Dzekarya 2:10 - Deduamiti

¹⁰ Ye yengenaoc yofi dede, “Yerusalaim ge sogac sogaiac yegec heina. Ni botucnginau kecbadeac habesandua.”

Dzekarya 2:10 ပူးပေါင်းရင်းမြစ်များ

Mitiyegec 40:7

Ifiac amma yoac yofi deai, “Kibi kpou kpouya manau neac siduc bic ohogec fede nga ni bic hadua.

Mitiyegec 68:18

Geng wi sawau yombong emma witicareng witicyunuma wangecyununa arenggau kenggec. Ngic yeneng ubangerecac wiac genggec. O Kebu Anutu, geng ihai kecnec nga ngic yeni geac modzongina tiu yoacga kpeandae, yeni ifingoc ubangerecac wiac genggecde.

Makekeng 29:45

Anu ni Isracel medacfora yeneac botucnginau kecma Anutungina kecduae nga kecbesandua.

Tsefanya 3:17

Kebu Anutuga gegoc kecde ye wasai kebu, yeng agengga tiu dzikac ferahenade. Ye geac ubangerectoa negemma sogaiande. Ye yumea kecma songo negenggengande. Ye geac amma sogaiyombonggede.”

Dzekarya 1:16

Meficgeyemmegec ni Yerusalaimgac ubamangangtoa negemma monggoc dzigeneduae. Dzigeneba womonna monggoc heigborima megecde amma Yerusalaim taongtoa monggoc miacma gununggegec nanudeac yeni kpetememe witicnginagoc bangec yerecgema bangecac kpetea megecde.’ ”

Dzekarya 14:5

Tikitoana uranggema kemeude imocac tumiatoaya kengkecma Adzara bangecfu wisickebesande. Ngeni yehudangictau Udziaac nasou usoctoa meu woragec ifi isoc ihai worabesandae. Woragec Kebu Anutuna ye kpetiac arengforagoc hasikebesandae.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Dzekarya 2:5

Imocac Kebungo yofi dede, ‘Ni neannaoc gerecborang isoc dzema taongnginaac oda ambesandua amma neanaoc ihai kecma fingectegecma kibikerengngina ambesandua.’ ”

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Malecaki 3:1

Kurumenggac wasaiareng habuya habuya yeneac Kebungo yoac yofi dede, “Negenggec, ni siduc dedena sueba yeng warainemma sinna memengere anudeac habesande.” Anu ngeni Kebu henggecdeac kicfifi anggec yennoc womongau piratac isoc bic habesande. Ngic imoc hembeso negengkecdae ye habesandenoc amma ye dzadzahacac siducdedengic ambesande.

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Yohane 14:23

Ifi deu Yesungo yofi meremmiec, “Ngic mong ye heregoc neac songo negendeu ye enacyoacna modarude. Modaru Mannango yeac songo negenu nereng yeac hereu amatatacnira mema kecdede.

Firipi 4:4

Ngeni nasosoc Kebuaru kpeketahema kecma sogac sogaigoc kecbisia, monggoc deduae, ngeni sogac sogaigoc kecbisia.

Yohaneac kpefing 2:1

“Ge Efeso kpebung, yeneac angeroaru kibi yomoc ohoma faina kenu.” “Ngic ye asomeng 7 marifoiau menande nga kifa nanangagoc 7 yeneac botucfu yerecgede, yeng ngeneac yofi dede,

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.