Dzekarya 14:7 - Deduamiti

⁷ Nga naso imoc naso siriha mong yombong ambesande. Nocac wenac nga tofocnac yereac kperagingira imoc siriha mocgungoc anude. Amma ama marai anu kperagia ye engngoc febesande. Naso imocac hania Kebungo negende.

Dzekarya 14:7 ပူးပေါင်းရင်းမြစ်များ

Mitiyegec 37:18

Kebungo ngic kopocsic mong mi meficgeandae, yeneac nasongina negendacde. Nga yeni bangecyombongngina imoc wisic wisickea kpac mekecgec

Danicel 12:4

Anu Danicel, geng yoac yomoc mesufuma kibikpoukpouya imohai kpae faina. Anu kecma naso wisic wisickea haude. Anu bangectoa bangecac negen negeng monggoc nga monggoc anu ngicngac homac yeni bic yombong yomohai nga edimohai kengkecbesandae.”

Amosi 8:9

Kebu Kpembibiagocngo yofi dede, “Naso imohaingoc, Ni deba wenac dzongiau wenackiwango kundung kpeude, nga wenacdzongiau amango kundung kpeude.

Mataio 24:36

Faka imoc noc uamemeu amma aua nofu fingerude, imoc mongngo mi negenbesande. Kurumenggac angero yeni imoc mi negendae nga Medacngo ifingoc mi negende. Manggacngosac naso imoc negende.

Mareko 13:32

Nga faka imoc noc uamemeu amma aua nofu fingerude, imoc mongngo naric mi negenude. Kurumenggac angero yeni imoc mi negenggecde nga Medacngo ifingoc mi negenude. Manggacngosac naso imoc negende.

Aposoro 1:7

Ifi degec yofi edeyunuec, “Manggac ye kuc minginango yeng wenac me yabungnaso hania hania faiec fede, imoc negentegecgecdeac kuc mi ngemme ngemmea.

Aposoro 15:18

Kebu ye bicngoc yoac ifia deereecngo dedenoc.

Aposoro 17:26

Amma ngic mocgu meficgema deu yearunac ngic bangeha bangeha nga habuya habuya fingecsahe kecgecdeac deec. Amma naso nga kpete, imoc yengngoc deyemmeec.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 14:6

Ni angero mong henai, ye sawakebangau herecge kenec. Kemma siduc gombung feengkefude nga feengkecbesande, imoc yeng ngicngac bangecfu kecdae, yeni edeyunuudeac metarec. Metacma bangeha bangeha ngicngac nga fakaga fakangina amma yoacga yoacna nga sebi siric hania hania, yeni

Yohaneac kpefing 21:23

Nga Anutuac kuc nga kibikperagiango taongtoa mekperagiec nga ramamedahango kperagia anec. Imocac amma taongtoa ye wenac me afokperagi uangira kpac, imohai monggoc mi mekperagiecde.

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.

Yohaneac kpefing 22:5

Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunubesande. Nga ngicngac yeni ngictau ua megec nga mekecgec imocac nasoya wisic wisickea kpac.