Dzekarya 5:3 - Deduamiti

³ Ifi deba yofi edenuec, “Sowecyoac kibi yomocac manau oho ohoya fede, sowecyoac imoc bangeha bangeha kendarudeacnoc dede. Kibi nobohau yoac yofi fede, ‘Seng hamangec angkecdae, yeni Kebungo bangec yomohacnac meicyunuma ukuyunuu kendacgecde.’ Amma kibi imocac nobohau yoac yofi fede, ‘Ikocyoacngina yoacfu meseriandae, yeni ifingoc Kebungo bangec yomohacnac meicyunuma ukuyunuu kendacgecde.’ ”

Dzekarya 5:3 ပူးပေါင်းရင်းမြစ်များ

Makekeng 20:15

Ge wiac hamangec mi mebesena.

Danicel 9:11

Isracel sasawa neni geac singyoac ferahema imoc wama monnu kening. Neni geac ubaudumenggac kedzac mi kpema kopocsic meficgeinggac amma enactofoc tofohongicga Mosengo sowecyoac deserima dedeseri kibiu ohoec, imocngo witininau hetinggegec enec.

Amosi 3:10

Kebungo monggoc yofi dekperagide, “Yeni faka dindingac angang mi negendae yeni yarefaka amma hamangecfunac wiac mema amagerecngina seriau atiha atiha heiengandae.”

Dzekarya 5:4

Kurumenggac wasaiareng habuya habuya yeneac Kebuyeng yofi dede, “Ni sowecyoacna bic sueba imocngo hamangec areng nga neac kpac kpacma ikocyoac deandae yeneac amau emma fema ic nga hoc momoc hedzamedarude.”

Dzekarya 8:17

Ngeni ngicngac memanganeyunugecdeac arenggema negengareng mi ambisia. Amma yoac ikoha deserigecdeac songo mi negembisia. Faka ifia sasawa imoc ubaherenango waanduae.”

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Malecaki 4:6

Amma bangec yomoc soweckebaiac mangfocngina yeni ubamereng amma nambaracfocngina hoangyunugecdeac amma nambaracfocngina yeni ifingoc ubamereng amma mangfocngina hoangyunugecdeac Eliyango ua imoc mebesande.”

Mataio 25:41

Ifi dema kanaugeng nanggecde, yeneac yoac yofi edeyunuude, ‘Ngicngac sowecngunungunuya, ngeni wanuma gerec wisic wisickea kpac, imohai kemma kecbisia. Imoc mangana mingina nga angerofora, yeneac amma dzema fede.

Ruka 21:35

Wenac imohai subango yang kpeande, ifi isoc bangectoa bangec imohai hama ngicngac sasawa yenearu fingecdarude.

Efeso 4:28

Hamangecmeme ngic ye hamangec wama mariango ua fora mema semeng meficgema ngic makpekpea meficyunubeso.

1 Timoteo 1:9

Ge yofi negembesena, dedeseriyoac imoc ngic dindingac kecdae, yeneac negemma mi faifaia. Imoc ine areng yofia yeneac amma faifaia, ngicngac singyoac ngadehema ihoc bahoc amma Anutu ngadehema kecdae. Yeni kopocsic meficgema kpetiac kekec mi negensima bangecac wiacac songongina anude. Yeni nonggomangfocngina yunukpebuc amma ngicngac yunuhomeandae.

Yakobo 5:12

Nga yoac fora mong yofi, ngeni yoacngina seriudeac wiac mong kpacma mi deseribisia. Ngeni kurumeng me bangec kpacma yoacngina mi deseribisia nga wiac kuneng mong kpacma ifingoc mi deseribisia. Ngeni kecma yoacfu makpebauac fora imoc fora nga kpac imoc kpac, ifi debisia.

Yakobo 5:4

Negenggec, uangicfocngina yeni semeng uanginaunac fora kpengemmegec ngeni ua bung yemmebeso wagec, imocngo kiackecde. Nga uangic yeneac kiacngo ifingoc Kebu Kuctoa mingina yeac kedzacfu bic kemeec.

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”

Yohaneac kpefing 22:15

Anu ngicngac kasi isoc kecdae nga mosocfaka mekecdae nga seroareng amma ngickpekpefaka mekecdae nga nemu numuyemmeandae amma sasawango ikocfakaac songo negemma ikoc angandae, yeneng ine ngadeau kecgecde.