Dzekarya 3:9 - Deduamiti

⁹ Henggec hoc kibikerengagocngo pirac pirahagoc noboha sewen memea imoc Yehosuac geac hoannu faiba tacde. Hoc imohai yoac mong ohobade amma wenac mocguac manaungoc bangec yomocac kopocsic meickedacbesandua. Kurumenggac wasaiareng habuya habuya yeneac Kebu yeng ifi dede.

Dzekarya 3:9 ပူးပေါင်းရင်းမြစ်များ

Mitiyegec 103:12

Wenac ere erea imocngo keme kemeagoc wegenac naric mi tacde, imoc herea yombong. Nenang singyoac kpema mangana meficgeing, ifi isoc imoc meickeu nenanggac hereau kenude.

Mitiyegec 118:22

Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude nga nambesande.

Makekeng 28:11

Imoc mendzic mendzicngic yeneng kpac meserigecdeac kibi hocfu mendzicande, ifi isoc hoc yohockannu Isracel medacfora yeneac kpacngina mendzicbesena. Mendzicma hoc imoc gombunga faiyuruma witic golngo mudzema yerecgedacma mendangyurubesena.

Makekeng 28:21

Nga hoc imoc Isracel medacfora twelf yeneac kpacnginasoc mendzicbesonga. Amma twelf anggec hoc tembuc tembucfu kisicfocngina twelf yeneac kpacngina sasawa minginaac kpac hocfu mendzicyunubesena. Hocfu kibi mendzicma kpacngina imocngo meseriandae, ifi fingecma tembuc tembuc tackembeso.

Makekeng 28:36

Nga ge wiac dabac dabac efea mong goltegengngo memea pirac pirac mena minginango kpara meseriudeac hocfu mendzicandae, ifi isoc imohai kibi yofi mendzicbesena, Kebuac kpetiacngic desi desia.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 3:4

Nanu angerongo kurumenggac areng goa Yehosuacac wegenacfu nanggec yeneac yofi deec, “Ngeni yeac ngakpi kporuha wonongagoc imoc hesimigec.” ifi dema Yehosuac yofi edeec, “Ni kopocsicga wama ngakpi gboria kibikerengagoc heigenduae.”

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Yohane 6:27

Yaka mong hoaema kpac angande, ngeni imocac uatoa mi mebisia. Nga Ngicac Medacngo kekecseriac yaka ngemmeude, imocac uatoa mebisia. Imoc yofiac, yeac witiu Anutu Manggacngo yengena dedeseriac dzic faiec.”

Aposoro 4:11

‘Amameme ngic ngeneng hoc mong mangana dema ukugec. Nga hoc imocngo amaac hoc wotung amma seria nanude nga nambesande.’ (Myeg 118:22)

Roma 9:33

Imocac yofi oho ohoya fede, “Negendae, ni Sionnu hoc mong faiba imohai yeni kpondzong heigecde nga peperandziu tifainggema negemmangang meficgegecde. Nga mongngo ye negensinggeudeu ye game kpekpeu mi embesande.” (Yes 8:14; 28:16)

2 Korinti 3:3

Anu neni ngenearu ua meni ngeneng Kristoac kibi andae, imoc didiu bic fingectegerec. Amma kibi imoc pengdokuyango mi oho ohoya, kpac. Anutu kekehagoc yeac Asungo ine kibi imoc ohoec. Nga ye imoc tafebisic hocngo memea, imohai mi ohoec, kpac. Imoc ine ngicac sebifusiac tafeu ngicngac ubaherenginau oho ohoya fede.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

Hebiraio 7:27

Nga womonggarengtoa Lewiac arennu yeni wenacsoc yenang kopocsicac sese faimaguc ngicngac yeneac kopocsicac ngade faikecdae. Nga Yesungo faka imocac bageau mi kefec, kpac. Ye ine sese dema yengena faiemeec nga yeng imoc naso mocgusac meu soha anec.

1 Yohane 2:2

Ye nenang kopocsicac amma yengena sacfusiango bunnina bic meec. Amma nenangsac kpac, ngicngac bangectoa bangec yomohai kecdae, yeneac momoc.

Yohaneac kpefing 5:6

Ifi deu yofi henai. Ngictau tatac nga wiac kekecnginagoc 4 amma ngicenara 24 yeneac botucfu ramamedaha mong nanec nga ye kpehomemea isoc anec. Ramamedaha imoc ye baiha 7 nga kiwa 7. Kiwa imoc Anutuac Asu 7 nga imoc yeni bangectoa bangecfu sueyunuyunuya.