Dzekarya 2:4 - Deduamiti

⁴ Anu angero waraima haec yeng ngade haec yeac yofi deec, “Bic nedzi kemma ngicmedac mariau kpete menande ye yofi edena, ‘Kecma Yerusalaim ye yadima ngicngacfora nga ramaburumakafora homac ambesandae imocac kaso kpekpeac hocoda memeac siriha mi ande.’

Dzekarya 2:4 ပူးပေါင်းရင်းမြစ်များ

Esta 9:19

Nga Yehuda guruama bisicbisic taong ngadeau kecgec yeneng ine afo Adarac uameme 14 imoc ifingoc kpabanggema ubangerecgoc nenesemeng nema yenaocngoc iwai emekpesi anggec.

Danicel 1:17

Anu Anutungo sebigborimedac neackpac imoc negen negeng irec ireckea nga kibi oho ohoac negen negeng amma negen negentegec sasawa yemmeec. Anu Danicel ye onga sasawa nga gaukpefing hania hania imocac hania negentegerec.

Danicel 1:4

Nga medac imoc yeni sasawango kicsiricngina gombunga ambisia amma yeni puring nga kuchafeingina kpac, ifi ambisia. Yeni wiac nga negen negeng hania hania fede, imoc negentegecdacbisia. Amma yeni fitira yombong amma wiac sasawa kpouyemmegec negen negeng imoc bic mema negembisia. Nga yeni ngictauac amau yombong enactofoc tofoho ua mema nanggecdeac fakangina sirihau nga gombunga yombong ambeso. Ngeni ifingoc kasedingic yeneac kibi oho oho nga yoacngina kpouyemmebisia.”

Mika 7:11

Anu hocodaga memeac naso mong haude, imohai bangec botuc imoc meyadigecde.

Dzekarya 1:16

Meficgeyemmegec ni Yerusalaimgac ubamangangtoa negemma monggoc dzigeneduae. Dzigeneba womonna monggoc heigborima megecde amma Yerusalaim taongtoa monggoc miacma gununggegec nanudeac yeni kpetememe witicnginagoc bangec yerecgema bangecac kpetea megecde.’ ”

Dzekarya 1:17

Ifi dema yeng monggoc torokpema yofi dekperagibadeac edenuec, “Kurumenggac wasaiareng habuya habuya yeneac Kebu yeng yofi dede, ‘Taontoatoana tackende ihai hiedzongina monggoc wakema febesande. Amma Tsion bacngisina miba Yerusalaim ye neanna amabangec anudeac monggoc meisinggebesandua.’ ”

Dzekarya 12:6

Kecma naso debadeu faka meba Yehuda enara yeni gerec dzedzeango gerecguruac manau borangtiande isoc me ahakifango wit dedecac manau borangtide ifi isoc ambesandae. Amma kanaubigeng nga foiubigeng ngic habuya habuya noboc noboc kecdae, yeni memanganeyunudacbesandae. Memanganeyunudacma Yerusalaim mingina yeni Yerusalaim imohainoc monggoc kecbesandae.” Kebungo ifi dede.

Dzekarya 14:12

Anu ngiha ngiha Yerusalaim imohai dzikac kpegecdeac hagecde yeni Kebungo ebic yofi yemmebesande. Yeni gbori nammagecngoc fusingina hoaebesande amma kicngina tatahaungoc tacma hoaebesande nga nedzarangngina fefeaungoc fema hoaebesande.

1 Timoteo 4:12

Ge medacgbosing kecnecac mongngo geac negenggec mamea mi ambeso. Nga fakaga kpetiac nga dedega amma angammemega nga negen negensingga amma ngicngac heresongogoc hoangyunuannec, yeneng fakaga imoc hemma modacbisia.