. Yeac songotoayaac kuc imoc wenac isoc erema nenanggaru mama ngicngac

Yohane 1:45

Anu Firipongo Natanae meficgema yofi edeec, “Mosengo dedeseriyoac kibiu ohoec nga profete yeneng ifingoc ohogec, neni ngic imoc meficgeding. Imoc Yesunoc, Yosefeac medac, Nadzarete taonnunac.”

Yohane 19:5

Ifi deu Yesungo ngakpia giweng giweng nga iraya waeagoc, imoc tacmanungoc mama nanu Piratongo deec, “Ngeni ngic yomoc henggec.”

Aposoro 13:38

Tosofocna yofi edengunuba negenggec: Kopocsic wawaya, imoc ngic yennoc meficgeec, dedekperagi yoac imocngo ngenearu haec.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

1 Korinti 3:9

Neri Anutugoc ua mekecdipe nga ngeni Anutuac semengua nga yeac ama.

Hebiraio 10:12

Nga Kristongo kopocsic meickeudeac sese mocgusac kuha wisic wisickea kpac, imoc faima Anutuac foiau tataha mema tacde.

Hebiraio 7:24

Nga Yesungo ine wisic wisickea kpac kecengkefude, imocac womonggareng ua yegoc wisic wisickea kpac amma feeng kecbesande.

Hebiraio 7:4

Anu dzite hania bangecnina Abarahangngo wiara dzikacfunac meec, imoc hendzicma teng imohacnac mocgu miec. Imocac ngeni hentegecbisia Melkitsedek ye ngic engenatoa.

Hebiraio 8:3

Anutungo womonggarengtoa uayoac deyemmeu yeni ubangerec nga kopocsicac sesegerecngina faikecdae. Imocac amma Yesungo ifingoc sese mong faibeso.