Dzekarya 4:6 - Deduamiti

⁶ Ifi dema monggoc torokpema edenuec, “Ge Kebuac yoac yomoc Dzerubawel edena, ‘Ge ngic seseriac sinnu me ngic kucac sinnu ua mi mebesena ge neac Asunaac kucfu ua mebesena.’ ”

Dzekarya 4:6 ပူးပေါင်းရင်းမြစ်များ

Fingec fingec 41:16

Ifi deu Yosefngo yofi meremmiec, “Pareco, ni neannaoc debadeacsoc mi ande. Nga ge naric kecnadeac Anutungo yoac turunga edegubeso.”

Mitiyegec 33:16

Ngictau ye yengena wasai ngichabu yeneac kucfu dzikacfu firang naric mi anude nga wasaingic ye yengena kucfu ngaba yeneac mariunac naric mi woraude.

Danicel 2:34

Anu ge imoc hemma nammana hoc mong ngicmaringo mi mema ukugec hama ongatoa imocac hanihora aieng nga bangecngo memea imoc hedzameyuruec.

Haggai 1:1

Dareyawesngo Pares bangectoaac ngictau kefu kifaya yohockang nga afo siksac uameme mocgu kemmanu Kebungo Secalticelac medac Dzerubawel Yehuda yeneac gawana nga Yehotsadakac medac Yehosuac womonggarengtoa kefec, yereac yoac profete Haggai edeu yeng kemma yofi dekperagiyecmeec:

Haggai 2:21

“Ge yehudangicngac yeneac gawana Dzerubawel Secalticelac medac yofi edena, ‘Ni kurumenga kurumenga nga bangeha bangeha kpemindzaheyunudacba turic turic andacgecde.

Dzekarya 6:12

Anu yofi edebesena, ‘Kurumenggac wasaiareng habuya habuya yeneac Kebu yeng yofi dede, “Negennec, ngic mong kpara Icfawa ye sera kpema erema yadiseri amma Kebuac womong monggoc gununggebesande.

Bangec kisiu 27:16

“O Kebu Anutu, ge ngic sebifusigoc sasawa asunginaac kunengngina, geng ngicngacarenniraac enara mong meisinggema ngickuneng anudeac desima faibesena.

Efeso 6:17

Amma aieng opoc kpara “Anutuac memengerec.” imoc heigec kemebeso. Amma Tiri Asuarunac dzikacac beang kpara “Anutuac yoac.” ngeni imoc mekecbisia.

1 Petoro 1:12

Kicfifi amma yenang meficemegecdeac kpac, imoc ngeni meficngunugecdeac yoara dekperagingemmegec, Anutungo imoc edzacyunuu yeni ireckegec. Kecma Anutungo Tiri Asu kurumennunac bangecfu sueu mama siduc gombung dedengic kuc yemmeu, yeni yoac imoc mema dekperagingemmegec ngeni imoc negenggec. Nga Angero yeni imoc ifingoc henggecdeac ayemmeande.