Dzekarya 3:4 - Deduamiti

⁴ Nanu angerongo kurumenggac areng goa Yehosuacac wegenacfu nanggec yeneac yofi deec, “Ngeni yeac ngakpi kporuha wonongagoc imoc hesimigec.” ifi dema Yehosuac yofi edeec, “Ni kopocsicga wama ngakpi gboria kibikerengagoc heigenduae.”

Dzekarya 3:4 ပူးပေါင်းရင်းမြစ်များ

Mitiyegec 51:9

Ge kopocsicna imohacnac kicga mesufubesena amma ni ngic ogofocna memanganeyunudarai, imoc dzuacdacna kpac ambeso.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Mika 7:19

Imocac ge ubamangang monggoc anemmema kopocsicnina sasawa haniga bageau faima kondung kemekemeau tipetanggena kemedacbeso.

Dzekarya 3:1

Anu Kebungo kpefinnu womonggarengtoa Yehosuac edzacnuec. Ye Kebuac angeroac kicfubigeng nanec. Nammanu Satangngo Yehosuac yoacfu faiudeac marifoiaugeng nanec.

Dzekarya 3:7

“Kurumenggac wasaiareng habuya habuya yeneac Kebu yeng yofi dede, ‘Ge neac sing modacma uayoac genggena imoc menadeu neac womonnaac gareng faiguba womonnaac manau wiac sasawa fedacde imocac gareng kecnade. Amma kurumenggac areng yoc nandae, yeneac botucfu geac kengha ifingoc feude.

Dzekarya 3:9

Henggec hoc kibikerengagocngo pirac pirahagoc noboha sewen memea imoc Yehosuac geac hoannu faiba tacde. Hoc imohai yoac mong ohobade amma wenac mocguac manaungoc bangec yomocac kopocsic meickedacbesandua. Kurumenggac wasaiareng habuya habuya yeneac Kebu yeng ifi dede.

Mataio 22:11

Anu ngicngac yeni hadacma tacgec ngictaungo yenenudeac hama ngic mong memeturanggac ngakpi mi heima tarec,

Ruka 1:19

Ifi deu angerongo deec, “Ni Gabirie. Anutuac kicfu nanganduae nga ye yengenaoc yoac edegubadeac suenuu hama siduc gombung yomoc edeguduae.

Ruka 15:22

Nga manggacngo ine wanacngicfora yofi bic edeyunuec, ‘Ngeni bicbic kemma ngakpiherec gombunga yombong mehama heimigec kemeu gbonggac ring heimima hanitabe haniau heimigec kemeu.

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Roma 3:22

Anutungo Yesu Kristo fainemmeec nga ngicngac ye negensinggedae, yeneac dindingac deyemmeude. Nga ngicngac sasawa nenang siricnina mong mong mi ande,

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.

1 Korinti 6:11

Nga ngenearunac ngicngac goango warac ifi kecgec. Ifi kecmagec Kebungo yengena kpacfu nga Anutuninaac Asu yeac kucfu dzuacngunuma dindingac dengemmema kpetiac arennu faingunuec.

2 Korinti 5:21

Kristo ye yengena kopocsiha kpac. Amma yeng donina mema kopocsicac ebicfu enec. Enu nenang yegoc kpeketahema Anutuac ngicngac dindingac amma kecdimbe.

Kolosai 3:10

Ngeni imoc wama ubasebingina gboria heima mekecdae. Nga Anutungo ubasebingina gboria meficgema monggoc heigborima negen negentegec foragoc faingemmeu imoc yengena siric anude.

Hebiraio 8:12

Ni wosoefac ayemmeba sing segema me kopocsic meficgeandae, imoc sasawa wama monggoc mi negensibade.” (Yer 31:31-34)

Yohaneac kpefing 5:11

Ni kicna merec merecgeangoc kecbare angero homac yeni ngictau tatac nga wiac kekecnginagoc amma ngicenara 24 orongyunugec ubaudumengngina negennai. Amma yeneac kpetengina imoc 10 tauseng naso 10 tauseng nga tauseng naso tauseng.

Yohaneac kpefing 7:14

Kpesinenu merenai, “Kunenna, ge geanggaoc negennec.” ifi deba yeng yofi edenuec, “Ngic yomoc yeni kpendzengtoaunac hama ngakpingina ramamedahaac sawango dzuacgec kongac kongac ande.