Dzekarya 14:20 - Deduamiti

²⁰ Naso imohai becosic yeneac ubau wesic faifaia ihai kibi yofi oho ohoya febesande, “Kebuac kpetiacareng.” Ammanu Kebuac womonnu kudzi nganoc tackende imocngo aratau enang tackende imoc isocngoc ambesande.

Dzekarya 14:20 ပူးပေါင်းရင်းမြစ်များ

Mitiyegec 110:3

Ngicfocga yeni dzikac nasou gegoc kenggecdeac songo negemma hama edegugec geng hesicyununa tiki kpetiacfu enggecde. Sacgbori habunginagoc yeni ubaefac amma wamba kpetiac heima asoacac dzimbong heima feande, ifi isoc amma gearu habesandae.

Makekeng 25:29

Nga teraya, sokoha kuneng nga seseac doku hetinggegecdeac kpakenec kuneng amma kpakenec kapia, imoc sasawa goltegengngo mebesena.

Makekeng 37:16

Anu tatacfu seseac dokuac ua megecdeac teragedanga, sokocgedanga, nga seseac doku hetinggegecdeac kpakenecgedanga kapia nga kpakenecgedanga kuneng, imoc sasawa goltegengngo meyunuec.

Makekeng 39:30

Amma yeni ira kpetiacac wiac dabac dabac efea goltegengngo mema kpac meserigecdeac onga mendzicandae, ifi isoc imohai yoac yofi mendzicgec, Kebuac kpetiacngic desi desia.

Owadya 1:17

Anu goa worama Tsiontikiu enggecde. Amma bangec imocngo yeneac kpataning bangec ambesande. Ammanu Yacakowac areng yeni bangecngina monggoc tigec enude.

Tsefanya 2:11

Imocac amma Kebungo yenearu kucfakaya bibiagoc mebesande. Amma bangeha bangehaac nemuongafocngina imoc hembarackedacma meickeu kpac ambesande. Ammanu kondunga kondunga nga nuha nuha yeni ifingoc bangecnginasoc kecma Kebu eweheimibesandae.

Dzekarya 14:19

Amma Aigita habu nga bangeha bangehaac ngic yeni bedzo bedzoac tatac nasoac hombang imocac sing mi modacgecdeu yenearu kopocsicac memeting imocnoc fingecyemmebesande.

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Dzekarya 9:15

Kurumenggac wasaiareng habuya habuya yeneac Kebungo agengngina tiu yeni tacbang kperec kperecgengic haningina bageau faiyunuma firang ambesandae. Firang amma minggongngic arohoandae ifi isoc arohobesandae. Amma sacngo sesememeac sokocfu wakeu kpetinggegec arata baiha nadzicmiande, ifi isoc ngabafocngina yeneac sacnginango sebinginau sokoma nadzicngemmedacbesande.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Bangec kisiu 4:14

Nga arata witiau sese ua megecde imocac wiacgedanga sasawa, imoc gerecac teragedanga, saracgedanga, sapacgedanga nga sokoha sasawa faidacbisia. Faima imoc dolfin kondungyanggac seberango kperahama tofoya sineyuru kembesera.

Bangec kisiu 4:7

Faima icsogong kpara Kebungo nenigoc kecde, imocac tatacfu kporuc kibia dorong mongngo kperahama imocac witiau teragedanga nga sokocgedanga amma kpakenecgedanga nga seseac dokuac kpakenec kuneng sasawa faidacbisia. Nga nasosocac icsogong imoc ifingoc imohai faigec takecbeso.

Bangec kisiu 7:13

Yeng sese dema tera mong silwango memea mehama faiec, imocac ebiha shekelkpete 130 anec. Nga ye sokoc mong silwango memea faiec, imocac ebiha shekelkpete sewenti anec. Kpete imoc kpetiac amaac shekelkpeteac sirihau memea. Nga seseac yakaac negemma terau nga sokocfu wit uha gombunga yombong kerecdokugoc yerec yerecgea imoc wake wakea taroc.

Bangec kisiu 7:19

Amma yeng sese yofi faiec, tera mong silwango memea mehama faiec, imocac ebiha shekelkpete 130 anec. Nga ye sokoc mong silwango memea faiec, imocac ebiha shekelkpete sewenti anec. Kpete imoc kpetiac amaac shekelkpeteac sirihau memea. Nga seseac yakaac negemma terau nga sokocfu wit uha gombunga yombong kerecdokugoc yerec yerecgea imoc wake wakea taroc.

Ruka 11:41

Ngeni imocac amma ngicngac makpekpea wiac heregoc yemmebisia. Ifi anggec wiacngina sasawa dzuac dzuara anude.

Aposoro 10:15

Ifi deu atac yohockang anu deec, “Anutungo kpae imoc meickede, imocac ge wonongagoc mi dena.”

Aposoro 10:28

“Ngeni yudangic neneac faka negendae. Neni bangec monnunac ngic ngenigoc ogo nga engemma kekec ifi mi annideac kpaeyoac seria fede. Ni ine ngeni ngic wonongnginagoc dema desusuic mi dengemmebadeac Anutungo imoc edeedzacnu anec.

Aposoro 11:9

Ifi deba kurumennunac yoac mong fingeru atac yohockang anec, ‘Anutungo kpae imoc meickede, imoc wonongagoc mi debesena.’

Aposoro 15:9

Nenang negensinggeing, ifi isoc yeni negensinggegec Anutungo ubangina dzuarec.

Kolosai 3:17

Ngeni wiac sasawa degecde me anggecde, ngeni imoc Kebu Yesuac kpacfu ambisia. Amma ngeni ye negensima Manggac ubangerec edebisia.

1 Petoro 2:5

Nga ngeni ifingoc hoc kekehagoc yeac siric andae. Nga Anutungo asu ama mengunuande. Mengunuu ngeni yengena womonggareng kpetiac amma Asuac sinnu sese faigecde, imoc Yesuac amma Anutungo henu ngereeude.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.

1 Petoro 4:11

Ngic mong ye miti hania ngicngac dekperagiyemmeude, ye Anutuac yoac modacma dekperagibeso. Amma mong ye memeficac arennu kingang kpeyemmekecde, ye Anutungo kuc miande, imocac sirihau kingang kpekpe ua mebeso. Ifi anggec ngicngac yeneng faka sasawa imoc hemma Yesu Kristoac negemma Anutu dengeregecde. Ye kibikperagi nga kuc mingina nasoya wisic wisickea kpac fekengkecbesande, imoc fora.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.

Yohaneac kpefing 20:6

Nga Kebungo ngicngac warac warac yacyac imohai metorokpe ayemmeude, yeni kpetiac nga kenecnginagoc. Nga homec kpetea yohockangngo yeni garengyunuudeac kuc mong mi metaru yeni Anutu nga Kristoac womonggareng kecma kifa 1 tauseng yegoc ngicngac garengyunugecde.

Yohaneac kpefing 5:10

Bummeyunuma Anutuac eucererennu arengyununa yeni womong imocac gareng anggecdeac areng, imoc menec. Mena yeni bangeha bangeha yeneac gareng ambesandae.”