Dzekarya 14:6 - Deduamiti

⁶ Anu naso imohai wenackiwa nomanema kuha kpac ambesande.

Dzekarya 14:6 ပူးပေါင်းရင်းမြစ်များ

Mitiyegec 112:4

Ngicngac uba kongaha amma ikoc nga hamangecngina kpac kecandae, yeni kundung manau kecmagec kperagi fingecyemmeude. Kebu ye ubangerec ayemmema ubamangang negengyemmema dindingac kefude.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Yoele 2:30

Amma ni faka bibiagoc kurumenga kurumengau mebade nga emu bangecfu sac nga gerec amma hosuctoa fingerude.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Yohane 1:5

Nga kperagingo kundung mekperagiu kundungngo kperagi imoc semeudeac ambibiema waec.

Yohane 12:46

Nga ngicngac negensinnudae, yeni sasawango kundunnu monggoc mi kecgecde nocac bangecfu kperagia mama fingectegerec, imoc ni.

Aposoro 2:16

Nga faka yomocacnoc, profete Yoelengo yoac yofi deec,

Aposoro 2:19

Amma deba wi sawau soi fingerude. Nga emu bangecfu faka bibiagoc siria hania hania fingerude. Naso imohai sac nga gerec amma hosuctoa fingerude.

Kolosai 1:12

Anutu Manggacngo kpataning arenggac wiac kperagiu faifaia fede, imoc menideac mengerenunuec. Nga ngeni yearu sogac sogaigoc dangge dema kecbisia.

2 Petoro 1:19

Ifi negemma, profete yeneng yoac ohogec, imoc nenannu seria fede. Imoc kifa mong isoc nga imoc amabangec kundung fede, imohai mekperagimanu ama wereckenu asoac asomengngo herenginau dzema mekperagingunuude, ngeni kicngina ihacgeng fima hoanggegec ngereeude.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 11:3

Anu ni enacdedehocna kuc yemecba yeri toruwamba heima uameme 1 tauseng 2 handret 60ac (1260) manau profeteyoac deecde.”